ଦୀପକ ସାହୁ(କଳାହାଣ୍ଡି): ପ୍ରଧାନମନ୍ତ୍ରୀ ଆବାସ ଯୋଜନାରେ ହୋଇଥିବା ବ୍ୟାପକ ଅନିୟମିତତା ଓ ଅଯୋଗ୍ୟ ହିତାଧିକାରୀମାନଙ୍କୁ ଆବାସ ଦେବା ଘଟଣା କୁ ପ୍ରତିବାଦ କରି ଆଜି କଳାହାଣ୍ଡି ବିଜେପି ପକ୍ଷରୁ ଭବାନିପାଟଣା ବିଡିଓଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ ।
ପ୍ରକାଶ ଯେ ରାଜ୍ଯ ସରକାର ଓଡିଶାର ୨୭ ଲକ୍ଷ ଲୋକଙ୍କ ପାଇଁ ଘର ଆବଶ୍ୟକ ବୋଲି ମାଗିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗରିବ ଲୋକଙ୍କୁ ମୁଣ୍ଡ ଉପରେ ଛାତ ଦେବା ପାଇଁ ୧ ଲକ୍ଷ ଘର ଅଧିକ ପ୍ରଦାନ କରିଥିଲେ । ପୁର୍ବରୁ କେନ୍ଦ୍ର ସରକାର ୧୮ ଲକ୍ଷ ଏବଂ ବର୍ତ୍ତମାନ ୯ ଲକ୍ଷ ୫୮ ହଜାର ମୋଟ ୨୭ ଲକ୍ଷ ୫୮ ହଜାର ଘର ପ୍ରଦାନ କରିଛନ୍ତି କିନ୍ତୁ ଦୁର୍ଭାଗ୍ୟର କଥା ବର୍ତ୍ତମାନ ତାଲିକାରେ ପାଖାପାଖି ୩ ଲକ୍ଷ ଅଯୋଗ୍ୟ ହିତାଧିକାରୀ ଙ୍କ ନାମ ରହିଥିବାରୁ ଯୋଗ୍ଯ ହିତାଧିକାରୀ ମାନେ ପ୍ରଧାନମନ୍ତ୍ରୀଙ୍କ ଆବାସ ଘର ପାଇବାରୁ ବଞ୍ଚିତ ହୋଇଛନ୍ତି ।
ଏହାକୁ ବିରୋଧ କରି ଆଜି କଳାହାଣ୍ଡି ବିଜେପି ପକ୍ଷରୁ ଶହଶହ କର୍ମୀ ଓ ନେତା ଭବାନିପାଟଣା ବିଡିଓଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି ।
