ସଂଜୟ ଶତପଥୀ(କଟକ): ଆଜି ପ୍ରତ୍ୟେକ ହିନ୍ଦୁଧର୍ମୀ ମାନେ ମହାସମାରୋହରେ ପାଳନ କରୁଛନ୍ତି ପବିତ୍ର ପୁଷ୍ୟାଭିଷେକ ଉତ୍ସବ। ଏହି ପବିତ୍ର ଦିବସରେ ଆଜି କଟକ ର ମହୀଦାସ ବଜାର ର ଶ୍ରୀ ଜଗନ୍ନାଥ ରଥଯାତ୍ରା ପରିଚାଳନା ସମିତି ପକ୍ଷରୁ ତ୍ରୀଦିବସୀୟ ଉତ୍ସବକୁ ପାଳନ ଅବସରରେ ପୁଷ୍ୟାଭିଷେକ ଓ ଶ୍ରୀମଦ୍ଭାଗବଦ୍ କଥାମୃତ ଉତ୍ସବ ବହୁ ଆଧ୍ୟାତ୍ମିକ ପ୍ରବକ୍ତା ଓ ଶ୍ରଦ୍ଧାଳୁମାନଙ୍କ ଉପସ୍ଥିତି ରେ ଆରମ୍ଭ ହୋଇଯାଇଛି।
ଉତ୍ସବ ର ପ୍ରଥମ ଦିବସରେ ବରେଣ୍ୟ ବକ୍ତା ଭାବେ ଓଡ଼ିଶା ର ବିଶିଷ୍ଟ ଆଧ୍ୟାତ୍ମିକ ପ୍ରବକ୍ତା ତଥା ପ୍ରସିଦ୍ଧ ଜଳୈ।କା ଆଶ୍ରମର ମୂଖ୍ୟ ବାବାଜୀ ଅମୃତାନନ୍ଦ ଦାସ ମହାରାଜ, ମୂଖ୍ୟ ଅତିଥି ଭାବେ ବାରବାଟୀ -କଟକ ବିଧାୟିକା ଇଂ ସୋଫିଆ ଫିର୍ଦ୍ଦୋଶ୍ , ସମ୍ମାନିତ ଅତିଥି ଭାବେ ଗୋ-ସୁରକ୍ଷା ବାହିନୀ ର ରାଜ୍ୟ ସଭାପତି ଆଇନଜୀବୀ ଶ୍ରୀ ସୁରେଶ ଚନ୍ଦ୍ର ପଣ୍ଡା ଯୋଗଦେଇ ଶ୍ରୀ ଜଗନ୍ନାଥ ସଂସ୍କୃତିର ପ୍ରଚାର ଓ ପ୍ରସାର ଦିଗରେ ସହଯୋଗ କରିଥିଲେ। ଅନୁଷ୍ଠାନ ର ସଭାପତି ଗାୟକ ମଞ୍ଜୁଳ ଶ୍ରୀ ଜଗନ୍ନାଥ ସିଂ ଙ୍କ ସଭାପତିତ୍ବରେ ଅନୁଷ୍ଠିତ ଏହି ପୁଷ୍ୟାଭିଷେକ ଉତ୍ସବ ର ପ୍ରାରମ୍ଭରେ ଶ୍ରୀମାଳିନୀ ଡ୍ଯାନ୍ସ ଏକାଡେମୀ ର କଳାକାର ଙ୍କ ଦ୍ଵାରା ଦେବଦାସୀ ନୃତ୍ୟ ପ୍ରଦର୍ଶନ କରାଯାଇଥିଲା।
ସନାତନ ଧର୍ମ ର ପ୍ରଚାର ଓ ପ୍ରସାର ଦିଗରେ ମୂଖ୍ୟ ଭୂମିକା ନିର୍ବାହ କରିଥୂବା ବିଶିଷ୍ଟ ବ୍ୟକ୍ତିବିଶେଷଙ୍କୁ ଅନୁଷ୍ଠାନ ପକ୍ଷରୁ ମାନପତ୍ର, ଉପଢୌକନ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା।ପରେ ପରେ ଆଧ୍ୟାତ୍ମିକ ପ୍ରବକ୍ତା ବାବାଜୀ ଶ୍ରୀ ଅମୃତାନନ୍ଦ ଦାସ ମହାରାଜ ଜୀ ପୁଷ୍ୟାଭିଷେକ ଉତ୍ସବ ର ମାହାତ୍ମ୍ୟ ଓ ଶ୍ରୀ ଜଗନ୍ନାଥଙ୍କ ମହିମା ବିଷୟରେ ଉପସ୍ଥିତ ଶ୍ରଦ୍ଧାଳୁମାନଙ୍କୁ ନିଜର ଅମୃତ ପ୍ରବଚନ ମାଧ୍ୟମରେ ସୂଚାଇବା ସହ ସମସ୍ତ ହିନ୍ଦୁ ନିଜ ନିଜର ସଂସ୍କୃତି ଓ ପରମ୍ପରାକୁ ସମ୍ମାନ ଦେବାକୁ ଓ ସରକାରଙ୍କୁ ଏହି ବିଷୟରେ ଦୃଷ୍ଟି ଦେବାକୁ ନିବେଦନ କରିଥିଲେ। ଅବଶେଷରେ ଶ୍ରୀ ସୋମନାଥ ଦାସ ସମସ୍ତ ଉପସ୍ଥିତ ଅତିଥି ଓ ଶ୍ରଦ୍ଧାଳୁମାନଙ୍କୁ ଧନ୍ୟବାଦ ଅର୍ପଣ କରିଥିଲେ।
