ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୫୮୯୬ ଜଣ କୋଭିଡ୍ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୪୫ ଜଣ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି । ଏହାକୁ ମିଶାଇ ମୋଟ୍ କରୋନାଜନିତ ମୃତ୍ୟୁ ସଂଖ୍ୟା ୩୦୮୦କୁ ବୃଦ୍ଧି ପାଇଛି । ରାଜ୍ୟରେ ବର୍ତ୍ତମାନ ସୁଦ୍ଧା ମୋଟ୍ ୮୧୯୨୧୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥି ମଧ୍ୟରୁ ୭୬୭୫୦ ଟି ଆକ୍ଟିଭ୍ କେସ୍ ରହିଥିବା ବେଳେ ୭୩୯୩୭୬ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।
ରାଜ୍ୟରେ ପ୍ରାକ୍ ମୌସୁମୀ ବର୍ଷା ଆରମ୍ଭ ହୋଇଗଲାଣି । ଅନ୍ୟପଟେ ଉତ୍ତର ବଙ୍ଗୋପସାଗରରେ ଦାନା ବାନ୍ଧୁଛି ଲଘୁଚାପ । ୧୧ ତାରିଖ ସୁଦ୍ଧା ଲଘୁଚାପ ସୃଷ୍ଟି ହେବା ସମ୍ଭାବନା ଅଛି । ପ୍ରବଳ ବର୍ଷା ହେବ ଉପକୂଳ ଓ ଆଭ୍ୟନ୍ତରୀଣ ଅଞ୍ଚଳରେ । ସମ୍ଭବତଃ ଆସନ୍ତା ୧୦ ତାରିଖବେଳକୁ ଓଡ଼ିଶାରେ ପହଞ୍ଚିବ ଦକ୍ଷିଣ-ପଶ୍ଚିମ ମୌସୁମୀ । ଏଥର ଜୁନ୍ରେ ରାଜ୍ୟରେ ସ୍ୱାଭାବିକଠାରୁ ଅଧିକ ବର୍ଷା ବି ହୋଇପାରେ : ଆଞ୍ଚଳିକ ପାଣିପାଗ କେନ୍ଦ୍ର ବୈଜ୍ଞାନିକ ଉମାଶଙ୍କର ଦାସ ।
ଶ୍ରୀ ଜଗନ୍ନାଥ ମନ୍ଦିରର ମୁଖ୍ୟ ପ୍ରଶାସକ କ୍ରିଷାନ କୁମାର ଅତିରିକ୍ତ ମୁଖ୍ୟ ଶାସନ ସଚିବଙ୍କୁ ଚିଠି ମାଧ୍ୟମରେ ମନ୍ଦିର ସେବାୟତ ଓ କର୍ମଚାରୀମାନଙ୍କୁ କରୋନା ଯୋଦ୍ଧା ଘୋଷଣା କରିବାକୁ ପତ୍ର ମାଧ୍ୟମ ରେ ଜଣାଇଛନ୍ତି ।
କେନ୍ଦ୍ର ସରକାର ବିଦେଶ ଯାତ୍ରା କରୁଥିବା ଲୋକଙ୍କ ଲାଗି ଟିକାର ନୂଆ ଗାଇଡଲାଇନ ଜାରି କରିଛନ୍ତି । ବିଦେଶ ଯାତ୍ରା କରୁଥିଲେ, ପ୍ରଥମ ଟିକାର ୨୮ ଦିନ ପରେ ଯେକୌଣସି ସମୟରେ ୨ୟ ଡୋଜ ଟିକା ନେଇ ପାରିବେ ।
ମହାରାଷ୍ଟ୍ରର ପୁଣେରେ ଏକ କାରଖାନାରେ ସୋମବାର ଘଟିଥିବା ଅଗ୍ନିକାଣ୍ଡ ଘଟଣାରେ ୧୫ ଜଣ ମହିଳାଙ୍କ ସମେତ ୧୭ ଜଣଙ୍କର ମୃତ୍ୟୁ ହୋଇଛି । ଏହି ଘଟଣାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୋକ ଜଣାଇଛନ୍ତି । ପ୍ରଧାନମନ୍ତ୍ରୀ ମୋଦୀ ମୃତକଙ୍କ ପରିବାର ପ୍ରତି ସମବେଦନା ଜଣାଇବା ସହିତ ପ୍ରଧାନମନ୍ତ୍ରୀ ଜାତୀୟ ରିଲିଫ ପାଣ୍ଠିରୁ ପ୍ରତ୍ୟେକ ମୃତ ବ୍ୟକ୍ତିଙ୍କ ପାଇଁ ୨ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୂଳକ ରାଶି ଘୋଷଣା କରିଛନ୍ତି । ସେହିପରି ମୋଦୀ ଆହାତମାନଙ୍କୁ ୫୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କରିବା ପାଇଁ ଘୋଷଣା କରିଛନ୍ତି ।
ବୈଜ୍ଞାନିକମାନେ ରିସର୍ଚ୍ଚ କରି କହିଛନ୍ତି ଯେ, କେବଳ ମହାରାଷ୍ଟ୍ର ଉପରେ ରିସର୍ଚ୍ଚରୁ ଜଣାପଡିଛି ଯେ ତିନିମାସ ମଧ୍ୟରେ ବିଭିନ୍ନ ଜିଲ୍ଲାର ଲୋକଙ୍କ ମଧ୍ୟରେ ନୂତନ ପ୍ରକାରର ଭାରଆଣ୍ଟ ଦେଖିବାକୁ ମିଳିଛି । ବୈଜ୍ଞାନିକମାନେ ମଧ୍ୟ ଆଶଙ୍କା କରିଛନ୍ତି ଯେ ପ୍ଲାଜମା, ରେମଡିସିଭର୍ ଏବଂ ଷ୍ଟେରଏଡ ଧାରଣ କରିଥିବା ଔଷଧର ବ୍ୟାପକ ବ୍ୟବହାର ଯୋଗୁଁ ଏହାର ପରିବର୍ତ୍ତନକୁ ପ୍ରୋତ୍ସାହନ ଯୋଗାଇଛି । ସେଥିପାଇଁ ଅନ୍ୟ ରାଜ୍ୟରେ ମଧ୍ୟ କ୍ରମ ବୃଦ୍ଧି କରିବାର ଆବଶ୍ୟକତା ଅଛି । ବୈଜ୍ଞାନିକମାନେ ସତର୍କ କରାଇଛନ୍ତି ଯଦି ସାବଧନତା ଅବଲମ୍ବନ ନକରାଯଏ ତେବେ ତୃତୀୟ ଲହର ଆହୁରି ସାଂଘାତିକ ହୋଇପାରେ ।
କେନ୍ଦ୍ର ସରକାର ବିଦେଶ ଯାତ୍ରା କରୁଥିବା ଲୋକଙ୍କ ଲାଗି ଟିକାର ନୂଆ ଗାଇଡଲାଇନ ଜାରି କରିଛନ୍ତି । ବିଦେଶ ଯାତ୍ରା କରୁଥିଲେ, ପ୍ରଥମ ଟିକାର ୨୮ ଦିନ ପରେ ଯେକୌଣସି ସମୟରେ ୨ୟ ଡୋଜ ଟିକା ନେଇ ପାରିବେ । ଏମିତିରେ ବି କେନ୍ଦ୍ର ସରକାର ପ୍ରଥମ ଡୋଜ ଏବଂ ଦ୍ୱିତୀୟ ଡୋଜ ମଧ୍ୟରେ ୧୨ରୁ ୧୬ ସପ୍ତାହ ବ୍ୟବଧାନ ରଖିଛନ୍ତି ।
ପ୍ରସିଦ୍ଧ କାଷ୍ଟିଂ ନିର୍ଦ୍ଦେଶକ ସେହର ଅଲି ଲତିଫଙ୍କ ହୃଦଘାତ ଯୋଗୁଁ ଦେହାନ୍ତ ହୋଇଛି । କିଡ୍ନୀ ଚିକିତ୍ସା ପାଇଁ ତାଙ୍କୁ ମୁମ୍ବାଇର ଲିଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା। ଧୀରେ ଧୀରେ ତାଙ୍କ ଅବସ୍ଥା ଖରାପ ହେବାକୁ ଲାଗିଥିଲା ।
ଭାରତରେ ‘ବି.୧.୧.୨୮.୨’ ନାମକ ଆଉ ଏକ ନୂଆ କରୋନା ଭାରିଆଣ୍ଟ ଠାବ କରାଯାଇଛି । ପୁଣେର ନ୍ୟାସନାଲ ଇନ୍ଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି (ଏନ୍ଆଇଭି) ଦ୍ୱାରା ଜିନୋମ୍ ସିକ୍ୱେନ୍ସିଙ୍ଗ୍ କରାଯାଇ ଏହି ଭାରିଆଣ୍ଟ ଚିହ୍ନଟ ହୋଇଛି । ବ୍ରାଜିଲ ଓ ବ୍ରିଟେନରୁ ଆସିଥିବା ଅନ୍ତର୍ଜାତୀୟ ଯାତ୍ରୀଙ୍କ ନାକ ଓ ଗଳା ସ୍ୱାବ୍ରେ ଏହି ଭାରିଆଣ୍ଟ ଦେଖିବାକୁ ମିଳିଥିଲା ।
ବିଶ୍ୱବ୍ୟାପୀ ଆଜି ପର୍ଯ୍ୟନ୍ତ ୧୭ କୋଟି ୪୩ ଲକ୍ଷ ୬୧ ହଜାର ୯୧୧ ଜଣ ଲୋକ କରୋନା ରେ ସଂକ୍ରମିତ ହୋଇସାରିଥିବା ବେଳେ ୩୭ ଲକ୍ଷ ୫୧ ହଜାର ୬୮୫ ଜଣ ଲୋକଙ୍କର ମୃତ୍ୟୁ ହୋଇଛି । ୧୫ କୋଟି ୭୮ ଲକ୍ଷ ୮୬ ହଜାର ୪୨୪ ଜଣ ସୁସ୍ଥ ହୋଇଥିବା ବେଳେ ୧ କୋଟି ୨୭ ଲକ୍ଷ ୨୩ ହଜାର ୮୦୨ ଜଣ ଲୋକ ସକ୍ରିୟ ଅଛନ୍ତି ।
