କଟକ(ବାସ୍ତବବ୍ୟୁରୋ): କଟକ ଜିଲ୍ଲା ଅବକାରୀ ବିଭାଗ ପକ୍ଷରୁ କଟକ ର ୨ ଟି ଯାଗାରେ ଚଢ଼ାଉ କରାଯାଇ ବିପୁଳ ପରିମାଣର ହିରୋଇନ୍ ଜବତ କରାଯିବା ସହ ୨ ଜଣ ହିରୋଇନ୍ ବେପାରୀ ଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି।
ଜଣାଯାଏ ଯେ,ବିଶ୍ବସ୍ତ ସୂତ୍ରରୁ ଖବର ପାଇ କଟକ ଜିଲ୍ଲା ଅବକାରୀ ଅଧିକ୍ଷକ ଶ୍ରୀ କରୁଣା ଶଙ୍କର ତ୍ବିଓ୍ବାରୀ ଙ୍କ ନିର୍ଦ୍ଦେଶକ୍ରମେ କଟକ ଅବକାରୀ ଥାନା-୩ ର ଭାରପ୍ରାପ୍ତ ଅଧିକାରୀ ଶ୍ରୀ ରାଜେଶ କୁମାର ପଟେଲ ଙ୍କ ନେତୃତ୍ବରେ ଏକ ଟିମ୍ କଟକ ର ବିଜୁପଟ୍ଟନାୟକ ଇଣ୍ଡୋର ଷ୍ଟାଡିୟମ ନିକଟସ୍ଥ ଗୋବିନ୍ଦପୁର ନିକଟରୁ ସତୀଚୈ।ରା ର ୩୪ ବର୍ଷର ଯୁବକ ଶ୍ରୀ ରାଜୁ ଜେନା ଙ୍କ ଠାରୁ ବିକ୍ରି ଲାଗି ରଖୂଥୂବା ୭୬ ଗ୍ରାମ ହିରୋଇନ୍ ଯାହାର ମୂଲ୍ୟ ଆନୁମାନିକ ଟ.୭,୬୦,୦୦୦ /- ଜବତ କରିବା ସହ ଚୋରା ହିରୋଇନ୍ ବେପାରୀ ଙ୍କୁ ଅବକାରୀ ଆଇନ୍ ର ଏନ୍.ଡି.ପି.ଏସ୍-୧୯୮୫ ଧାରା ୨୧(ଖ) ଅନୁଯାୟୀ ଗିରଫ କରି କୋର୍ଟ ଚାଲାଣ କରିଛନ୍ତି।ଅନୁରୁପ ଢଙ୍ଗରେ କଟକ ଜିଲ୍ଲା ଅବକାରୀ ନିରୀକ୍ଷକ(ଗ୍ରାମାଞ୍ଚଳ) ଶ୍ରୀମତୀ ମାନସୀ ନାୟକ ସଦଳବଳେ କଟକ ସତୀଚୈ।ରା ର ୩୨ ବର୍ଷର ଯୁବକ ସେଖ୍ ଅନଓ୍ବର କଟକ ବାଲିକୁଦା ଛକ ଟ୍ରାଫିକ ପୋଷ୍ଟ ନିକଟରେ ବିକ୍ରି ଲାଗି ନିଜ ଆକ୍ଟିଭା ସ୍କୁଟିରେ ଆଣିଥୂବା ୧୮୫ ଗ୍ରାମ୍ ହିରୋଇନ୍ ଯାହାର ଆନୁମାନିକ ମୂଲ୍ୟ ଟ.୧୯,୩୦,୦୦୦/- ଜବତ କରିବା ସହ ବ୍ରାଉନସୁଗାର ବେପାରୀ ସେଖ୍ ଅନଓ୍ବାର ଙ୍କୁ ଗିରଫ ଓ ବ୍ୟବହୃତ ଆକ୍ଟିଭା ସ୍କୁଟିକୁ ଜବତ କରି ଅବକାରୀ ଆଇନ ଏନ୍.ଡି.ପି.ଏସ୍ -୧୯୮୫ ର ଧାରା ୨୧(ଖ) ଅନୁଯାୟୀ କୋର୍ଟ ଚାଲାଣ କରାଯାଇଛି। ଏହା କଟକ ଜିଲ୍ଲା ର ନୂତନ ବର୍ଷ ର ପ୍ରଥମ ଥର ଲାଗି ଏତେ ପରିମାଣର ହିରୋଇନ୍ ଜବତ ହେବା ଏକ ରେକର୍ଡ଼।
ଏହି ଚଢାଉ କାର୍ଯ୍ୟକ୍ରମ ରେ ଅବକାରୀ ନିରୀକ୍ଷକ ଶ୍ରୀମତୀ ନାୟକ ଓ ଭାରପ୍ରାପ୍ତ ଅଧିକାରୀ ଶ୍ରୀ ପଟେଲ ଙ୍କ ସହ ଅବକାରୀ ଉପ- ସହକାରୀ ନିରୀକ୍ଷକ ଶ୍ରୀମତୀ ରଶ୍ମିତା ଦେହୁରୀ, କନେଷ୍ଟବଳ ଶ୍ରୀ ଚନ୍ଦନ କୁମାର ସିଂହ, କନେଷ୍ଟବଳ ଶ୍ରୀ ରଞ୍ଜନ କୁମାର ଭୋଇ, କନେଷ୍ଟବଳ ଶ୍ରୀମତୀ ପ୍ରିୟତମା ରଥ, କନେଷ୍ଟବଳ ଶ୍ରୀ ବିକାଶ ଚନ୍ଦ୍ର ପ୍ରଧାନ ଓ ଶ୍ରୀମତୀ ଦମୟନ୍ତୀ ଲେଙ୍କାଙ୍କ ସହ ଅନ୍ୟ ଅଧୂକାରୀ ମାନେ ସାମିଲ ହୋଇଥିଲେ। ଗଣମାଧ୍ୟମ ଙ୍କ ପ୍ରଶ୍ନ ର ଉତ୍ତର ରେ ସମସ୍ତ ଶ୍ରେୟ ଅବକାରୀ ଅଧିକ୍ଷକ ଶ୍ରୀ ତିଓ୍ବାରୀ ଙ୍କର ବୋଲି ଚଢ଼ାଉ ରେ ସାମିଲ ଅଧିକାରୀ ମାନେ ମତପ୍ରକାଶ କରିଥିଲେ।
