ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୭୦୦୨ ଜଣ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୪୨ ଜଣ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି । ଏହାକୁ ମିଶାଇ ମୋଟ୍ କରୋନାଜନିତ ମୃତ୍ୟୁ ସଂଖ୍ୟା ୨୯୯୪କୁ ବୃଦ୍ଧି ପାଇଛି । ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ୍ ୮୧୩୦୯୬ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥି ମଧ୍ୟରୁ ୭୮୦୩୧ ଟି ଆକ୍ଟିଭ୍ କେସ୍ ରହିଥିବା ବେଳେ ୭୩୨୦୧୮ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।
ଏକ ନୂଆ ଗବେଷଣାରୁ ଏହା ଜଣାପଡ଼ିଛି କି ଭବିଷ୍ୟତରେ ମୌସୁମୀ ବାୟୁ ଭାରତରେ ଭୟଙ୍କର ରୂପ ନେବ । ଅତ୍ୟଧିକ ବର୍ଷା କରାଇବା ସହ ଅଧିକ ବିପଜ୍ଜନକ ହୋଇପଡ଼ିବ । ପତ୍ରିକା ‘ସାଇନ୍ସ ଆଡ୍ଭାନ୍ସେସ୍’ରେ ଏହି ନୂଆ ରିପୋର୍ଟ ପ୍ରକାଶ ପାଇଛି । ଗ୍ରିନହାଉସ୍ ଗ୍ୟାସ୍, ଗରମ ପରିବେଶରେ ବର୍ଦ୍ଧିତ ଆର୍ଦ୍ରତା ଆଦି ମୌସୁମୀ ଋତୁରେ ଅଧିକ ବର୍ଷାର କାରଣ ସାଜିବ ।
ରାଜ୍ୟସରକାର କରୋନା ଟିକାକରଣ ଅଭିଯାନକୁ ୧୮-୪୪ ବୟସ ବର୍ଗ ପାଇଁ ରାଜ୍ୟର ସମସ୍ତ ସହରାଞ୍ଚଳରେ ବଢାଇବାକୁ ନିଷ୍ପତ୍ତି ନେଇଛନ୍ତି । ଏ ବାବଦରେ ବିଭିନ୍ନ ଜିଲ୍ଲାର ଜିଲ୍ଲାପାଳଙ୍କୁ ଲିଖିତ ଦର୍ଶାଯାଇଛି ।ତୃତୀୟ ପର୍ଯ୍ୟାୟ କରୋନା ଟିକାକରଣ ଅନୁଯାୟୀ, ମେ ମାସରେ ପାଞ୍ଚଟି ମ୍ୟୁନିସିପାଲିଟି କର୍ପୋରେସନ୍ ଓ ଛଅଟି ଜିଲ୍ଲା ମୁଖ୍ୟାଳୟ / ଏନଏସିରେ ୧୮ରୁ ୪୪ ବର୍ଷ ବୟସ ବର୍ଗର ଟିକାକରଣ ଆରମ୍ଭ ହୋଇସାରିଛି।
ବାତ୍ୟା ‘ୟାଶ’ ର କ୍ଷୟକ୍ଷତି ଆକଳନ କରିବା ପାଇଁ ଆଜି ଆସିବେ କେନ୍ଦ୍ରୀୟ ଟିମ୍ । କେନ୍ଦ୍ର ଗୃହ ସଚିବ ସୁନୀଲ ବନଓ୍ୱାଲ୍ଙ୍କ ନେତୃତ୍ୱରେ ଆସିବ ୭ଜଣିଆ ଟିମ୍ ।
ହିମାଚଳ ପ୍ରଦେଶରେ କରୋନା କର୍ଫ୍ୟୁକୁ ଆସନ୍ତା ୧୪ ତାରିଖ ଯାଏଁ ବୃଦ୍ଧି କରାଯାଇଛି । ରାଜ୍ୟ ସରକାରଙ୍କ ନିଷ୍ପତ୍ତି ଅନୁସାରେ ଆଗାମୀ ଜୁନ ୧୪ ସକଳା ୬ଟା ଯାଏଁ ରାଜ୍ୟରେ କୋଭିଡ-୧୯ ପାଇଁ କର୍ଫ୍ୟୁ ବଳବତ୍ତର ରହିବ ।
ଆମାଜନ କନ୍ନଡ ପତାକାର ବିକିନୀ ପ୍ରସ୍ତୁତ କରି ବିକ୍ରି କରୁଛି । କର୍ଣ୍ଣାଟକ ସରକାରର ମନ୍ତ୍ରୀ କହିଛନ୍ତି ଯେ, କନ୍ନଡଙ୍କ ପ୍ରତି ଅପମାନ ବନ୍ଦ ହେବା ଆବଶ୍ୟକ । ଏହା କନ୍ନଡର ସ୍ୱାଭିମାନର କଥା । ଏହି ଘଟଣାକୁ ବରଦାସ୍ତ କରାଯିବ ନାହିଁ । ତେଣୁ ଆମାଜନ କ୍ଷମା ପ୍ରାର୍ଥନା କରିବା ଆବଶ୍ୟକ । ଯଦି କମ୍ପାନୀ କ୍ଷମା ନମାଗେ ତେବେ ରାଜ୍ୟ ସରକାର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ।
ମହାରାଷ୍ଟ୍ରରେ ଅନଲକ୍ ର ପ୍ରକ୍ରିୟା ଆରମ୍ଭ ହେଲାଣି । ବିଏମସି ଦ୍ୱାରା ଅନଲକ୍ ପାଇଁ ନୂତନ ନିର୍ଦ୍ଦେଶନାମା ଜାରି କରାଯାଇଛି । ମୁମ୍ବାଇରେ ମଧ୍ୟ ଅନଲକର ସମ୍ପୂର୍ଣ୍ଣ ବ୍ଲୁ ପ୍ରିଣ୍ଟ ପ୍ରସ୍ତୁତ କରି ଅନେକ ପ୍ରକାରର କଟକଣା କୋହଳ କରିବାକୁ ପ୍ରସ୍ତୁତ ହେଉଛନ୍ତି ସରକାର ।
ବରିଷ୍ଠ ବଲିଉଡ ଅଭିନେତା ଦିଲ୍ଲୀପ କୁମାରଙ୍କୁ ମୁମ୍ବାଇର ହିନ୍ଦୁଜା ଡାକ୍ତରଖାନାରେ ଭର୍ତ୍ତି କରାଯାଇଛି। ନିଶ୍ୱାସ ନେବାରେ ଅସୁବିଧା ହେତୁ ଦିଲ୍ଲୀପ କୁମାରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ଭାରତରେ କରୋନା ସ୍ଥିତି ସଙ୍ଗୀନ ରହିଥିବା ବେଳେ ଅନେକ ଦେଶ ଭାରତକୁ ସହଯୋଗ କରୁଛନ୍ତି । କାନାଡାର କମ୍ପାନୀ ସମୁହ ଭାରତକୁ ୩୫୪ କୋଟି ଟଙ୍କାର ଆର୍ଥିକ ସହୟତା ପ୍ରଦାନ କରିଛନ୍ତି ।କାନାଡ-ଇଣ୍ଡିଆ ବିଜନେସ୍ କାଉନସିଲ୍ ବା ସି-ଆଇବିସିର ସଦସ୍ୟମାନେ ଭାରତକୁ ସାହାଯ୍ୟ ପାଇଁ ଆଗବର ଅଛନ୍ତି । ସଦସ୍ୟମାନେ ପ୍ରାୟ ୫୮,୮୨୨,୧୫୦ କାନାଡିଆନ ଡଲାର ବା ୩୫୪ କୋଟି ଟଙ୍କା ସଂଗ୍ରହ କରି ଭାରତକୁ ପ୍ରଦାନ କରିଛନ୍ତି ।
ବିଶ୍ୱରେ ଆଜି ପର୍ଯ୍ୟନ୍ତ ୧୭ କୋଟି ୩୭ ଲକ୍ଷ ୩ ହଜାର ୭୫୪ ଜଣ ଲୋକ କରୋନା ରେ ସଂକ୍ରମିତ ହୋଇସାରିଥିବା ବେଳେ ୩୭ ଲକ୍ଷ ୩୫ ହଜାର ୭୫୧ ଜଣ ଲୋକଙ୍କର ମୃତ୍ୟୁ ହୋଇଛି । ୧୫ କୋଟି ୬୮ ଲକ୍ଷ ୧୦ ହଜାର ୭୫୯ ଜଣ ସୁସ୍ଥ ହୋଇଥିବା ବେଳେ ୧ କୋଟି ୩୧ ଲକ୍ଷ ୫୭ ହଜାର ୨୪୪ ଜଣ ଲୋକ ସକ୍ରିୟ ଅଛନ୍ତି ।
