ଦେବକାନ୍ତ ମହାନ୍ତି(ଚାନ୍ଦବାଲି):ଗାଁ ଗହଳିରେ କଥାରେ ଅଛି ” ଆଶ୍ରିତ ଜନ ରକ୍ଷା ପାଇଁ , ଦଳପତି ସିନା ସାଜିଛି ମୁହିଁ ” । ହେଲେ ଏହାକୁ କାମରେ କରି ଦେଖାଇଛନ୍ତି ଚାନ୍ଦବାଲି ବ୍ଲକ ଭାଟପଡା ପଞ୍ଚାୟତ ର ଯୁବ ସରପଞ୍ଚ ପ୍ରଭାସ ନାୟକ ।
ବାତ୍ୟା ହେଉ ଅବା ବନ୍ୟା ବା କରୋନା ପରି ମହାମାରୀ । ସବୁବେଳେ ସବୁ ସମୟରେ ଲୋକଙ୍କ ପାଖରେ ପହଞ୍ଚନ୍ତି ଲୋକଙ୍କ ଦୁଃଖ ସୁଖ ର କଥା ବୁଝନ୍ତି । ଯେଉଁଥି ପାଇଁ ଲୋକ ପ୍ରିୟତା କମାଇବାରେ ବିରୋଧୀଙ୍କ ଶତଚେଷ୍ଟା ଫେଲ ମାରିଛି ।
ଏମିତି ଜଣେ ମଣିଷ ହେଉଛନ୍ତି ଚାନ୍ଦବାଲି ବ୍ଳକର ଭାଟପଡ଼ା ଗ୍ରାମପଞ୍ଚାୟତର ବିଜୁଜନତା ଦଳର ଯୁବ ସରପଞ୍ଚ ପ୍ରଭାସ ନାୟକ । ଉକ୍ତ ପଞ୍ଚାୟତର ରଘୁନାଥ ଜୀଉ ପାଟଣା ଗ୍ରାମର ଅସହାୟ ମହିଳା ଅଯୋଧ୍ୟା ପଲାଇଙ୍କ ର ମୃତ୍ୟୁ ଘଟିଥିଲା । ତାଙ୍କର କେହି ସାହା ଭରସା ବା ସମ୍ପର୍କୀୟ ନ ଥିବାରୁ ଶବଦାହ ହୋଇପାରୁ ନଥିଲା । ସରପଞ୍ଚ ପ୍ରଭାସ ନାୟକ ଏ ଖବର ପାଇବା ପରେ ଗ୍ରାମର କିଛି ଯୁବକ ଓ ବୁଦ୍ଧିଜୀବୀ ମାନଙ୍କ ସାହାଯ୍ୟ ରେ ନିଜ କାନ୍ଧରେ ମହିଳାଙ୍କ ଶବ ମଶାଣୀକୁ ନେଇ ସତ୍କାର କଲେ । ହିନ୍ଦୁ ରୀତିନୀତି ଅନୁସାରେ ସମସ୍ତ କର୍ମ ସମାପନ କରାଯାଇଥିବା ପ୍ରଭାସ କହିଛନ୍ତି ।
