ବାସ୍ତବ ବ୍ୟୁରୋ-ଇଟାଲୀର ଜର୍ଜିଆ ମେଲୋନୀ ରଚିଲେ ଇତିହାସ । ସେ ଦେଶର ପ୍ରଥମ ମହିଳା ପ୍ରଧାନମନ୍ତ୍ରୀ ହୋଇପାରିଛନ୍ତି । ବ୍ରଦର ଅଫ ଇଟାଲୀ ପାର୍ଟିର ନେତ୍ରୀ ଜର୍ଜିଆ ମେଲୋନୀ ପୂର୍ବତନ ପ୍ରଧାନମନ୍ତ୍ରୀ ମାରିୟୋ ଦ୍ରାଗୀଙ୍କୁ ବଡ଼ ବ୍ୟବଧାନରେ ପରାସ୍ତ କରିଛନ୍ତି ।
ଇଟାଲୀରେ ୧୯୪୫ ପରେ ୨୦୨୨ ପର୍ଯ୍ୟନ୍ତ ୭୭ ବର୍ଷରେ ୭୦ ଥର ସରକାର ବଳଦିଛି । ଜର୍ଜିଆ ମେଲୋନୀଙ୍କ ପ୍ରଧାନମନ୍ତ୍ରୀ ହେବା ସହିତ ଇଟାଲୀର ଫାଶିଷ୍ଟ ତାନାଶାହ ବେନିଟୋ ମୁସୋଲିନୀଙ୍କୁ ନେଇ ମଧ୍ୟ ଚର୍ଚ୍ଚା ଜୋର ଧରିଛି । ଏହାର ଅର୍ଥ ହେଲା ଯେ, ଜର୍ଜିଆ ମେଲୋନୀ ନିଜକୁ ମୁସୋଲିନୀଙ୍କ ସମର୍ଥକ ମନେ କରନ୍ତି ।
ସୂଚନାନୁଯାୟୀ,ଜର୍ଜିଆ ମେଲୋନୀ ୧୫ ବର୍ଷ ବୟସରେ ସେ ଇଟାଲୀ ସାମାଜିକ ଆନ୍ଦୋଳନ (MSI) ର ଯୁବ ୱିଙ୍ଗ୍ ୟୁଥ୍ ଫ୍ରଣ୍ଟରେ ଯୋଗ ଦେଇଥିଲେ। ଏହା ପରେ ସେ ଏହି ଆନ୍ଦୋଳନର ଛାତ୍ର ୱିଙ୍ଗର ସଭାପତି ମଧ୍ୟ ହୋଇଥିଲେ। ୨୦୦୮ ରେ ୩୧ ବର୍ଷ ବୟସରେ ଜର୍ଜିଆ ଯୁବ ଓ କ୍ରୀଡା ମନ୍ତ୍ରୀ ହୋଇଥିଲେ। ସେ ଇଟାଲୀର ସବୁଠାରୁ କନିଷ୍ଠ ମନ୍ତ୍ରୀ ଥିଲେ । ୨୦୧୨ ରେ, ଜର୍ଜିଆ ନିଜର ପାର୍ଟି “ବ୍ରଦର ଅଫ ଇଟାଲୀ” ଗଠନ କରିଥିଲେ ।
