ବାସ୍ତବ ବ୍ୟୁରୋ-ଆଜି ଏସବିଆଇ କାର୍ଡ ଓ ଇଣ୍ଡିଆନ ରେଲୱେ କ୍ୟାଟରିଂ ଆଣ୍ଡ୍ ଟୁରିଜିମ୍ କର୍ପୋରେସନ ଲିମିଟେଡ୍ (ଆଇଆରସିଟିସି) ପକ୍ଷରୁ ଆଇଆରସିଟିସି ଏସବିଆଇ କାର୍ଡକୁ “ରୁପେ ପ୍ଲାଟଫର୍ମରେ” ଲଞ୍ଚ କରାଯାଇଛି । ଭାରତୀୟ ରେଳବାଇରେ ନିୟମିତ ଯାତ୍ରା କରୁଥିବା ଲୋକମାନଙ୍କୁ ନଜରରେ ରଖି ପ୍ରସ୍ତୁତ କରାଯାଇଥିବା ଏହି କାର୍ଡ, ଯାତ୍ରୀମାନଙ୍କୁ ସେମାନଙ୍କ ଯାତ୍ରା ଉପରେ ସର୍ବାଧିକ ସଞ୍ଚୟ ପ୍ରସ୍ତାବ ପ୍ରଦାନ କରିଥାଏ, କାରବାର ଶୁଳ୍କ ଛାଡ ବ୍ୟତୀତ ଖୁଚୁରା, ଭୋଜନ ଏବଂ ମନୋରଞ୍ଜନ କ୍ଷେତ୍ରରେ ଅଧିକ ସହାୟତା ପ୍ରଦାନ କରିବ ।
ଆଇଆରସିଟିସି ଏସବିଆଇ କାର୍ଡ RuPay ପ୍ଲାଟଫର୍ମର କାର୍ଡଧାରୀମାନେ ଆଇଆରସିଟିସିରେ AC1, AC2, AC3, AC CC ବୁକିଂରେ ୧୦% ପର୍ଯ୍ୟନ୍ତ ସଂଚୟ କରିପାରିବେ । କାର୍ଡ ସକ୍ରିୟ ହେବା ପରେ କାର୍ଡ ୧% କାରବାର ଶୁଳ୍କ ଛାଡ ଏବଂ ୩୫୦ ବୋନସ୍ ପଏଣ୍ଟ ମଧ୍ୟ ପ୍ରଦାନ କରିବ । କାର୍ଡରେ ଜମା ହୋଇଥିବା ରିୱାର୍ଡ ପଏଣ୍ଟଗୁଡିକ ଆଇଆରସିଟିସିର ୱେବସାଇଟରେ ଟିକେଟ୍ ବୁକିଙ୍ଗ୍ କଲାବେଳେ ରିଡିମ୍ କରାଯାଇପାରିବ ।
ଏହି ଲଞ୍ଚ ସହିତ, ଏସବିଆଇ କାର୍ଡ RuPay ନେଟୱାର୍କରେ ଏହାର ପୋର୍ଟଫୋଲିଓ ବିସ୍ତାର କରିଛି ।
ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆର ଚେୟାରମ୍ୟାନ୍ ଶ୍ରୀ ରଜନୀଶ କୁମାର ଏହି ଅବସରରେ ସୂଚନା ଦେଇ କହିଛନ୍ତି,‘ଭାରତରେ ନିୟମିତ ରେଳ ଯାତ୍ରୀ ବଜାର ବେଶ ବ୍ୟାପକ ଓ ଏଭଳି ଯାତ୍ରୀଙ୍କ ସ୍ୱତନ୍ତ୍ର ଆବଶ୍ୟକତା ପୂରଣ କରିବା ପାଇଁ କ୍ରେଡିଟ୍ କାର୍ଡ ପାଖରେ ବିପୁଳ ସୁଯୋଗ ରହିଛି’।
ରେଳ ଭ୍ରମଣରେ ସଞ୍ଚୟ ବ୍ୟତୀତ, IRCTC SBI କାର୍ଡ ଅନଲାଇନ୍ ଦୋକାନୀମାନଙ୍କ ପାଇଁ ଅନେକ ସୁବିଧା ପ୍ରଦାନ କରିବ । ଗ୍ରାହକମାନେ ବିଗ୍ ବ୍ୟାସ୍କେଟ୍, ଟ୍ରାଭେଲ୍.ଇନ୍, ଅଜିଓ ଇତ୍ୟାଦିରେ ସପିଂ କରିବା ସମୟରେ ଆକର୍ଷଣୀୟ ରିହାତି ପାଇପାରିବେ, ସୁସ୍ଥତା ଠାରୁ ଆରମ୍ଭ କରି ମନୋରଞ୍ଜନ ପର୍ଯ୍ୟନ୍ତ, ରୁପେ ଗ୍ରାହକଙ୍କୁ ରୋମାଞ୍ଚକର ସୁବିଧା ପ୍ରଦାନ କରିବ ଯେମିତି କି ମେଡଲାଇଫର ଔଷଧ ଉପରେ ୨୦% ରିହାତି, ଫିଟର୍ନିଟି(Butternut)ରେ ୨୫% ରିହାତି । RuPay ଏହାର ଗ୍ରାହକମାନଙ୍କୁ ପାଥୋଲୋଜି ଉପରେ ୪୦% ରିହାତି ଏବଂ ୧ ଏମଜି ର ଔଷଧ କିଣିବାରେ ୧୮% ରିହାତି ପ୍ରଦାନ କରିବ ।
