ବାସ୍ତବବ୍ୟୁରୋ:ନି.ପ୍ର (ଭୁବନେଶ୍ଵର) ଗତ ୨୪ଘଣ୍ଟା ମଧ୍ୟରେ ରାଜ୍ୟରେ ୭୦୦୨ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ କ୍ୱାରେଣ୍ଟାଇନ୍ରୁ ୩୯୨୧ଜଣ ହୋଇଥିବା ବେଳେ ସ୍ଥାନୀୟ ବାସିନ୍ଦା ୩୦୮୧ ଜଣ ଅଛନ୍ତି । ୪୨ ଜଣଙ୍କର କରୋନାରେ ମୃତ୍ୟୁ ଘଟିଛି । ସ୍ଵାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ରଙ୍କ ସୂଚନାନୁଯାୟୀ, ଓଡ଼ିଶାରେ ଧୀରେ ଧୀରେ କରୋନା ସଂକ୍ରମଣ ହାର କମୁଛି।
ଆଗରୁ ସଂକ୍ରମଣ ହାର ୨୩ ପ୍ରତିଶତ ଉପରେ ରହୁଥିଲା,ଯାହା ଆଜି ୯ ପ୍ରତିଶତରେ ପହଞ୍ଚିଛି । ପୂର୍ବରୁ ଟେଷ୍ଟିଂ କମ୍ ଥିଲା, ଏବେ ଟେଷ୍ଟିଂକୁ ଗୁରୁତ୍ଵ ଦିଆଯାଉଛି। ଏବେ ରାଜ୍ୟରେ ଟେଷ୍ଟିଂ ବଢିଛି। ସଂକ୍ରମଣ ହାର ଏପରି କମିବା ଭଲ ଲକ୍ଷଣ। କରୋନା ଟ୍ରାନ୍ସମିସନ୍ କମୁଛି। ସର୍ଭିଲାନ୍ସ କାମ ଦେଉଛି ।
ସଂକ୍ରମଣର ଚେନ୍ ବ୍ରେକ୍ କରିବା ପାଇଁ ଆମ ସମସ୍ତଙ୍କର ଯେଉଁ ପ୍ରୟାସ ଥିଲା ତାହା ସଫଳ ହୋଇଛି । ଏହି ପରି ଯଦି ସଂକ୍ରମଣ ହାର କମେ ତେବେ ଆମେ ଯାହା ଆଶା ରଖିଥିଲେ ସେଠାରେ ପହଞ୍ଚିବାକୁ ଆଉ ୭ ରୁ ୮ ଦିନ ସମୟ ଲାଗିବ। ଯଦି ୫ପ୍ରତିଶତ ତଳକୁ ସଂକ୍ରମଣ ଖସି ଆସେ ତେବେ ଆହୁରୀ ଭଲ ହେବ ଏବଂ ଆମେ ଗୋଟିଏ ଭଲ ସ୍ଥିତିରେ ପହଞ୍ଚି ପାରିବା ବୋଲି ସ୍ଵାସ୍ଥ୍ୟ ନିର୍ଦ୍ଦେଶକ କହିଛନ୍ତି।
