ଦେବକାନ୍ତ ମହାନ୍ତି, ୧୧//୦୪//୨୦୨୨- ଚାନ୍ଦବାଲି ବ୍ଲକ ଭୂଇଁବୃତି ପଞ୍ଚାୟତ ବାସୀଙ୍କ ପକ୍ଷରୁ ବ୍ଲକ କାର୍ଯ୍ୟାଳୟ ପରିସରରେ ଆନ୍ଦୋଳନ କରିବା ସହ ବିଡ଼ିଓଙ୍କୁ ଦାବୀପତ୍ର ପ୍ରଦାନ କରିବା ସହ ବିଡ଼ିଓଙ୍କୁ ଚେତାବନୀ ଦେଇଛନ୍ତି ।
ଭୂଇଁବୃତି ଫଚାୟତ ବାସୀମାନେ ଦିର୍ଘ ୧୦ ବର୍ଷ ହେବ ମା ଶୁଭଲକ୍ଷ୍ମୀ ଏସ ଏସ ଜି ଗୃପ ମାଧ୍ୟମରେ ସରକାରୀ ରାସନ ସାମଗ୍ରୀ ନେଉଥିଲେ, ହେଲେ ଚାନ୍ଦବାଲି ବିଡ଼ିଓ ବିନା କାରଣରେ ଏପ୍ରିଲ ମାସ ଠାରୁ ଖାଉଟି କେନ୍ଦ୍ରକୁ ନବୀକରଣ କରୁ ନଥିବାରୁ ସାଧାରଣ ଉପଭୋକ୍ତା ମାନେ ସରକାରୀ ରାସନ ସାମଗ୍ରୀ ନେବାରେ ବଞ୍ଚିତ ହୋଇଛନ୍ତି । ଏଥିସହ ମା ଶୁଭଲକ୍ଷ୍ମୀ ଏସ ଏଚ ଜି ଗୃପ ବିରୁଦ୍ଧରେ କୌଣସି ଅଭିଯୋଗ ନଥିବାବେଳେ ବିଡ଼ିଓ ରାଜନୈତିକ ଚାପରେ ଖାଉଟି କେନ୍ଦ୍ରକୁ ନବିକରଣ କରୁନାହାନ୍ତି ବୋଲି ଗ୍ରାମବାସୀମାନେ ଅଭିଯୋଗ କରିଛନ୍ତି।
ଯାହା ପାଇଁ ଉପଭୋକ୍ତା ମାନେ ଏହାର ପ୍ରତିବାଦ କରି ବିଡ଼ିଓଙ୍କ କାର୍ଯ୍ୟାଳୟ ଘେରିବା ସହ ଜବାବ ମାଗିଥିଲେ । ଯଦି ୩ ଦିନ ମଧ୍ୟରେ ଏହା ଉପରେ ଚାନ୍ଦବାଲି ବିଡ଼ିଓ କାର୍ଯ୍ୟନୁଷ୍ଠାନ ଗ୍ରହଣ ନକରନ୍ତି ତେବେ ବ୍ଲକ କାର୍ଯ୍ୟାଳୟରେ ଧାରଣାଦେବା ପାଇଁ ଫଚାୟତ ବାସୀ ମାନେ ଚେତବାନୀ ଦେଇଛନ୍ତି ।
