ବାସ୍ତବବ୍ୟୁରୋ: ଏବେ ଦିନକୁ ଦିନ ରାଜ୍ୟରେ ବଢୁଥିବା କୋଭିଡ ସ୍ଥିତିକୁ ନଜରରେ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି
ସନ୍ଧ୍ୟାରେ କରିବେ ସମୀକ୍ଷା ବୈଠକ।ଏହି ବୈଠକରେ ମୁଖ୍ୟ ଶାସନ ସଚିବଙ୍କ ସମେତ ଉନ୍ନୟନ କମିସନର ଓ ଅନେକ ବରିଷ୍ଠ ଅଧିକାରୀ ଉପସ୍ଥିତ ରହିବାର ସୂଚନା ମିଳିଛି । ଏହାଛଡା ବୈଠକରେ ସମସ୍ତ ଜିଲ୍ଲାପାଳମାନଙ୍କୁ ମଧ୍ୟ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଇଛି।
ଭିଡିଓ କନଫରେନ୍ସି ଜରିଆରେ ଏହି ବୈଠକ ଅନୁଷ୍ଠିତ ହେବ ।ଦିନକୁ ଦିନ ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି।ଏହାକୁ ଦୃଷ୍ଟିରେ ରଖି କିଛି ସ୍ଥାନରେ ମାଇକ୍ରୋ କଣ୍ଟେନମେଣ୍ଟ ଜୋନ କରାଯାଇଛି ଓ ବଡ଼ ସମାବେଶ ଉପରେ କଟକଣା ଲଗାଯାଇଛି।ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୫୮୮ ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି | ସବୁଠୁ ବଡ଼କଥା ହେଲା କେବଳ ଖୋର୍ଦ୍ଧାରୁ ୧୦୫ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। କରୋନା ପୁଣି ଆଁ ମେଲେଇବା ପୂର୍ବରୁ ଏହାକୁ ନିୟନ୍ତ୍ରଣ କରାଯିବା ନେଇ ରାଜ୍ୟ ସରକାରଙ୍କ ପକ୍ଷରୁ ପଦକ୍ଷପ ନିଆଯିବା ପାଇଁ ମୁଖ୍ୟମନ୍ତ୍ରୀଙ୍କ ଆଜିର ଏ ସମୀକ୍ଷା ବୈଠକ।ଅନ୍ୟ ପକ୍ଷେ ଆସନ୍ତା ୮ ତାରିଖ ପ୍ରଧାନମନ୍ତ୍ରୀ ଡ଼ାକିଥିବା ମୁଖ୍ୟମନ୍ତ୍ରୀ ମାନଂକ ବୈଠକ ପାଇଁ ଏ ମଧ୍ୟ ଆମ ରାଜ୍ୟର ପ୍ରସ୍ତୁତି ବୈଠକ ହୋଇପାରେ |
