ସଂଜୟ ଶତପଥୀ(କଟକ): ପ୍ରଚଣ୍ଡ ରୌଦ୍ରତାପରେ ଜନସାଧାରଣ ପାଣି ଟୋପାଏ ଲାଗି ଡହଳବିକଳ ହେଉଥିବା ବେଳେ ତଥା ଯେତେବେଳେ କଟକ ମହାନଗର ନିଗମ ଏହି କ୍ଷେତ୍ରରେ ସମ୍ପୂର୍ଣ୍ଣ ବିଫଳ ସେତେବେଳେ କଟକ-ଭୁବନେଶ୍ୱର କମିଶନରେଟ୍ ପୋଲିସ୍ ପକ୍ଷରୁ ମାନନୀୟ ପୋଲିସ୍ କମିଶନର ଶ୍ରୀ ସୈାମେନ୍ଦ୍ର ପ୍ରିୟଦର୍ଶୀ ଙ୍କ ନିର୍ଦ୍ଦେଶକ୍ରମେ କଟକ-ଭୁବନେଶ୍ୱର ର ପ୍ରତ୍ୟେକ ପୋଲିସ୍ ଥାନା ସମ୍ମୁଖରେ ଜଳଛତ୍ର କେନ୍ଦ୍ର ଖୋଲାଯାଇଛି।
ଏହି ପରିପ୍ରେକ୍ଷୀରେ କଟକ ସହରର ବକ୍ସି ବଜାରସ୍ଥିତ ରିଜର୍ଭ ପୋଲିସ୍ ଲାଇନ୍ ଅଞ୍ଚଳରେ କଟକ ରିଜର୍ଭ ପୋଲିସ୍ କାର୍ଯ୍ୟାଳୟ ସମ୍ମୁଖରେ କଟକ କମିଶନରେଟ୍ ପୋଲିସ୍ ଉପ-ଆୟୁକ୍ତ ଶ୍ରୀ ପିନାକୀ ମିଶ୍ରଙ୍କ ଆହ୍ବାନକ୍ରମେ କଟକ ରିଜର୍ଭ ପୋଲିସ୍ ଆରକ୍ଷୀ ଅଧୂକାରୀ ଶ୍ରୀ ସନ୍ତୋଷ କୁମାର ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଏକ ଜଳଦାନ କେନ୍ଦ୍ର ଖୋଲାଯାଇଛି।ଏହି ପବିତ୍ର କାର୍ଯ୍ୟକ୍ରମରେ ରିଜର୍ଭ ପୋଲିସ୍ ଉପ- ଆରକ୍ଷୀ ଅଧିକାରୀ ଶ୍ରୀ ଦେବେନ୍ଦ୍ର କୁମାର ନାୟକ, ସହକାରୀ ଉପ-ଆରକ୍ଷୀ ଅଧିକାରୀ ଶ୍ରୀ ଅଜୟ କୁମାର ଲେଙ୍କା ଓ ପୋଲିସ୍ କର୍ମଚାରୀ ଶ୍ରୀ ସୁବାସ ଚନ୍ଦ୍ର ମଲ୍ଲିକ, ଶ୍ରୀ ମାନସ ରଞ୍ଜନ ପଣ୍ଡା, ଶ୍ରୀ ପାର୍ଥସାରଥୀ ସାମନ୍ତ ଙ୍କ ସହ ବହୁ ଆରକ୍ଷୀ ଅଧୂକାରୀ ଓ କର୍ମଚାରୀ ଉପସ୍ଥିତ ରହି ତୃଷାର୍ତ୍ତ ଜନସାଧାରଣଙ୍କୁ ଦହି ପାଣି ପିଇବାକୁ ଦେଇଥିଲେ।
ତୃଷାର୍ତ୍ତ ଜନସାଧାରଣ ଏହି ସୁବିଧା ଉପଭୋଗ କରିବା ପରେ କମିଶନରେଟ୍ ପୋଲିସ୍ କମିଶନର ଶ୍ରୀ ସୈାମେନ୍ଦ୍ର ପ୍ରିୟଦର୍ଶୀ ଓ କଟକ କମିଶନରେଟ୍ ପୋଲିସ୍ ଉପ-ଆୟୁକ୍ତ ଶ୍ରୀ ପିନାକୀ ମିଶ୍ର ଙ୍କୁ ସାଧୁବାଦ ଜଣାଇବା ସହ ବୟସ୍କ ବ୍ୟକ୍ତିମାନେ ଆଶ୍ରିବଚନ ପ୍ରଦାନ କରିଥିଲେ। କମିଶନରେଟ୍ ପୋଲିସ୍ ପକ୍ଷରୁ ଏହି କାର୍ଯ୍ୟକ୍ରମ ଲାଗି ଜନସାଧାରଣଙ୍କ ପକ୍ଷରୁ କମିଶନରେଟ୍ ପୋଲିସ୍ ବିଭାଗକୁ ଭୂୟସୀ ପ୍ରଶଂସା କରାଯାଇଛି।
