ବାସ୍ତବବ୍ୟୁରୋ:ନି.ପ୍ର(କଟକ) ବ୍ରାଞ୍ଚ ବ୍ୟାଙ୍କ ମ୍ୟାନେଜର ନାଁ କହି ଲକ୍ଷାଧିକ ଟଙ୍କା ଲୁଟ । ଏସବିଆଇ ଚେକ କ୍ଲିଅରାନ୍ସ ପାଇଁ ଏକ ଲକ୍ଷରୁ ଉର୍ଦ୍ଧ୍ବ ଟଙ୍କା ହୋଇଥିଲା ହଡ଼ପ । ଏନେଇ ସ୍ଥାନୀୟ ଚାଉଳିଆଗଞ୍ଜ ଥାନାରେ ହୋଇଥିଲା ଅଭିଯୋଗ । ଯାହାର ପର୍ଦ୍ଦାଫାସ କରିଛି କଟକ କମିଶନରେଟ୍ ପୋଲିସ । ଏହି ଲୁଟ ମାମଲାରେ ଦୁଇ ଜଣ କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ ।
ସୂଚନା ଅନୁସାରେ, ନୂଆବଜାର ଅଞ୍ଚଳରେ ରହୁଥିବା ରବି ନାରାୟଣ ମହାପାତ୍ରଙ୍କୁ ଏକ ଅଜଣା ନମ୍ବରରୁ ଫୋନ୍ କଲ୍ ଆସିଥିଲା ସେ ନିଜକୁ ଏସବିଆଇ ବ୍ୟାଙ୍କ ବ୍ରାଞ୍ଚ ମ୍ୟାନେଜର ର ପରିଚୟ ଦେଇଥିଲେ । ଚେକ କ୍ଲିଅରାନ୍ସ ପାଇଁ ଏକ ଓଟିପି ଯିବାର ଆଲ ଦେଖାଇ ଲୁଟି ନେଇଥିଲେ ଲକ୍ଷେ ଟଙ୍କାରୁ ଅଧିକ,ଏହି ଲୁଟେରା ଠକ ମ୍ୟାନେଜର ବାବୁ । ହେଲେ ବ୍ୟାଙ୍କ ପକ୍ଷରୁ କୌଣସି ପ୍ରକାର ସୂଚନା ନ ମିଳିବାରୁ ତାଙ୍କର ସନ୍ଦେହ ହୋଇଥିଲା। ସଙ୍ଗେ ସଙ୍ଗେ ସେ ସ୍ଥାନୀୟ ଥାନାରେ ମାମଲା ଦାୟର କରିଥିଲେ ।
ଅଭିଯୋଗ ଆଧାରରେ ତଦନ୍ତ ଆରମ୍ଭ କରିଥିଲା ପୋଲିସ । ତେବେ ଶେଷରେ ଦୁଇ ଜଣଙ୍କ ଘଟଣାରେ ସମ୍ପୃକ୍ତି ନେଇ ସ୍ପଷ୍ଟ ହୋଇଥିଲା । ପୁରୀରୁ ସୁପ୍ରଭାତ ମହାପାତ୍ର ଓ ଜଗତସିଂହପୁରରୁ ତନ୍ମୟ କୁମାର ବେହେରାଙ୍କୁ ଟ୍ରାକ କରିବା ପରେ ଗିରଫ କରିଛି ପୋଲିସ । ଗିରଫ ସମୟରେ ଏକ ଲକ୍ଷରୁ ଉର୍ଦ୍ଧ୍ବ ଟଙ୍କା, ଦାମୀ ମୋବାଇଲ ଫୋନ ଓ ବେନାମୀ ସିମ ଓ ଏକ ଗାଡି ଜବତ କରିଛି ପୋଲିସ ।
