ସଂଜୟ ଶତପଥୀ(କଟକ): ବର୍ତ୍ତମାନ ଓଡିଶାରେ ପ୍ରଚଣ୍ଡ ଶୀତର ଲହରୀ ବୋହୁଥୂବା ବେଳେ ଅସହାୟ,ଗରୀବ ଓ ରାସ୍ତା କଡ଼ରେ ଗୃହ ଶୂନ୍ୟ ଜନସାଧାରଣ ବିନା ଶୀତବସ୍ତ୍ର ରେ ବହୁ କଷ୍ଟରେ ନିଜର ଜୀବନ ଅତିବାହିତ କରୁଛନ୍ତି। ଏମାନଙ୍କର ଏହି କଷ୍ଟ ଦାୟକ ଜୀବନ ଅତିବାହିତ କୁ ହୃଦୟଙ୍ଗମ କରି କଟକ ର ପ୍ରତିଷ୍ଠିତ ସମାଜସେବୀ ଅନୁଷ୍ଠାନ ଉଦୀୟମାନ ସ୍ବେଚ୍ଛାସେବୀ ମହିଳା ସଂଗଠନ ପକ୍ଷରୁ ସଭାପତି ଶ୍ରୀ ନିବାସ ଚନ୍ଦ୍ର ରାଉତଙ୍କ ନେତୃତ୍ବରେ ପ୍ରଥମ ପର୍ଯ୍ୟାୟରେ କାଠଯୋଡି ମୁଣ୍ଡାସାହି ଓ ଦ୍ବିତୀୟ ପର୍ଯ୍ୟାୟ ରେ ବାଦାମବାଡ଼ି ଓ ଦୋଳମୁଣ୍ଡାଇ ରେ ଅସହାୟ ଲୋକମାନଙ୍କୁ ଶୀତକାଳୀନ ବସ୍ତ୍ର ବଣ୍ଟନ କରାଯାଇଥିଲା।
ପ୍ରଚଣ୍ତ ଶୀତରେ ଥରୁଥୂବା ଲୋକମାନଙ୍କୁ ଶୀତବସ୍ତ୍ର ବଣ୍ଟନ କରି ହସ ଫୁଟାଇବାରେ ଚେଷ୍ଟା କରି ଅନେକ ଆଶ୍ରିବାଦ ସାଉଁଟାଛନ୍ତି ଏହି ଅନୁଷ୍ଠାନର କର୍ମକର୍ତ୍ତା ଓ ସଦସ୍ୟମାନେ। ଏହି ରାତ୍ରିକାଳୀନ ଜନସେବା କାର୍ଯ୍ୟକ୍ରମ ରେ ଅନୁଷ୍ଠାନ ର ଉପ-ସଭାପତି ଶ୍ରୀ ନିବାସ ମିଶ୍ର, ସମ୍ପାଦିକା ଶ୍ରୀମତୀ ଗୀତାଞ୍ଜଳି ସାହୁ,ସହ-ସମ୍ପାଦିକା ଶ୍ରୀମତୀ କଳ୍ପନା ବେହେରା, କୋଷାଧ୍ୟକ୍ଷା ଶ୍ରୀମତୀ ମଞ୍ଜୁଲତା ଜେନା, ବରିଷ୍ଠ ସଦସ୍ୟା ମାନସୀ ଦାସ, ପରିଚାଳନା ସମ୍ପାଦକ ଶ୍ରୀ ରଞ୍ଜନ କୁମାର ସାହୁ, ପ୍ରାକ୍ତନ କର୍ପୋରେଟର ଶ୍ରୀ ପ୍ରମୋଦ ବେହେରା, ସମାଜସେବୀ ଶ୍ରୀ କୀର୍ତ୍ତି କୁମାର ସାହୁ ଓ ଶ୍ରୀ ବିକ୍ରମ ଲେଙ୍କା ପ୍ରମୁଖ ଯୋଗଦେଇଥିଲେ ।
ଏହି ଶୀତବସ୍ତ୍ର ବଣ୍ଟନ କାର୍ଯ୍ୟକ୍ରମ ସହ ଆହୁରି ବହୁତ ଜନସେବା କାର୍ଯ୍ୟକ୍ରମ ର ପ୍ରସ୍ତୁତି ଚାଲିଛି ଏବଂ ଆଗାମୀ ଦିନରେ କରାଯିବ ବୋଲି ସମ୍ପାଦିକା ଶ୍ରୀମତୀ ସାହୁ ପ୍ରକାଶ କରିଛନ୍ତି।
