ବାସ୍ତବ ବ୍ୟୁରୋ-କଂଗ୍ରେସ କାର୍ଯ୍ୟ କମିଟିର ବୈଠକକୁ ‘ମହାଭାରତ’ରେ ପରିଣତ ହୋଇଛି । ସୋନିଆ ଗାନ୍ଧୀ ମଧ୍ୟବର୍ତ୍ତୀକାଳୀନ ସଭାପତି ପଦରୁ ଇସ୍ତଫା ଦେବା ସହ ତାଙ୍କ ନେତୃତ୍ୱତ କୁ ନେଇ ପଚରାଯାଇଥିବା ଚିଠିର ଉତ୍ତର ମଧ୍ୟ ଦେଇଛନ୍ତି । ଏହା ପରେ କଂଗ୍ରେସ କମିଟି ଦୁଇ ଭାଗରେ ବିଭକ୍ତ ହୋଇଯାଇଛି । ଗୋଟିଏ ପଟେ ଗାନ୍ଧୀ ପରିବାରର ସମର୍ଥକ ଥିବା ବେଳେ ଅନ୍ୟପଟେ ବିଦ୍ରୋହୀ ନେତାମାନେ ମଧ୍ୟ ଖୋଲାଖୋଲି ଭାବେ ଚ୍ୟାଲେଞ୍ଜ କରିଛନ୍ତି ।
ସୋନିଆ ଗାନ୍ଧୀଙ୍କ ସମର୍ଥନରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ଏବଂ ବରିଷ୍ଠ କଂଗ୍ରେସ କର୍ମୀ ଏ.କେ ଆଣ୍ଟୋନି ମଧ୍ୟ ଚିଠି ଲେଖିବା ପଦକ୍ଷେପକୁ ସମାଲୋଚନା କରିଛନ୍ତି ଏବଂ ନେତୃତ୍ୱରେ ପରିବର୍ତ୍ତନ ଆଣିବାକୁ ଦାବି କରୁଥିବା ନେତାଙ୍କ ଉପରେ କ୍ରୋଧ ପ୍ରକାଶ କରିଛନ୍ତି। ଏହା ପରେ ରାହୁଲ ଗାନ୍ଧୀ ଚିଠିର ସମୟକୁ ଅତି ତୀକ୍ଷ୍ଣ ସ୍ୱରରେ ପ୍ରଶ୍ନ କରିଛନ୍ତି ଏବଂ ବିଜେପି ସହ ମିଶି ଏହି ଚିଠି ଲେଖାଯାଇଛି ବୋଲି କହିଛନ୍ତି। ରାହୁଲଙ୍କ ପରେ ପ୍ରିୟଙ୍କା ଗାନ୍ଧୀ ମଧ୍ୟ ଗୁଲାମ ନବୀଙ୍କ ଉପରେ ଅସନ୍ତୋଷ ବ୍ୟକ୍ତ କରିଥିଲେ ।
ରାହୁଲ ଗାନ୍ଧୀ କଠୋର ମନୋଭାବରେ କହିଛନ୍ତି, ସୋନିଆ ଗାନ୍ଧୀଙ୍କ ହସ୍ପିଟାଲରେ ଭର୍ତ୍ତି ହେବା ସମୟରେ ଦଳର ନେତୃତ୍ୱକୁ କାହିଁକି ଚିଠି ପଠାଗଲା? ସେ ଏହି ବୈଠକରେ କହିଛନ୍ତି ଯେ ରାଜସ୍ଥାନରେ କଂଗ୍ରେସ ସରକାର ଏକ ସଙ୍କଟ ଦେଇ ଗତି କରୁଥିବା ସମୟରେ ଦଳର ନେତୃତ୍ୱ ବିଷୟରେ ସୋନିଆ ଗାନ୍ଧୀଙ୍କୁ ଏକ ଚିଠି ଲେଖାଯାଇଛି । ଚିଠିରେ ଯାହା ଲେଖା ହୋଇଛି ସେ ବିଷୟରେ ଆଲୋଚନା କରିବାର ସଠିକ ସ୍ଥାନ ହେଉଛି CWC ବୈଠକ ଗଣମାଧ୍ୟମ ନୁହେଁ ।
ଗାନ୍ଧୀ ପରିବାର ପକ୍ଷରୁ କରାଯାଇଥିବା ଅଭିଯୋଗକୁ ନେଇ ଗୁଲାମ ନବୀ ଆଜାଦଙ୍କୁ CWC ବୈଠକରୁ ହଟାଇ ଦିଆଯାଇଥିଲା । ସେ କହିଛନ୍ତି ଯେ ଯଦି ବିଜେପି ସହ ମିଶିଥିବାର ଯଦି ପ୍ରମାଣିତ ହୁଏ ତେବେ ସେ ଇସ୍ତଫା ଦେବେ । ଜବାବ ଦେବାବେଳେ ଆଜାଦ ରାହୁଲ ଗାନ୍ଧୀଙ୍କ ନାମ ନେଇ ନଥିଲେ ମଧ୍ୟ କପିଲ ସିବଲ ରାହୁଲ ଗାନ୍ଧୀଙ୍କ ଅଭିଯୋଗକୁ ଟ୍ୱିଟ କରି ପ୍ରତିକ୍ରିୟା ଦେଇଛନ୍ତି । କପିଲ ସିବଲ କହିଛନ୍ତି ଯେ ତାଙ୍କୁ ବିଜେପି ସାହାଯ୍ୟ କରୁଥିବା ଅଭିଯୋଗ ହୋଇଛି । ସେ କହିଛନ୍ତି, ‘ମୁଁ ରାଜସ୍ଥାନ ହାଇକୋର୍ଟରେ କଂଗ୍ରେସ ଦଳକୁ ରକ୍ଷା କରିଥିଲି। ମଣିପୁରରେ ଦଳକୁ ରକ୍ଷା କରିଥିଲେ । ଗତ ୩୦ ବର୍ଷ ମଧ୍ୟରେ ଯେକୌଣସି ପ୍ରସଙ୍ଗରେ ବିଜେପି ସପକ୍ଷରେ କୌଣସି ବିବୃତ୍ତି ଦେଇନାହାଁନ୍ତି । ତଥାପି ଆମେ ବିଜେପିକୁ ଭେଟିଛୁ ବୋଲି ଶୁଣିବାକୁ ପଡୁଛି ।
ସୂଚନା ମୁତାବକ ଅଗଷ୍ଟ ୭ ରେ ଦଳର ବରିଷ୍ଠ ନେତାମାନେ ସୋନିଆ ଗାନ୍ଧୀଙ୍କୁ ଏକ ଚିଠି ଲେଖି କଂଗ୍ରେସ ନେତୃତ୍ୱ ଉପରେ ପ୍ରଶ୍ନ ଉଠାଇଥିଲେ। ୨୩ ଟି କଂଗ୍ରେସ ନେତାଙ୍କ ଦସ୍ତଖତ ସହିତ ଏହି ଚିଠି ଲେଖାଯାଇଥିଲା । ସୋନିଆ, ଗୁଲାମ ନବୀ ଆଜାଦ, ଆନନ୍ଦ ଶର୍ମା, କପିଲ ସିବଲ, ଶଶି ଥରୁର, ଜିତିନ ପ୍ରସାଦ, ମୁକୁଲ ୱାସନିକ, ଭୁପେନ୍ଦ୍ର ସିଂ ହୁଡା, ମିଲିନ୍ଦ ଦେଓରା, ରେନୁକା ଚୌଧୁରୀ, ଅଖିଳେଶ ପ୍ରସାଦ, ପିଜେ କୁରିଆନ୍, ସନ୍ଦୀପ ଦୀକ୍ଷିତ, ଟି.କେ ସିଂ, କୁଲଦୀପ ଶର୍ମା, ବିବେକ ଟାଙ୍କା, ପ୍ରୀତିରାଜ ଚାବନ, ମନୀଷ ତିୱାରୀ ଏବଂ ଅରବିନ୍ଦର ସିଂ ଲଭଲିଙ୍କ ପରି ବରିଷ୍ଠ ନେତାମାନେ ନାମ ଅଟନ୍ତି ଯେଉଁମାନେ ଦଳର ନେତୃତ୍ୱରେ ପରିବର୍ତ୍ତନ ଚାହୁଁଛନ୍ତି।
ଏଥି ସହିତ କଂଗ୍ରେସର ତିନିଜଣ ମୁଖ୍ୟମନ୍ତ୍ରୀ ଗାନ୍ଧୀ ପରିବାର ସହିତ ଛିଡା ହୋଇଥିବା ନଜର ଆସିଛନ୍ତି। ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍, ପଞ୍ଜାବର ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଏବଂ ଛତିଶଗଡ ମୁଖ୍ୟମନ୍ତ୍ରୀ ଭୁପେଶ ବାଗେଲ ଗାନ୍ଧୀ ପରିବାର ଉପରେ ନିଜର ବିଶ୍ୱାସ ପ୍ରକାଶ କରିଛନ୍ତି।
