ଏସ.ବାସ୍ତବ:ଜୀବନ କେତେବେଳେ କେଉଁ ଦୃଶ୍ୟ ଦେଖାଇବ, କିବା କେମିତି ଜାଣିବ | ସ୍ତ୍ରୀ ମଠାରୁ ସିନ୍ଦୁର ପୋଛି ସଂଖାକୁବି ଭାଙ୍ଗି ଦେଇଥିଲା | ବଡ ପୁଅ ସଞ୍ଜୟ ଦାସ ସାଂସାରିକ ରୀତି ନୀତିରେ,କରିଥିଲେ ଦସକ୍ରିୟ,ଦେଇ ଥିଲେ ପ୍ରୀତି ଭୋଜନ |ହେଲେ ସବୁ ଯେମିତି ଓଲଟ ପାଲଟି ହୋଇଗଲା | ୨୬ ବର୍ଷ ପୂର୍ବେ ତାଙ୍କ ଘରୁ ନିଖୋଜ ହୋଇଯାଇଥିବା ସ୍ଵପ୍ନେଶ୍ଵର ଦାସ ମୃତ ନୁହେଁ ବୋଲି ହଠାତ୍ ଜାଣିବାକୁ ପାଇଲେ । ଉକ୍ତ ବ୍ୟକ୍ତିଙ୍କ ଜୀବିତ ଥିବା ଖବର ପାଇ ପରିବାର ସଦସ୍ୟ ଖୁସିରେ ବିହୋର ହୋଇଥିଲେ ଏବଂ ତାଙ୍କ ପୁଅ ରବିବାର ଦିନ ଭାରତପୁରର ‘ଅପନା ଘର’ ଆଶ୍ରମରେ ପହଞ୍ଚିଛନ୍ତି ।
ବାସ୍ତବ ଟିଭିର ବାସ୍ତବ ଖବର ଅନୁଯାଇ,କଟକ ନିବାସୀ ୬୪ବର୍ଷିୟ ସ୍ୱପ୍ନେଶ୍ୱର ଦାସ ପ୍ରାୟ ୨୬ ବର୍ଷ ପୂର୍ବେ ଘରୁ ନିଖୋଜ ହୋଇଯାଇଥିଲେ। ୨୬ ବର୍ଷ ପରେ ରବିବାର ଦିନ ସେ ତାଙ୍କ ପୁଅକୁ ଭେଟି ଥିଲେ କିନ୍ତୁ ସେ ତାଙ୍କୁ ଚିହ୍ନି ପାରିନଥିଲେ। କାରଣ ଯେତେବେଳେ ସେ ନିଖୋଜ ହୋଇଯାଇଥିଲେ, ତାଙ୍କ ପୁଅ ସଞ୍ଜୟ କୁମାର ଦାସଙ୍କୁ ମାତ୍ର ୧୩ ବର୍ଷ ହୋଇଥିଲା | ଆଜି ସେହି ପୁଅ ବିବାହିତ ଏବଂ ତାଙ୍କର ମଧ୍ୟ ସନ୍ତାନ ଅଛନ୍ତି। ସୂଚନାନୁସାରେ, ସ୍ଵପ୍ନେଶ୍ଵର ଦାସ ମାନସିକ ସ୍ତରରେ ଅସୁସ୍ଥ ହୋଇପଡିଥିଲେ। ସେ ୨୬ ବର୍ଷ ପୂର୍ବେ ଘରୁ କେଉଁଆଡେ ଚାଲିଯାଇଥିଲେ | ସେହି ସମୟରେ ତାଙ୍କର ବଡ ପୁଅ ୧୩ ବର୍ଷ ଏବଂ ସାନ ପୁଅ ୧୦ବର୍ଷ ହୋଇଥିଲା | ପରିବାର ସଦସ୍ୟ ଦାସକୁ ମୃତ ବୋଲି ଅନୁମାନ କରିଥିଲେ ଏବଂ ମୃତ୍ୟୁ ପରର ସମସ୍ତ ରୀତିନୀତି ଶେଷ କରାଯାଇଥିଲା। ତାଙ୍କ ପତ୍ନୀ ବିଧବାଙ୍କ ଜୀବନ ବିତାଇବାକୁ ଲାଗିଲେ। କିନ୍ତୁ ବର୍ତ୍ତମାନ ପରିବାର ସଦସ୍ୟ ଜାଣିବାକୁ ପାଇଲେ ଯେ ଦାସ ଜୀବନ୍ତ ଏବଂ ଭରତପୁରର ‘ଅପନା ଘର’ ଆଶ୍ରମରେ ରହୁଛନ୍ତି।
ସ୍ଵପ୍ନେଶ୍ଵର ଦାସଙ୍କ ପୁଅ ସଞ୍ଜୟ କୁମାର ଦାସ କହିଛନ୍ତି ଯେ ତାଙ୍କ ପିତା ସେ ନବମ ଶ୍ରେଣୀରେ ପଢ଼ୁଥିବା ସମୟରେ ଘରୁ ନିଖୋଜ ହୋଇଯାଇଥିଲେ। ପୁରା ପରିବାର ତାଙ୍କୁ ବହୁତ ଖୋଜିଥିଲେ କିନ୍ତୁ ସେ ମିଳି ନଥିଲେ | ଓଡ଼ିଶାରେ ଏକ ରୀତିନୀତି ଅଛି ଯେ ନିଖୋଜ ହୋଇଯାଇଥିବା ବ୍ୟକ୍ତି ୧୨ ବର୍ଷ ନ ମିଳିଲେ ସେହି ବ୍ୟକ୍ତିଙ୍କୁ ମୃତ ବୋଲି ଧରାଯାଏ ଏବଂ ସମସ୍ତ ଅନ୍ତିମ ସଂସ୍କାର କରାଯାଏ | ତଥାପି, ମୋ ମା ସ୍ୱର୍ଣ୍ଣଲତା ଦାସ ଆଶା କରିଥିଲେ ଯେ ମୋ ସ୍ୱାମୀ ଜୀବିତ ଅଛନ୍ତି, ତେଣୁ ସେ ୧୨ ବଦଳରେ ତାଙ୍କ ସ୍ୱାମୀଙ୍କୁ ୨୪ ବର୍ଷ ଅପେକ୍ଷା କରିଥିଲେ। ଏହା ପରେ ପରିବାରର ଚାପ ପରେ ସ୍ଵପ୍ନେଶ୍ଵର ଦାସଙ୍କ ଅନ୍ତିମ ସଂସ୍କାରର ସମସ୍ତ ରୀତିନୀତି କରାଯାଇଥିଲା।
ତାମିଲନାଡୁର ଆଶ୍ରମରୁ ଆଣି ଭରତପୁର ଆଶ୍ରମରେ ଭର୍ତ୍ତି କରାଯାଇଥିଲା
୧୩ ମାର୍ଚ୍ଚ ୨୦୨୧ ରେ,ତାମିଲନାଡୁର ଭିଲୁପୁରମର ଅନୁଭ ଜ୍ୟୋତି ଆଶ୍ରମରୁ ୧୪୪ ପ୍ରଭୁଜନ(ଦିନଦୁଖୀ,ବେସାହାରା) ଭରତପୁରର “ଆପ୍ନା ଘର” ଆଶ୍ରମକୁ ସ୍ଥାନାନ୍ତରିତ ହୋଇଥିଲେ। ସେମାନଙ୍କ ମଧ୍ୟରେ ଥିଲେ ସ୍ଵପ୍ନେଶ୍ଵର,ସେ ମାନସିକ ସ୍ତରରେ ଅସୁସ୍ଥ ଥିଲେ। ତାଙ୍କୁ ଅପନା ଘର ଆଶ୍ରମରେ ଚିକିତ୍ସା କରାଯାଇଥିଲା ଏବଂ ଯେତେବେଳେ ସେ ଧୀରେ ଧୀରେ ମାନସିକ ସ୍ତରରେ ସୁସ୍ଥ ହେବାକୁ ଲାଗିଲେ ସେତେବେଳେ ସେ ତାଙ୍କ ଘରର ଠିକଣା କହିଥିଲେ।
ଅପନା ଘର ଆଶ୍ରମ କଟକସ୍ଥିତ ବାଲିସାହି ପୋଲିସ ସହିତ ଯୋଗାଯୋଗ କରିଥିଲେ। ସ୍ୱପ୍ନେଶ୍ୱର ଦାସଙ୍କ ପରିବାର ସଦସ୍ୟଙ୍କୁ ପୋଲିସ ମାଧ୍ୟମରେ ଯୋଗାଯୋଗ କରାଯାଇଥିଲା, ଏହା ପରେ ସ୍ୱପ୍ନେଶ୍ୱର ଦାସଙ୍କ ପରିବାର ସଦସ୍ୟଙ୍କୁ ଭିଡିଓ କଲ ମାଧ୍ୟମରେ କଥାବାର୍ତ୍ତା କରାଯାଇଥିଲା, ଏହା ପରେ ପରିବାର ସ୍ଵପ୍ନେଶ୍ଵରଙ୍କୁ ଚିହ୍ନିଥିଲେ। ରବିବାର ଦିନ ବଡ ପୁଅ ସଞ୍ଜୟ କୁମାର ଦାସ ତାଙ୍କ ପିତାଙ୍କୁ ନେବାକୁ ଭରତପୁରସ୍ଥିତ ଆଶ୍ରମରେ ପହଂଚିଥିଲେ।
ଆପ୍ନା ଘର ଆଶ୍ରମ ନିର୍ଦ୍ଦେଶକ ଡ ବିଏମ ଭରଦ୍ୱାଜ କହିଛନ୍ତି ଯେ ସ୍ଵପ୍ନେଶ୍ଵର ଦାସଙ୍କୁ ଗତ ବର୍ଷ ତାମିଲନାଡୁ ଆଶ୍ରମରୁ ସ୍ଥାନାନ୍ତର କରାଯାଇଥିଲା। ତାଙ୍କର ମାନସିକ ଅବସ୍ଥା ଖରାପ ଥିଲା, ଯାହା ଚିକିତ୍ସା କରାଯାଇଥିଲା। ଚିକିତ୍ସା ପରେ ସେ ସୁସ୍ଥ ହେବା ଆରମ୍ଭ କରିବା ପରେ ସେ ତାଙ୍କ ଘରର ଠିକଣା କହିଥିଲେ। ଏହା ପରେ ତାଙ୍କ ପରିବାରକୁ ପୋଲିସ ଯୋଗାଯୋଗ କରିଥିଲା ଏବଂ ଆଜି ତାଙ୍କ ପୁଅ ତାଙ୍କୁ ନେବାକୁ ଆସିଛି।
