ବାସ୍ତବ ବ୍ୟୁରୋ-ଆଜିର କୋଭିଡ-୧୯ ସ୍ଥିିତିକୁ ନେଇ ମୁଖ୍ୟମନ୍ତ୍ରୀଙ୍କ ସମୀକ୍ଷା ବୈଠକରେ, କ୍ୱାରେଂଟିନ ସମୟସୀମା ୧୪ ଦିନ ବଦଳରେ ୨୧ ଦିନ କରିବା ପାଇଁ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ପରାମର୍ଶଦାତା ଡାକ୍ତର ଶ୍ରୀନିବାସ ରେଡ୍ଡୀ ପ୍ରସ୍ତାବ ଦେଇଥିବା, ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି । ସେହିପରି କରୋନା ସଂକ୍ରମଣକୁ ରୋକିବାକୁ ହେଲେ ସାମାଜିକ ଦୂରତ୍ୱ ହିଁ ଏକମାତ୍ର ପ୍ରତିଷେଧକ । ତେଣୁ ରାଜ୍ୟବାସୀ ସାମାଜିକ ଦୂରତାକୁ ଗୁରୁତ୍ୱ ଦେବାକୁ ସେ ପ୍ରସ୍ତାବ ଦେଇଛନ୍ତି । ଅନ୍ୟପଟେ ବର୍ତମାନ ରାଜ୍ୟରେ କରୋନା ମୁକାବିଲା ନେଇ ସ୍ଥିତି କ’ଣ ରହିଛି ଏବଂ ଏହାକୁ କିଭଳି ମୁକାବିଲା କରାଯାଇପାରିବ ସେନେଇ ଅଧିକାରୀମାନଙ୍କ ସହ ଆଲୋଚନା କରିଥିଲେ ମୁଖ୍ୟମନ୍ତ୍ରୀ । ଏହି ବୈଠକରେ ୧୩ଜଣ ମନ୍ତ୍ରୀ ଓ ବହୁ ବରିଷ୍ଠ ଅଧିକାରୀ ଉପସ୍ଥିତ ରହିଥିଲେ ।
