ବାସ୍ତବବ୍ୟୁରୋ(ବ୍ରହ୍ମପୁର): ବ୍ରହ୍ମପୁର ବିଶ୍ୱବିଦ୍ୟାଳୟ ସମ୍ମୁଖରେ ବିକ୍ଷୋଭ କରିଛନ୍ତି ବିଶ୍ୱବିଦ୍ୟାଳୟର ହଷ୍ଟେଲରେ ରହୁଥିବା ଛାତ୍ରଛାତ୍ରୀ । ଗତ ବର୍ଷ ଆଡ୍ମିଶନ ସମୟରେ ଛାତ୍ରଛାତ୍ରୀଙ୍କ ଠାରୁ ହଷ୍ଟେଲ୍ ଫିସ୍ ସହ ୭୮୫୦ ଟଙ୍କା ବିଶ୍ଵବିଦ୍ୟାଳୟ ଆଦାୟ କରିଥିଲେ । ହେଲେ କରୋନାକାଳରେ,ଦୁଇ ମାସ ଛାତ୍ରଛାତ୍ରୀ ହଷ୍ଟେଲରେ ରହିଥିଲେ । ଚଳିତ ଶିକ୍ଷାବର୍ଷରେ ସମାନ ପରିମାଣର ଫିସ୍ ପୈଠ କରିବାକୁ ବିଶ୍ଵବିଦ୍ୟାଳୟ କର୍ତ୍ତୃପକ୍ଷ ନିର୍ଦ୍ଦେଶ ଦେଇଥିବାରୁ, ଏହି ନିଷ୍ପତ୍ତିକୁ ବିଶ୍ଵବିଦ୍ୟାଳୟ ଛାତ୍ରଛାତ୍ରୀ ବିରୋଧ କରି ପ୍ରଶାସନିକ କୋଠା ସମ୍ମୁଖରେ ଧାରଣା ଦେବା ସହ ଆନ୍ଦୋଳନ କରିଛନ୍ତି ।
ଗତ ବର୍ଷ ହଷ୍ଟେଲରେ ଦୁଇ ମାସ ରହି ବର୍ଷକର ଫିସ୍ ନେଇଛନ୍ତି ଛାତ୍ର ଛାତ୍ରୀ । ଏବେ ହଷ୍ଟେଲ୍ ଫିସ୍ ଫେରାନ୍ତୁ ନଚେତ୍ ପୁନଃ ରିଏଡିମିସନରେ ସେହି ଟଙ୍କାକୁ ବିନିଯୋଗ କରାନ୍ତୁ ବୋଲି ଛାତ୍ରଛାତ୍ରୀ ଦାବି କରିଛନ୍ତି । ଦାବି ପୂରଣ ନହେଲେ ଆନ୍ଦୋଳନକୁ ବ୍ୟାପକ କରାଯିବ ବୋଲି ଚେତାବନୀ ଦେଇଛନ୍ତି ଛାତ୍ରଛାତ୍ରୀ ।
