ସଞ୍ଜୟ ଶତପଥୀ(କଟକ)୦୨/୦୮: ଓଟିଏମ୍ ପୂର୍ବ କର୍ମଚାରୀଙ୍କ ଦୁଃଖ ବୁଜିଲେ ସରକାର । ପେଟ ବିକଳରେ ସବୁସାରି ସରିଯିବାକୁ ବସିଥିବାବେଳେ,ବକେୟା ଅର୍ଥ ପ୍ରଦାନ କରିବେ ସରକାର ।ହାଇକୋର୍ଟଙ୍କୁ ସତ୍ୟପାଠ ଜରିଆରେ ଅବଗତ କରିଛନ୍ତି ରାଜ୍ୟ ସରକାର ।ପୂର୍ବରୁ ୩୫ କୋଟିର ଅର୍ଥରାଶି ଦିଆସରିଥିବା ବେଳେ,ଦେୟ ବାବଦରେ ଆଉ ୧୫୦ କୋଟି ଟଙ୍କା ଦେବାକୁ ସରକାର ପ୍ରସ୍ତୁତ ଥିବା କହିଛନ୍ତି ।
ବକେୟା ଅର୍ଥର ହିସାବ କରିବାକୁ ନିଯୁକ୍ତ ହେବେ ଚାର୍ତାର୍ଡ ଆକାଉଣ୍ଟାଣ୍ଟ । ଅଫିସିଆଲ୍ ଲିକ୍ୟୁଡେଟରଙ୍କୁ ଏନେଇ ନିର୍ଦ୍ଦେଶ ଦେଲେ ହାଇକୋର୍ଟ । ୬ ସପ୍ତାହ ମଧ୍ୟରେ ହିସାବ କରି ତଥ୍ୟ ଦେବାକୁ ଲିକ୍ୟୁଡେଟରଙ୍କୁ ନିର୍ଦ୍ଦେଶ ଦିଆଯାଇଛି । ସେପ୍ଟେମ୍ବର ଦ୍ୱିତୀୟ ସପ୍ତାହରେ ହୋଇପାରେ ମାମଲାର ଚୂଡାନ୍ତ ଶୁଣାଣୀ ।
