ଭୁବନେଶ୍ଵର: ୨୮।୦୧-କିଛିଦିନ ଯାଇନି ସୈନିକ ସ୍କୁଲ ସାମ୍ନାରେ ଘଟିଥିବା ଛୁରାମାଡ ହତ୍ୟା ଘଟଣା ।ଲୋକଙ୍କ ମନରୁ ଏପରି ଏକ ମର୍ମନ୍ତୁତ ଘଟଣା ନ ଲିଭୁଣୁ ପୁଣି ରାଜଧାନୀରେ ଛୁରା ମାଡ଼ ଦିନକୁ ଦିନ ଅଶାନ୍ତ ହେଉଛି ରାଜଧାନୀ। ଜଣେ ଯୁବକ ଗୁରୁତର ହୋଇଥିବା ବେଳେ, ତ୍ରିକୋଣୀୟ ପ୍ରେମ କାହାଣୀକୁ ନେଇ ହୋଇଛି ଏପରି ଘଟଣା ।ଘଟଣାଟି ଶୈଳଶ୍ରୀବିହାର ଅଞ୍ଚଳରେ ଘଟିଛି। ଗୁରୁତର ଯୁବକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଅଭିଯୁକ୍ତ ଯୁବକଙ୍କୁ ଥାନାରେ ପୋଲିସ ଅଟକ ରଖିଛି ।
ସୂଚନା ଅନୁସାରେ,ତ୍ରିକୋଣୀୟ ପ୍ରେମ ବ୍ୟାପାରକୁ ନେଇ ଛୁରାମାଡ ହୋଇଛି । ଜଣେ ଯୁବତୀଙ୍କୁ ଦୁଇ ଜଣ ଯୁବକ ଭଲ ପାଉଥିଲେ। ଏହାକୁ ନେଇ ଛୁରାମାଡ ହୋଇଥିବା କୁହାଯାଉଛି। ଅଭିଯୁକ୍ତ ଏବଂ ଆହତ ଉଭୟ ଯୁବକ ଇଞ୍ଜିନିୟରିଂ ଛାତ୍ର। ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
