ଚୌଦ୍ୱାର:(ଦୀପକ୍ କୁମାର ବେଉରା)ଟାଙ୍ଗୀ ଚୌଦ୍ବାର ବ୍ଲକ୍ ରେ ଘଟିଯାଇଛି ଏକ ଅଭାବନୀୟ ଘଟଣା । ବୁଧବାର ଅପରାହ୍ନରେ ପାଣିରେ ବୁଡ଼ି ଟାଙ୍ଗୀ-ଚୌଦ୍ୱାର ବ୍ଲକ ଉଚ୍ଚପଦା ପଞ୍ଚାୟତ ତଥା ଟାଙ୍ଗୀଥାନା ଅନ୍ତର୍ଗତ ମଣିଆ ଗ୍ରାମର ଜଣେ ଶ୍ରମିକ ପ୍ରାଣ ହରାଇଛନ୍ତି । ମୃତ ଶ୍ରମିକ ଜଣକ ହେଲେ ସ୍ଥାନୀୟ ଶବରପଲ୍ଲୀର ଗ୍ରାମ ର ଅଶୋକ ଦେହୁରୀ ଓରଫ ବହ୍ଲା(୫୦) ।ଅଶୋକ ଶୌଚ ନିମନ୍ତେ ଗ୍ରାମ ନିକଟସ୍ଥ ପଥର ଖାଦାନକୁ ଯାଇଥିବା ସମୟରେ ଗୋଡ଼ ଖସିଯିବାରୁ ପାଣିରେ ବୁଡ଼ି ଯାଇଥିଲେ ।
ଖବରପାଇ ଚୌଦ୍ୱାରରୁୁ ଦମକଳ ବାହିନୀ ପହଞ୍ଚି ଦୀର୍ଘ ସମୟ ଖୋଜାଖୋଜି ପରେ ମୃତଦେହକୁ ପାଣିରୁ ଉଦ୍ଧାର କରିଥିଲେ । ଟାଙ୍ଗୀ ପୋଲିସ୍ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ କଟକ ବଡ଼ ମେଡ଼ିକାଲକୁ ପଠାଇଛନ୍ତି । ମୃତ ଅଶୋକଙ୍କ ପତ୍ନୀ ଓ ୪ ଜଣ ନାବାଳକ ଶିଶୁ ବେସାହାରା ହୋଇଯିବା ସମଗ୍ର ଅଞ୍ଚଳରେ ଦୁଃଖ ର ଛାୟା ଖେଳିଯାଇଛି ।
