ମନୋଜ ମହାନ୍ତି(ଭୁବନେଶ୍ବର):୩।୨-ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଅଭିଯୋଗ ପତ୍ର ଜାରି କରିଛି କଂଗ୍ରେସ ।ଏହି ଅଭିଯୋଗ ପତ୍ରରେ ବିଜେଡ଼ି ଶାସନର ୨୨ ବର୍ଷରେ ୨୨ଟି ଅଭିଯୋଗକୁ ଲୋକଙ୍କ ପାଖକୁ ନେବାର ଯୋଜନା କରିଛି କଂଗ୍ରେସ । ଏହାସହ ବିଭିନ୍ନ ପ୍ରସଙ୍ଗକୁ ନେଇ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ଉପରେ କଂଗ୍ରେସ ବର୍ଷିଛି । ଆସନ୍ତା ଫେବୃଆରୀ ୫ ତାରିଖ ଦିନ ନିର୍ବାଚନୀ ଇସ୍ତାହାର ଜାରି କରିବ ଦଳ । ସାମ୍ବାଦିକ ସମ୍ମିଳନୀରେ ଏ ସମ୍ପର୍କରେ ସୂଚନା ଦେଇଛନ୍ତି କଂଗ୍ରେସ ମୁଖପାତ୍ର ମନୋଜ ମହାପାତ୍ର ଓ କଂଗ୍ରେସ ବିଧାୟକ ସୁରେଶ କୁମାର ରାଉତରାୟ ।
