ବାସ୍ତବବ୍ୟୁରୋ:ଲଗାତାର ୨୯ ଦିନ ମୂଲ୍ୟ ସ୍ଥିର ରହିବା ପରେ, ଆଜି ସରକାରୀ ତୈଳ କମ୍ପାନୀଗୁଡିକ ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ପାଇଛି। ଆଜି ଡିଜେଲର ମୂଲ୍ୟ ୨୬ ରୁ ୨୯ ପଇସା ବୃଦ୍ଧି ପାଇଥିବାବେଳେ ପେଟ୍ରୋଲର ମୂଲ୍ୟ ମଧ୍ୟ ୨୧ପଇସାରୁ ୨୪ ପଇସାକୁ ବୃଦ୍ଧି ପାଇଛି।
ରାଜନଗରଡି ଏଫଓ ବିକାଶ ରଂଜନ ଦାଶଙ୍କ ସୂଚନା ଅନୁଯାଇ ଭିତରକନିକା ଜାତୀୟ ଉଦ୍ୟାନରେ ବିଦେଶାଗତ ପକ୍ଷୀଙ୍କ ସଂଖ୍ୟା ବୃଦ୍ଧି ପାଇଛି। ଚଳିତମାସ ୬ ତାରିଖ ଦିନ ବନବିଭାଗ ପକ୍ଷରୁ ହୋଇଥିବା ଗଣନା କ୍ରମେ, ଗତବର୍ଷ ତୁଳନାରେ ଭିତରକନିକାକୁ, ୧୭ ହଜାର ୭୬୬ ପକ୍ଷୀ ଅଧିକ ଆସିଛନ୍ତି |ଗତ ବର୍ଷ ୧ ଲକ୍ଷ ୧୮ ହଜାର ୩୨୬ ପକ୍ଷୀ ଆସିଥିବାବେଳେ ଏ ବର୍ଷ ୧ ଲକ୍ଷ ୩୬ ହଜାର ୯୨ଟି ପକ୍ଷୀ ଆସିଛନ୍ତି। ଗତ ୧୩ ବର୍ଷ ଭିତରେ ଏହା ସର୍ବାଧିକ।
ଆଜିଠାରୁ ସିଡନୀରେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବଡ଼ର -ଗାଭାସ୍କର ଟ୍ରଫିର ତୃତୀୟ ମ୍ୟାଚ୍ ଖେଳାଯାଉଛି। ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ବର୍ତ୍ତମାନ ସମୟରେ ଉଭୟ ଦଳ ୧-୧ରେ ଅଛନ୍ତି। ରୋହିତ ଶର୍ମା ଭାରତୀୟ ଦଳକୁ ଫେରୁଛନ୍ତି। ଏହା ବ୍ୟତୀତ ନବଦୀପ ସାଇନି ମଧ୍ୟ ତାଙ୍କର ଡେବ୍ୟୁ ମ୍ୟାଚ୍ ଖେଳୁଛନ୍ତି।
ସମ୍ଭାବ୍ୟ ବାର୍ଡ ଫ୍ଲୁ ପାଇଁ ଆଜି ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର କହିଛନ୍ତି କି ,ଓଡ଼ିଶାରେ ବର୍ତ୍ତମାନ ପର୍ଯ୍ୟନ୍ତ ବାର୍ଡ ଫ୍ଲୁ ଦେଖାଦେଇ ନାହିଁ। କୌଣସି ନମୁନା ପଜିଟିଭ୍ ବାହାରି ନାହିଁ। କିନ୍ତୁ ସମ୍ଭାବ୍ୟ ବାର୍ଡ ଫ୍ଲୁର ମୁକାବିଲା ପାଇଁ ପ୍ରଶାସନ ସମ୍ପୂର୍ଣ୍ଣ ପ୍ରସ୍ତୁତ ଅଛି। ତେଣୁ ସାଧାରଣ ଜନତା ବାର୍ଡ ଫ୍ଲୁ ପାଇଁ ଭୟଭୀତ ନ ହୁଅନ୍ତୁ | ସମ୍ଭାବ୍ୟ ସ୍ଥିତିର ମୁକାବିଲା ପାଇଁ ପୂର୍ଣ୍ଣ ସଜାଗ ରହିବା ସହ ବିଦେଶୀ ପକ୍ଷୀ ଆସୁଥିବା ବିଭିନ୍ନ ହ୍ରଦ, ଜଳଭଣ୍ଡାର, ଜଳାଶୟ ଆଦି ଅଞ୍ଚଳରେ ଅନୁଧ୍ୟାନ କାର୍ଯ୍ୟକୁ ବ୍ୟାପକ କରିବା ପାଇଁ ମୁଖ୍ୟ ଶାସନ ସଚିବ ନିର୍ଦ୍ଦେଶ ଦେଇଥିବା କହିଛନ୍ତି ।
ଆଜି ସ୍ବାସ୍ଥ୍ୟ ବିଭାଗ ପକ୍ଷରୁ ରାଜ୍ୟରେ କୌଣସି କରୋନା ସଂକ୍ରମିତ ପ୍ରାଣ ହରାଇ ନ ଥିବା ସୂଚନା ମିଳିଛି । ଯଦିଓ ଦୈନିକ କରୋନା ସଂକ୍ରମିତଙ୍କ ସଂଖ୍ୟାରେ ବୃଦ୍ଧି ହୋଇଛି ମାତ୍ର ମୃତ୍ୟୁ ବଢ଼ିନାହିଁ। ଫଳରେ ରାଜ୍ୟର ସମୁଦାୟ କରୋନା ମୃତ୍ୟୁ ସଂଖ୍ୟା ୧୮୮୭ରେ ସ୍ଥିର ରହିଛି ବୋଲି କୁହାଯାଇଛି ଗତ ୮ ମାସ ଭିତରେ ଓଡ଼ିଶା ପାଇଁ ଏ ଏକ ଆଶ୍ବସ୍ତିକର ଖବର।
ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସମର୍ଥକମାନେ ହ୍ୱାଇଟହାଉସ ଏବଂ କ୍ୟାପିଟାଲ ହିଲସ ବାହାରେ ଏକ ଅସନ୍ତୋଷ ସୃଷ୍ଟି କରିଥିଲେ। ବର୍ତ୍ତମାନ ଆମେରିକାରେ ଉତ୍ତେଜନା ପରେ ୱାଶିଂଟନରେ ଲକଡାଉନ କରି ଦିଆଯାଇଛି। ବିରୋଧ ସମୟରେ ପୋଲିସର ଗୁଳିରେ ଜଣେ ପ୍ରଦର୍ଶନକାରୀଙ୍କ ମୃତ୍ୟୁ ମଧ୍ୟ ଘଟିଛି।
ଗତ କଲି (ବୁଧବାର) ରାଉରକେଲା ଇସ୍ପାତ କାରଖାନା (ଆର୍ଏସ୍ପି) କୋଲ୍ କେମିକାଲ ବିଭାଗ (ସିସିଡି)ରେ ଗ୍ୟାସ୍ ଲିକ୍ ହେବାରୁ ୪ ଜଣ ଶ୍ରମିକ ପ୍ରାଣ ହରାଇଛନ୍ତି ଏବଂ ଅନ୍ୟ ୬ ଜଣ ଅସୁସ୍ଥ ହୋଇଛନ୍ତି। ଦୁର୍ଘଟଣାକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ କେନ୍ଦ୍ର ଇସ୍ପାତ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦୁଃଖ ପ୍ରକାଶ କରିଛନ୍ତି।
ଆଜି ଟ୍ରାକ୍ଟର ମାର୍ଚରୁ କୃଷକମାନେ ଶକ୍ତି ପ୍ରଦର୍ଶନ କରିବେ, ସବୁଠୁ ବଡ କନଭୋ କୁଣ୍ଡଳୀ ସୀମା ବାହାରକୁ ଆସିବ |ଶୁକ୍ରବାର ଦିନ କୃଷି ଆଇନ ଉପରେ ସରକାର ଆଲୋଚନା କରିବା ପୂର୍ବରୁ କୃଷକମାନେ ଦିଲ୍ଲୀ ସୀମାରେ ଏକ ଟ୍ରାକ୍ଟର ପଦଯାତ୍ରା କରି ନିଜର ଶକ୍ତି ପ୍ରଦର୍ଶନ କରିବେ।
ବାର୍ଡ଼ ଫ୍ଲୁ ଯୋଗୁଁ ପଞ୍ଜାବରେ କୁକୁଡ଼ା ବ୍ୟବସାୟରେ ୨୫ % ହ୍ରାସ ହେତୁ ହିମାଚଳରେ ଆତଙ୍କ ଖେଳିଯାଇଛି |କରୋନା ମହାମାରୀ ପରେ ବାର୍ଡ ଫ୍ଲୁ ହେତୁ ପଞ୍ଜାବର କୁକୁଡ଼ା ବ୍ୟବସାୟକୁ ନେଇ ଆତଙ୍କ ଖେଳିଯାଇଛି। ତେବେ ଏପର୍ଯ୍ୟନ୍ତ ରାଜ୍ୟରେ ବାର୍ଡ଼ଫ୍ଲୁ ହେବାରକୌଣସି ରିପୋର୍ଟ ମିଳିନାହିଁ।
ପାଣିପାଗ ଅବସ୍ଥା: ଆଜିଠାରୁ ଦିଲ୍ଲୀରେ କୁହୁଡି ତୀବ୍ର ହେବ, ଆସନ୍ତାକାଲି ବର୍ଷା ହେବାର ଆଶଙ୍କା ରହିଛି |ଲଗାତାର ଚତୁର୍ଥ ଦିନ ରାଜଧାନୀରେ ବର୍ଷା ଜାରି ରହିଥିଲା । ସକାଳ ଠାରୁ ଅପରାହ୍ନ ପର୍ଯ୍ୟନ୍ତ ଆରମ୍ଭ ହୋଇଥିବା ବର୍ଷା ବିଭିନ୍ନ ଅଞ୍ଚଳରେ ଜାରି ରହିଥିଲା।
