- ହାଇଲାଇଟ୍ସ …
- ଉପରାଷ୍ଟ୍ରପତି ନିର୍ବାଚନରେ ବିଜେପି ବିରୋଧୀ ଶିବିରକୁ ମମତା ବାନାର୍ଜୀ ଏକ ବଡ଼ ଝଟକା ଦେଇଛନ୍ତି
- ଅଗଷ୍ଟ ୬ ରେ ହେବାକୁ ଥିବା ଉପରାଷ୍ଟ୍ରପତି ନିର୍ବାଚନ ଠାରୁ ମମତାଙ୍କ ଦଳ ଟିଏମସି ଦୂରରେ ରହିବ
- ମମତା କହିଛନ୍ତି ଯେ ବିରୋଧୀ ଦଳର ପ୍ରାର୍ଥୀଙ୍କ ବିଷୟରେ ଟିଏମସି ସହ କୌଣସି ଆଲୋଚନା ହୋଇନାହିଁ
- ମମତାଙ୍କ ଏହି ପଦକ୍ଷେପ ବିଜେପି ପ୍ରାର୍ଥୀଙ୍କ ବିଜୟର ରାସ୍ତାକୁ ଆହୁରି ସହଜ କରିବ।
ଏସ.ବାସ୍ତବ: ରାଷ୍ଟ୍ରପତି ନିର୍ବାଚନରେ ବିରୋଧୀ ଦଳ ପକ୍ଷରୁ ମିଳିତ ପ୍ରାର୍ଥୀଙ୍କ ପ୍ରାଥୀତ୍ୱକୁ ଏକ ଠୋସ୍ ରୂପ ଦେଇଥିବା ଟିଏମସି ଉପରାଷ୍ଟ୍ରପତି ନିର୍ବାଚନରେ ବିଜେପି ବିରୋଧୀ ଶିବିରକୁ ଏକ ବଡଝଟକା ଦେଇଛି। ମାର୍ଗେଟ୍ ଆଲଭାଙ୍କୁ ଟିଏମସିର ସମର୍ଥନ ଉପରେ ଏହି ଶିବିର ନିଶ୍ଚିତ ଥିଲା କିନ୍ତୁ ମମତା ବାନାର୍ଜୀ ଉପରାଷ୍ଟ୍ରପତି ନିର୍ବାଚନ ଠାରୁ ଦୂରେଇ ରହିବାକୁ ଘୋଷଣା କରିଛନ୍ତି । ଦିଦି କହିଛନ୍ତି ଯେ ଟିଏମସି ଆସନ୍ତା ଉପରାଷ୍ଟ୍ରପତି ନିର୍ବାଚନ ଠାରୁ ଦୂରେଇ ରହିବ କାରଣତାଙ୍କ ସହ କେହି ପରାମର୍ଶ କରିନାହାନ୍ତି ।
ସୂଚନାନୁସାରେ, ସୋନିଆ ଗାନ୍ଧୀ ଉପରାଷ୍ଟ୍ରପତି ନିର୍ବାଚନରେ ସମ୍ଭାବ୍ୟ ପ୍ରାର୍ଥୀ ବିଷୟରେ ମମତା ବାନାର୍ଜୀଙ୍କୁ ଦୁଇଥର ଫୋନ ଯୋଗେ କଥା ହୋଇଥିଲେ । ଦିଦି ତାଙ୍କୁ କହିଥିଲେ ଯେ ବିରୋଧୀ ଯାହାକୁ ପ୍ରାର୍ଥୀ ଭାବରେ ନିଷ୍ପତ୍ତି ନେବେ ତାଙ୍କ ଦଳ ତାଙ୍କୁ ସମର୍ଥନ କରିବ। ସେ ଶରଦ ପାୱାର ଏବଂ ଅନ୍ୟ ବିରୋଧୀ ଦଳର ନେତାଙ୍କ ସହ ବାର୍ତ୍ତାଳାପରେ ସମାନ କଥା ଦୋହରାଇଥିଲେ ।
ତେବେ ଗୁରୁବାର ଦିନ ଟିଏମସି ଉପରାଷ୍ଟ୍ରପତି ନିର୍ବାଚନ ଠାରୁ ନିଜକୁ ଦୂରେଇ ରଖିବାକୁ ଘୋଷଣା କରିଛି। ଦଳ କହିଛି ଯେ ଏହାର ଅର୍ଥ ଏନଡିଏ ପ୍ରାର୍ଥୀ ଜଗଦୀପ ଧନଖରଙ୍କ ପାଇଁ ରଣନୀତିକ ସମର୍ଥନ ଭାବରେ ଦେଖାଯିବା ଉଚିତ ନୁହେଁ। ଏହି ସ୍ପଷ୍ଟୀକରଣ ପରେ ମଧ୍ୟ କିଛି ବିରୋଧୀଦଳ ନେତା ଟିଏମସିର ଏହି ନିଷ୍ପତ୍ତିକୁ ଏହି ମାସରେ ଦାର୍ଜିଲିଂରେ ଧନଖର ଏବଂ ମମତା ବାନାର୍ଜୀଙ୍କ ବୈଠକ ସହ ଯୋଡିଛନ୍ତି। ସେହି ବୈଠକରେ ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ମଧ୍ୟ ଉପସ୍ଥିତ ଥିଲେ। ଉପରାଷ୍ଟ୍ରପତି ନିର୍ବାଚନ ଠାରୁ ଦୂରେଇ ରହି ଏନଡିଏ ପ୍ରାର୍ଥୀଙ୍କ ବିଜୟର ରାସ୍ତାକୁ ସହଜ କରିବାକୁ ଟିଏମସିର ନିଷ୍ପତ୍ତି ଦାର୍ଜିଲିଂ ରେ ଅନୁଷ୍ଠିତ ବୈଠକ ରେ କରାଯାଇଥିଲା ବୋଲି ବିଶ୍ୱାସ କରାଯାଉଛି ।
ଟିଏମସିର ଏହି ୟୁ-ଟର୍ନକୁ ନେଇ ବିରୋଧୀ ଶିବିର ପୁଣି ଥରେ ଅସନ୍ତୋଷ ପ୍ରକାଶ କରିଛି। ଏହାପୂର୍ବରୁ ରାଷ୍ଟ୍ରପତି ନିର୍ବାଚନ ପୂର୍ବରୁ ମଧ୍ୟ ମମତା ବାନାର୍ଜୀ ହଠାତ୍ ଏକ ବିବୃତ୍ତି ଦେଇଥଲେ ଯେ ଯଦି ସରକାର ବିରୋଧୀଦଳଙ୍କ ସହ ଦୌପ୍ରଦୀ ମୁର୍ମୁଙ୍କ ନାମ ଆଲୋଚନା କରିଥାନ୍ତେ ତେବେ ସେ କେବଳ ମୁର୍ମୁଙ୍କୁ ସମର୍ଥନ କରିଥାନ୍ତେ।
ଉପରାଷ୍ଟ୍ରପତିଙ୍କ ପାଇଁ ନିର୍ବାଚନ ଅଗଷ୍ଟ ୬ ରେ ଅନୁଷ୍ଠିତ ହେବ। ଏନଡିଏ ପଶ୍ଚିମବଙ୍ଗର ରାଜ୍ୟପାଳ ଥିବା ଜଗଦୀପ ଧନଖରଙ୍କୁ ଏହାର ପ୍ରାର୍ଥୀ ଭାବେ ମନୋନୀତ କରିଛି। ପଶ୍ଚିମବଙ୍ଗର ରାଜ୍ୟପାଳ ଭାବରେ ଧନଖର ଏବଂ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ମୁଖ୍ୟ ଖବର ପାଲଟିଥିଲା। କଂଗ୍ରେସ ନେତୃତ୍ୱାଧୀନ ବିରୋଧୀ ମାର୍ଗେଟ୍ ଆଲଭାଙ୍କୁ ପ୍ରାର୍ଥୀ କରିଛନ୍ତି।
