ମାଲକାନଗିରି ୬।୮: ମାଲକାନଗିରି-ଛତିଶଗଡ ସୀମାନ୍ତ ବିଜାପୁର ଜିଲ୍ଲାରେ ମାଓବାଦୀମାନେ ସହିଦ ସପ୍ତାହ ପାଳନ କରିଛନ୍ତି । ହାତରେ ବନ୍ଧୁକ ଧରି ଶତାଧିକ ନକ୍ସଲ ବିରାଟ ଶୋଭାଯାତ୍ରା ନିଜର ପତିଆରା ଦେଖାଇଥିଲେ ।
ସୂଚନା ଯୋଗ୍ୟଯେ, ନିକଟରେ ବିଏସଏଫ କ୍ୟାମ୍ପ୍ ରହିଥିଲେ ମଧ୍ୟ ନକ୍ସଲମାନେ ଏହାକୁ ଖାତିର ନକରି ଗାଁରେ ଆସି ସହିଦ ସ୍ତମ୍ଭ ନିର୍ମାଣ କରି ମୃତ ସାଥୀଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ନକ୍ସଲପନ୍ଥୀଙ୍କ ଏହି ସହିଦ ଦିବସର ଶହ ଶହ ଆଦିବାସୀ ଲୋକେ ମଧ୍ୟ ସାମିଲ୍ ହୋଇଥିଲେ । ନାଚଗୀତ କରିବା ସହ ନକ୍ସଲପନ୍ଥୀଙ୍କ ସହ ସାମିଲ ହୋଇଥିଲେ ଗ୍ରାମବାସୀ । ଗୋଟିଏ ପଟେ ସରକାର ମାଓ ଦମନ କଥା କହୁଥିବାବେଳେ, ଏତେ ସଂଖ୍ୟାରେ ସଶସ୍ତ୍ର ମାଓବାଦୀଙ୍କ ଉପସ୍ଥିତି ସମସ୍ତଙ୍କୁ ଚକିତ କରିଛି ।
