ବାସ୍ତବ ବ୍ୟୁରୋ: କାମ୍ବୋଡିଆର ଏକ କାସିନୋରେ ଅଗ୍ନିକାଣ୍ଡ ଘଟି ଅତି କମରେ ୧୯ ଜଣଙ୍କର ମୃତ୍ୟୁ ଘଟିଥିବାବେଳେ ୩୦ ଜଣ ଆହତ ହୋଇଥିବା କୁହାଯାଉଛି। ନିଆଁ ଏତେ ଭୟଙ୍କର ଥିଲା ଯେ ଲୋକମାନେ ଏଥିରୁ ରକ୍ଷା ପାଇବା ପାଇଁ ଛାତରୁ ଡେଇଁବା ଆରମ୍ଭ କରିଥିଲେ।
ସ୍ଥାନୀୟ ଗଣମାଧ୍ୟମ ସୂଚନାନୁଯାୟୀ, ରାତି ପ୍ରାୟ ୧୧.୩୦ ସମୟରେ ପୋଇପେଟର ଗ୍ରାଣ୍ଡ ଡାଇମଣ୍ଡ ସିଟି ହୋଟେଲର କାଜିନୋରେ ଏହି ଅଗ୍ନିକାଣ୍ଡ ଘଟିଥିଲା। ଦୁର୍ଘଟଣା ସମୟରେ ସେଠାରେ ପ୍ରାୟ ୪୦୦ ଲୋକ ଉପସ୍ଥିତ ଥିଲେ।
ନିଆଁ ଲାଗିବାର କାରଣ ଏପର୍ଯ୍ୟନ୍ତ ଜଣାପଡିନାହିଁ। ପ୍ରଶାସନ ଏହାର ତଦନ୍ତ କରୁଛି। ସ୍ଥାନୀୟ ଗଣମାଧ୍ୟମ ଅନୁଯାୟୀ, ଏହି ହୋଟେଲରେ ଅନେକ ଲୋକ ଥାଇଲ୍ୟାଣ୍ଡର ଥିଲେ। ନ୍ୟୁଜ୍ ଏଜେନ୍ସି AFP ଅନୁଯାୟୀ ଆହତମାନଙ୍କ ମଧ୍ୟରୁ କେତେକଙ୍କୁ ଥାଇଲ୍ୟାଣ୍ଡର ସାକୋଈଓ ର ଏକ ଡାକ୍ତରଖାନାକୁ ପଠାଯାଇଛି।
ଲୋକମାନେ ଥାଇଲ୍ୟାଣ୍ଡରୁ କାମ୍ବୋଡିଆରେ ଜୁଆ ଖେଳିବାକୁ ଆସନ୍ତି |କାମ୍ବୋଡିଆ ଏବଂ ଥାଇଲ୍ୟାଣ୍ଡ ସୀମାରେ ପୋଏପେଟ୍ ଏକ ପ୍ରସିଦ୍ଧ ସହର | ଯାହା ଏହାର କାସିନୋ ପାଇଁ ଜଣାଶୁଣା | ଥାଇଲ୍ୟାଣ୍ଡରେ କାସିନୋ ଉପରେ ନିଷେଧାଦେଶ ହେତୁ ଅନେକ ଲୋକ ଏଠାରେ ବେଆଇନ ଜୁଆ ଖେଳିବାକୁ ଆସନ୍ତି।
