ବାସ୍ତବ ବ୍ୟୁରୋ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଲୋକମାନ୍ୟ ତିଲକ ଜାତୀୟ ପୁରସ୍କାରରେ ସମ୍ମାନିତ କରାଯାଇଛି । ପ୍ରଧାନମନ୍ତ୍ରୀ ପୁରସ୍କାରର ୪୧ତମ ଗ୍ରହଣକାରୀ ହୋଇଛନ୍ତି । ଏହା ପ୍ରତିବର୍ଷ ଅଗଷ୍ଟ ୧ – ଲୋକମାନ୍ୟ ତିଲକଙ୍କ ମୃତ୍ୟୁ ବାର୍ଷିକୀରେ ପ୍ରଦାନ କରାଯାଏ । ଜାତିର ପ୍ରଗତି ଏବଂ ବିକାଶ ପାଇଁ ଉଲ୍ଲେଖନୀୟ ଏବଂ ଅସାଧାରଣ ଭାବରେ କାର୍ଯ୍ୟ କରିଥିବା ଏବଂ ଅବଦାନ ରଖିଥିବା ଲୋକଙ୍କୁ ଏହି ପୁରସ୍କାର ପ୍ରଦାନ କରାଯାଇଥାଏ ।
ପୁରସ୍କାର ପାଇବା ପରେ ପ୍ରଧାନମନ୍ତ୍ରୀ କହିଛନ୍ତି “ଏହା ମୋ ପାଇଁ ଏକ ସ୍ମରଣୀୟ ମୂହୁର୍ତ୍ତ । ମୁଁ ଏହି ସମ୍ମାନକୁ ଦେଶର କୋଟି କୋଟି ଲୋକମାନଙ୍କ ନିକଟରେ ଉତ୍ସର୍ଗ କରୁଛି। ଆଜି ମୋ ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ। ମୁଁ ଏଠାକୁ ଆସି ଯେତିକି ଉତ୍ସାହିତ, ସେତିକି ଭାବୁକ ମଧ୍ୟ ହୋଇପଡିଛି । ଆଜି ମଧ୍ୟ ବାଲ ଗଙ୍ଗାଧର ତିଲକ ଜୀ ଙ୍କ ମୃତ୍ୟୁବାର୍ଷିକୀ ଏହା ସହ ଆଜି ମଧ୍ୟ ଆନ୍ନା ଭାଉ ସାଠେ ଜୀ ଙ୍କ ଜନ୍ମବାର୍ଷିକୀ। ଲୋକମାନ୍ୟ ତିଲକ ଜୀ ଆମର ସ୍ୱାଧୀନତା ଇତିହାସର କପାଳର ତିଲକ ହୋଇଥିବାବେଳେ ସାମାଜିକ ସଂସ୍କାର ପାଇଁ ଆନ୍ନା ଭାଉଙ୍କର ଯେଉଁ ଅବଦାନ ରହିଛି ତାହା ଅନନ୍ୟ ଓ ଅସାଧାରଣ । ମୁଁ ଏହି ଦୁଇ ମହାପୁରୁଷଙ୍କ ପାଦ ତଳେ ପ୍ରଣାମ ଜଣାଉଛି । ମୁଁ ୧୪୦ କୋଟି ଦେଶବାସୀଙ୍କୁ ଲୋକମାନ୍ୟ ତିଲକ ଜାତୀୟ ପୁରସ୍କାର ଉତ୍ସର୍ଗ କରିଛି। ବ୍ରିଟିଶମାନେ ଏକ ଧାରଣା ଦେଇଥିଲେ ଯେ ଭାରତର ସଂସ୍କୃତି, ବିଶ୍ୱାସ, ଏସବୁ ପଛୁଆବର୍ଗର ପ୍ରତୀକ, କିନ୍ତୁ ତିଲକ ଜୀ ଏହାକୁ ଭୁଲ ପ୍ରମାଣିତ କରିଛନ୍ତି । ସେଥିପାଇଁ ଭାରତର ଲୋକମାନେ କେବଳ ଆଗକୁ ଆସି ତିଲକ ଜୀଙ୍କୁ ସ୍ୱୀକୃତି ଦେଇନାହାଁନ୍ତି, ବରଂ ତାଙ୍କୁ ଲୋକମାନ୍ୟ ଆଖ୍ୟା ମଧ୍ୟ ଦେଇଥିଲେ।”
