ଭୁବନେଶ୍ୱର(ବାସ୍ତବ କଥା): ଆଜି ଭିଜିଲାନ୍ସ ଜାଲରେ ପଡ଼ିଛନ୍ତି ଜଣେ ଥାନାଧିକାରୀ। ବିଶ୍ବସ୍ତ ସୂତ୍ରରୁ ଜଣାପଡିଛି ଯେ, କଟକ କମିଶନରେଟ୍ ପୋଲିସ୍ ଅଧୂନରେ ଥିବା ସି.ଆର୍.ଆର୍.ଆଇ ଥାନାର ଭାର ପ୍ରାପ୍ତ ଆରକ୍ଷୀ ନିରୀକ୍ଷକ ଶ୍ରୀ ବିଜୟ କୁମାର ବାରିକ ଜନୈକ ଲାଇସେନ୍ସପ୍ରାପ୍ତ ମଦ ବ୍ୟବସାୟ ଙ୍କୁ ମଦ ବ୍ୟବସାୟ କରିବାରେ ସହଯୋଗ କରିବା ଲାଗି ଟ.୪୦,୦୦୦/- ଲାଞ୍ଚ ନେଉଥିଲା ବେଳେ ଭୁବନେଶ୍ୱର ର ରାଜମହଲ ଛକ ଠାରେ ଓଡିଶା ଭିଜିଲାନ୍ସ ବିଭାଗ ହାତରେ ଧରାପଡ଼ିଛନ୍ତି।
ଧରା ପଡିବା ସମୟରେ ଭିଜିଲାନ୍ସ ବିଭାଗ ପକ୍ଷରୁ ଶ୍ରୀ ବାରିକ ଙ୍କ ଠାରୁ ଲାଞ୍ଚ ନେଉଥିବା ଟଙ୍କା ୪୦,୦୦୦/- ଜବତ କରାଯିବା ସହ ସଂଶୋଧିତ ଆଇନ୍ ୨୦୧୮ ର ୭ ପି.ସି ଧାରା ଅନୁଯାୟୀ ଭିଜିଲାନ୍ସ ପୋଲିସ୍ ମାମଲା ନମ୍ବର ୧/୨୦୨୬ ରେ ମାମଲା ରୁଜ୍ଜୁ କରାଯାଇଛି। ଅଧିକ ତଦନ୍ତ ଲାଗି ଥାନଧୂକାରୀ ଶ୍ରୀ ବାରିକ ଙ୍କୁ ଭିଜିଲାନ୍ସ ବିଭାଗ ନିଜ ହେପାଜତକୁ ନେବା ସହ ଶ୍ରୀ ବାରିକ ଙ୍କ ଦୁଇଟି ସ୍ଥାନରେ ଚଢାଉ ଜାରୀ ରହିଛି। ଏହା ଭିଜିଲାନ୍ସ ବିଭାଗ ପକ୍ଷରୁ ଲାଞ୍ଚ ବିରୁଦ୍ଧରେ ଓଡ଼ିଶାବାସୀଙ୍କୁ ଇଂରାଜୀ ନବବର୍ଷ ର ଭେଟି ବୋଲି ଜନସାଧାରଣ ରେ ଆଲୋଚନା ହେଉଛି।
