କଟକ ଜିଲ୍ଲା ମାହାଙ୍ଗା ନିର୍ବାଚନ ମଣ୍ଡଳୀ ଅନ୍ତର୍ଗତ ନିଶ୍ଚିନ୍ତକୋଇଲି ବ୍ଲକର ୨୭ ଟି ଗ୍ରାମ ପଞ୍ଚାୟତରେ ବସବାସ କରୁଥିବା ୩0 ହଜାର ପରିବାର ପାଖରେ ବିଭିନ୍ନ ସାନିଟାରୀ ସାମଗ୍ରୀ ପହଂଚାଇବା କାର୍ଯ୍ୟକ୍ରମ ଆଜିଠାରୁ ଆରଂଭ ହୋଇଛି l
ବାସ୍ତବବ୍ୟୁରୋ:(ନି.ପ୍ରମାହାଙ୍ଗା)ମାନ୍ୟବର ପଂଚାୟତିରାଜ ମନ୍ତ୍ରୀ ପ୍ରତାପ ଜେନାଙ୍କ ବିଧାୟକ ପାଣ୍ଠିରୁ ଏହି ଅର୍ଥ ଭରଣା କରାଯିବ ବୋଲି ସୂଚନା ମିଳିଛି l ନିଶ୍ଚିନ୍ତକୋଇଲି ବ୍ଲକ ୨୭ ଗୋଟି ପଂଚାୟତର ୩୦ ହଜାର ପରିବାରକୁ ମହାମାରୀ କରୋନାରୁ କିପରି ସୁରକ୍ଷିତ ରଖାଯାଇପାରିବ, ସେଥିପାଇଁ ଏହି ଅଭିଯାନ ଆରଂଭ ହୋଇଛି lବ୍ଲକରେ ଥିବା ସ୍ଵୟଂସହାୟକ ଗୋଷ୍ଠୀର ମହିଳାମାନଙ୍କ ଠାରୁ ମାସ୍କ କିଣିବା ପାଇଁ ସ୍ଥିର ହୋଇଥିଲା l
ବ୍ଲକର ପ୍ରତି ଘରପିଛା ୪ ଗୋଟି ମାସ୍କ, ୨ ଟି ସାବୁନ ବଣ୍ଟନ କରାଯାଇଥିବା ବେଳେ କରୋନା ସମୟରେ ସଚେତନ ଓ ସତର୍କତା ଅବଲମ୍ବନ ପାଇଁ ପରାମର୍ଶ ଦିଆଯିବା ଦେଖିବାକୁ ମିଳିଥିଲା lମନ୍ତ୍ରୀ ପ୍ରତାପ ଜେନାଙ୍କ ବ୍ୟକ୍ତିଗତ ସହାୟକ ଉମାଶଙ୍କର ବିଶ୍ୱାଳ, ବ୍ଲକ ଚେୟାରମ୍ୟାନ ସବିତା ଓଝା, ପୂର୍ବତନ ଚେୟାରମ୍ୟାନ ଗିରିଶ ରଞ୍ଜନ ମହାପାତ୍ର, ବ୍ଲକ ବିଜେଡି ସଭାପତି ରମାକାନ୍ତ ମହାନ୍ତି, ଯୁବନେତା ଅଶୋକ ଓଝା ପ୍ରମୁଖ ପରିଚାଳନା କରିଥିଲେ l
ମନ୍ତ୍ରୀଙ୍କ ଏଭଳି ସହଯୋଗ ମୂଳକ ପଦକ୍ଷେପକୁ ସବୁ ମହଲରୁ ସ୍ୱାଗତ କରାଯିବା ଦେଖିବାକୁ ମିଳିଛି l
