ଆଦିତ୍ଯ ବେହେରା(ଭୁବନେଶ୍ବର): ଆଜି ଘୋଷଣା ହେଲା ୨୪ ନିର୍ବାଚନର ତାରିଖ। ଭାରତର ମୁଖ୍ୟ ନିର୍ବାଚନ କମିଶନର ନିର୍ବାଚନ ତାରିଖ ଘୋଷଣା କରିଛନ୍ତି। ଏଥିରେ ଲୋକସଭା ଏବଂ ୪ଟି ରାଜ୍ୟର ବିଧାନସଭା ତାରିଖ ମଧ୍ୟ ଘୋଷଣା କରାଯାଇଛି।
ସେହି ଅନୁସାରେ ଓଡିଶାରେ ୪ଟି ପର୍ଯ୍ୟାୟରେ ଉଭୟ ଲୋକସଭା ଓ ବିଧାନସଭା ନିର୍ବାଚନ ହେବ। ମେ୧୩ ତାରିଖରୁ ଆରମ୍ଭ ହେବ ନିର୍ବାଚନ । ଓଡିଶାରେ ଲୋକସଭା ଓ ବିଧାନସଭା ପାଇଁ ସ୍ଥିର କରାଯାଇଥିବା ତାରିଖ ଗୁଡିକ ହେଲା – ମେ ୧୩ ତାରିଖରେ,କଳାହାଣ୍ଡି,ନବରଙ୍ଗପୁର, ବ୍ରହ୍ମପୁର ଓ କୋରାପୁଟ, ମେ ୨୦ ତାରିଖରେ ,ବରଗଡ,ସୁନ୍ଦରଗଡ,ବଲାଙ୍ଗୀର,କନ୍ଧମାଳ ଓ ଆସିକା,ମେ ୨୫ ତାରିଖ,ସମ୍ବଲପୁର,କେନ୍ଦୁଝର, ଢେଙ୍କାନାଳ, କଟକ ପୁରୀ ଓ ଭୁବନେଶ୍ଵର ଏବଂ ଶେଷ ପର୍ଯ୍ଯାୟ ଜୁନ ୧ ତାରିଖରେ,ମୟୁରଭଞ୍ଜ,ବାଲେଶ୍ବର, ଭଦ୍ରକ, ଜାଜପୁର, କେନ୍ଦ୍ରାପଡ଼ା ଓ ଜଗତସିଂହପୁର ନିର୍ବାଚନ କରାଯାଇ ଜୁନ୍ ୪ ତାରିଖ ରେ ଭୋଟ ଗଣତି କରାଯିବ ।
