ଭୁବନେଶ୍ବର : ଆଜି ବିଧାନସଭାରେ ୨୦୨୨-୨୩ ଆର୍ଥକ ବର୍ଷର ପ୍ରଥମ ୪ ମାସ (ଏପ୍ରିଲ-ଜୁଲାଇ) ପାଇଁ, ରାଜ୍ୟ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଲେଖାନୁଦାନ ବା କାମଚଳା ବଜେଟ୍ ଆଗତ କରିଛନ୍ତି । ଏହି ଆର୍ଥିକ ବର୍ଷରେ ରାଜସ୍ବ ବଳକା ରାଜ୍ୟ ଜିଡିପିର ୨.୭ ପ୍ରତିଶତ ରହିବା ଅନୁମାନ କରାଯାଉଛି । ଆର୍ଥିକ ନିଅଣ୍ଟ ରାଜ୍ୟ ଜିଡିପିର ୩ ପ୍ରତିଶତ ରହିବା ଅଟକଳ କରାଯାଇଛି । କେଉଁ ଯୋଜନାରେ ସରକାର କେତେ ଟଙ୍କାର ବ୍ୟୟ ବରାଦ କରିଛନ୍ତି ତା’ର ସବିଶେଷ ସୂଚନା ଆସନ୍ତୁ ଜାଣିବା ।
- ଏହି ଲେଖାନୁଦାନରେ ଯୋଜନା ବ୍ୟୟ ପାଇଁ ମୋଟ ୧ ଲକ୍ଷ କୋଟିର ବ୍ୟୟବରାଦ କରାଯାଇଛି ।
- କାଳିଆ ଯୋଜନା ପାଇଁ ୧୮୭୪ କୋଟିର ବ୍ୟୟବରାଦ କରାଯାଇଛି ।
- କୃଷି ଓ ଆନୁଷଙ୍ଗିକ କ୍ଷେତ୍ର ପାଇଁ ୨୦,୩୪୪ କୋଟି ଟଙ୍କାର ବ୍ୟୟବରାଦ କରାଯାଇଛି ।
- ଜଳସେଚନ ପାଇଁ ୮୫୨୩ କୋଟିର ବ୍ୟୟବରାଦ କରାଯାଇଛି ।
- ବିଜୁ କୃଷକ କଲ୍ୟାଣ ଯୋଜନା ପାଇଁ ୪୨୨ କୋଟିର ବ୍ୟୟବରାଦ କରାଯାଇଛି ।
- ଶିକ୍ଷା ଓ ଦକ୍ଷତା ବିକାଶ ପାଇଁ ୨୬,୪୯୨ କୋଟି ଟଙ୍କାର ବ୍ୟୟବରାଦ କରାଯାଇଛି ।
- ସ୍ବାସ୍ଥ୍ୟ ପାଇଁ ୧୨,୨୪୧ କୋଟିର ବ୍ୟୟବରାଦ କରାଯାଇଛି । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ପାଇଁ ୧୮୬୪ କୋଟି ।
- ବସୁଧା ଓ ଜଳ ଜୀବନ ମିଶନ ଅଧିନରେ ପାନୀୟ ଜଳ ଯୋଗାଣ ପାଇଁ ୮,୨୫୫ କୋଟି ଟଙ୍କାର ବ୍ୟୟବରାଦ କରାଯାଇଛି ।
- ଅନୁସୂଚୀତ ଜାତି ଓ ଜନଜାତି ବର୍ଗର ବିକାଶ ପାଇଁ ଉଦ୍ଦିଷ୍ଟ କେତେକ ନିର୍ଦ୍ଦିଷ୍ଟ ଯୋଜନା ନିମନ୍ତେ ୩୩,୨୦୩ କୋଟିର ବ୍ୟୟବରାଦ କରାଯାଇଛି ।
- ମିଶନ ଶକ୍ତି ପାଇଁ ୨୦୦୦ କୋଟିର ବ୍ୟୟବରାଦ କରାଯାଇଛି ।
- ପ୍ରଧାନମନ୍ତ୍ରୀ ଗ୍ରାମୀଣ ଆବାସ ଯୋଜନା ଓ ବିଜୁ ପକ୍କାଘର ଯୋଜନା ପାଇଁ ମିଳିତଭାବେ ୫୯୦୬ କୋଟି ଟଙ୍କାର ବ୍ୟୟବରାଦ କରାଯାଇଛି ।
- ମନରେଗା ପାଇଁ ୨୦୦୧ କୋଟି ଟଙ୍କାର ବ୍ୟୟବରାଦ କରାଯାଇଛି ।
- ଶିଳ୍ପ ଭିତ୍ତିଭୂମି ପାଇଁ ୧୬୩୫ କୋଟିର ବ୍ୟୟବରାଦ କରାଯାଇଛି ।
- ବିପର୍ଯ୍ୟୟ ପରିଚାଳନା ପାଇଁ ୩୨୧୦ କୋଟିର ବ୍ୟୟବରାଦ କରାଯାଇଛି । ଏହା ମଧ୍ୟରୁ ରାଜ୍ୟ ବିପର୍ଯ୍ୟୟ ପରିଚାଳନା ପାଣ୍ଠି ପାଇଁ ୨୨୪୬ କୋଟି ଟଙ୍କା ଓ ଜାତୀୟ ବିପର୍ଯ୍ୟୟ ପରିଚାଳନା ପାଣ୍ଠି ପାଇଁ ୯୬୪ କୋଟି ଅନ୍ତର୍ଭୁକ୍ତ ।
