ବାସ୍ତବବ୍ୟୁରୋ:(ଭଦ୍ରକ)୦୩/୦୭:ଭଦ୍ରକ ଗ୍ରାମାଞ୍ଚଳ ଥାନା କଲେଇପଂଚାୟତ କଣ୍ଟାପଡା ଗ୍ରାମରେ ଘଟିଛି ଏକ ଅଭାବନୀୟ ଘଟଣା |ଘରେ ପଶି ଏକ ଯୁବତୀକୁ ବଳାତ୍କାର ଉଦ୍ୟମ କରିଛନ୍ତି ସେହି ଗ୍ରାମର ଜଗବନ୍ଧୁ ମହାଳିକ ନାମକ ଜଣେ ଯୁବକ |ସୂଚନାନୁଯାଇ ତା ୦୧/୦୭ରିଖ ସନ୍ଧ୍ୟା ଘ୬:୩୦ଟୀକା ସମୟରେ ଜଗବନ୍ଧୁ ସେହି ଗ୍ରାମର ସମ୍ପୃକ୍ତ ଯୁବତୀଙ୍କ ଘରକୁ ଯାଇଥିଲେ ଓ ତାଙ୍କ ବାପାଙ୍କୁ ଖୋଜିଥିଲେ କିନ୍ତୁ ତାଙ୍କ ବାପା ଘରେ ନଥିବାରୁ ଯୁବତୀ ଜଣକ ବାହାରି ଆସି ବାପା ନାହାନ୍ତି ବୋଲି କହିଥିଲେ| ଜଗବନ୍ଧୁ ସେଠାରୁ ନଯାଇ ପୁଣି ଫେରିଥିଲେ, ସଂଧ୍ୟା ସମୟ ଥିବାରୁ କେହିନଥିବାର ସୁଯୋଗନେଇ ଜଗବନ୍ଧୁ ସମ୍ପୃକ୍ତ ଯୁବତୀଙ୍କୁ ଘରକୁ ଟାଣିନେଇ ଅସଦାଚରଣ କରିଥିଲେ |
ଯୁବତୀ ଜଣକ ପ୍ରତିବାଦ କରିବାରୁ ତାଙ୍କୁ ଜୀବନରୁ ମାରିଦେବାକୁ ଧମକ ମଧ୍ୟ ଦେଇଥିଲେ |ଯୁବତୀ ଜଣକ ପାଟିକରିବାରୁ ଘରଲୋକ ଆସିଥିଲେ ,ତାପରେ ଜଗବନ୍ଧୁ ଦୌଡ଼ିପଳାଇଥିଲେ ବୋଲି ଗ୍ରାମାଞ୍ଚଳ ଥାନାରେ ଅଭିଯୋଗ କରିଥିଲେ ପୀଡିତା |ପୀଡ଼ିତାଙ୍କ ଅଭିଯୋଗ କ୍ରମେ ଗ୍ରାମାଞ୍ଚଳଥାନା ପୋଲିସ ତା ୦୧/୦୭ରିଖ ରାତିରେ ସରଜମିନ ତଦନ୍ତ କରି ପୋଲିସ କେଶ ନଂ ୨୮୪/୨୧ମୂଳେ ଦଫା ୪୪୮,୩୫୪,୩୫୪ଏ,୩୫୪ବି,୫୦୬ ରେ ମାମଲା ରୁଜ୍ଜୁ କରି ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି |ଜଗବନ୍ଧୁଙ୍କ ନାମରେ ଆଗରୁ ମଧ୍ୟ ୪ ଟି ପୋଲିସ କେଶ ଥିବାର ସୂଚନା ମିଳିଛି |
ଯେମିତିକି ଗ୍ରାମାଞ୍ଚଳ ଥାନାରେ ଅପହରଣ ମାମଲା, ମାରପିଟ ମାମଲା ଏବଂ ସହରାଞ୍ଚଳ ଥାନାରେ ଜୁଆ ଖେଳ ମାମଲାରହିଛି |ସବୁଠାରୁ ବଡ କଥା ହେଉଛି ଶାସକ ଦଳର ସମର୍ଥିତ ୱାର୍ଡ ମେମ୍ବର ହେଉଛନ୍ତି ଜଗବନ୍ଧୁ ବୋଲି ଚର୍ଚ୍ଚା ହେଉଛି |ଏଠି ପ୍ରଶ୍ନ ଉଠୁଛି ବାରମ୍ବାର ଅପରାଧ କରୁଥିବା ବ୍ୟକ୍ତିଙ୍କୁ ସମର୍ଥନ କରୁଛିକିଏ ଯାହାପାଇଁ ବେଫିକର ହୋଇ ଅପରାଧ କରିଚାଲିଛନ୍ତି ଅପରାଧୀ |ଏହିଭଳି ଅପରାଧିଙ୍କ ପାଇଁ ସମାଜ ଆଜି କଳଙ୍କିତ ହେବାକୁ ବସିଲାଣି,ଏହିଭଳି ଅଭିଯୁକ୍ତଙ୍କୁ ନ୍ୟାୟଳୟ ଉଚିତ ଦଣ୍ଡବିଧାନ କରିଵେ ବୋଲି ବୁଦ୍ଧିଜୀବୀ ମହଲରେ ମତପ୍ରକାଶ ପାଇଛି |
