ଭୁବନେଶ୍ବର(ପ୍ରଶାନ୍ତ ପାଇକରାୟ)୧୨ ଜୁଲାଇ:କେନ୍ଦ୍ର ସରକାରଙ୍କ ପକ୍ଷରୁ ସର୍ବକ୍ଷମା ଯୋଜନା ୨୦୨୬ ଆରମ୍ଭ କରାଯାଇଥିବା କର୍ମଚାରୀ ଭବିଷ୍ୟନିଧ୍ ସଂଗଠନ(ଇପିଏଫଓ) ସୂଚନା ଦେଇଛି । ଆୟକର ଆଇନ ୧୯୬୧ ଅଧୀନରେ ମାନ୍ୟତାପ୍ରାପ୍ତ ପ୍ରୋଭିଡେଣ୍ଟ ଫଣ୍ଡ ଟ୍ରଷ୍ଟ ଚଳାଉଥିବା ସଂସ୍ଥାଗୁଡ଼ିକୁ ନିଜର ସ୍ଥିତି ନିୟମିତ କରିବା ଲାଗି ଏହି ଯୋଜନାରେ ଛଅ ମାସର ସମୟସୀମା ଦିଆଯାଇଛି । ଗତ ଜୁନ୍ ୨୯ ତାରିଖରେ ଯୋଜନାର ବିଜ୍ଞପ୍ତି ପ୍ରକାଶ ପାଇଥିଲା । ବିଜ୍ଞପ୍ତି ପ୍ରକାଶ ପାଇବାର ଛଅ ମାସ ପର୍ଯ୍ୟନ୍ତ ଯୋଜନାର ଅବଧି ବଳବତ୍ତର ରହିବ ।
ଏହି ଯୋଜନା ସେହି ପ୍ରତିଷ୍ଠାନଗୁଡ଼ିକ ପାଇଁ ପ୍ରଯୁଜ୍ୟ ଯାହା ଆୟକର ଆଇନ, ୧୯୬୧ ଅନୁଯାୟୀ ସ୍ବୀକୃତିପ୍ରାପ୍ତ ଭବିଷ୍ୟନିଧ୍ ପାଣ୍ଠି ଟ୍ରଷ୍ଟ ପରିଚାଳନା କରିଆସୁଛନ୍ତି । ତେବେ କେନ୍ଦ୍ର ସରକାର କିମ୍ବା ରାଜ୍ୟ ସରକାରଙ୍କ ଠାରୁ ଆନୁଷ୍ଠାନିକ ଛାଡ଼ ନୋଟିସ୍ ପ୍ରାପ୍ତ କରିଥିବା ସଂସ୍ଥା କ୍ଷେତ୍ରରେ ଏହା ଏହା ପ୍ରଯୁଜ୍ୟ ହେବ ନାହିଁ ।
ବର୍ଗ ୧ରେ ପିଛିଲା ତାରିଖରୁ ନିୟମିତ କରୁଥିବା ପ୍ରତିଷ୍ଠାନ, ପୂର୍ବରୁ ଛାଡ଼ ସୁବିଧା ନପାଇ ନିୟମ ପାଳନ କରୁଥିବା ସଂସ୍ଥା ଏବଂ କିମ୍ବା ଭବିଷ୍ୟତରେ ନିୟମ ପାଳନ କରିବାର ବିକଳ୍ପ ଚୟନ କରିଥିବା ସଂସ୍ଥା ଏହି ସୁବିଧା ପାଇପାରିବେ ।ବର୍ଗ ୨ରେ ଟ୍ରଷ୍ଟକୁ ପିଛିଲା ତାରିଖ ଠାରୁ ନିୟମିତ କରାଇବାକୁ ଚାହୁଁଥିବା ଅନୁଷ୍ଠାନ ଏବଂ ସାମାଜିକ ସୁରକ୍ଷା କୋଡ୍ ୨୦୨୦ ଅଧୀନରେ ଛାଡ଼ ପାଇଥିବା ଏବଂ କାର୍ଯ୍ୟ ଜାରି ରଖିଥିବା ଅନୁଷ୍ଠାନଗୁଡ଼ିକୁ ମଧ୍ଯ ସୁବିଧା ମିଳିପାରିବ ।
ସର୍ବକ୍ଷମା ଯୋଜନାରେ ଟ୍ରଷ୍ଟର ଆରମ୍ଭରୁ ନିର୍ଦ୍ଦିଷ୍ଟ କଟ-ଅଫ୍ ତାରିଖ ପର୍ଯ୍ୟନ୍ତ ଛାଡ଼ ସ୍ଥିତି ଏବଂ ଟ୍ରଷ୍ଟ ସ୍ବୀକୃତି ପ୍ରଦାନ କରାଯିବ। ସାମାଜିକ ସୁରକ୍ଷା କୋଡ୍ ୨୦୨୦ ଅନୁଯାୟୀ, ସର୍ବନିମ୍ନ କର୍ମଚାରୀଙ୍କ ସଂଖ୍ୟା ଏବଂ କର୍ପସ ଆକାର ନିୟମ ଛାଡ଼ କରାଯାଇଛି। ୩ ବର୍ଷର ପୂର୍ବ ଅନୁପାଳନ ନିୟମକୁ ସନ୍ତୋଷଜନକ ବୋଲି ଗ୍ରହଣ କରାଯିବ । ଯଦି ସଦସ୍ୟ ଆକାଉଣ୍ଟଗୁଡ଼ିକ ବୈଧାନିକ ହାର ସହିତ ସମାନ କିମ୍ବା ତା’ଠାରୁ ଭଲ ସୁଧ ଏବଂ ଅବଦାନ ପାଇଥାନ୍ତି ତା’ହେଲେ ଦେୟ, କ୍ଷତି ଏବଂ ସୁଧ ପାଇଁ ବିଚାରାଧୀନ ମୂଲ୍ୟାଙ୍କନ ପ୍ରତ୍ୟାହାର ହ୍ରାସ କରାଯିବ। ପୂର୍ବ ଚୂଡାନ୍ତ ନିର୍ଦ୍ଧେଶ ଗୁଡିକୁ ଅଚଳ ବୋଲି ବିବେଚନା କରାଯିବ।
ଯୋଗ୍ୟ ପ୍ରତିଷ୍ଠାନଗୁଡ଼ିକ କେନ୍ଦ୍ର ସରକାରଙ୍କ ନିକଟରେ ଏକ ଆନୁଷ୍ଠାନିକ ଆବେଦନ ଦାଖଲ କରିବେ I ଆବେଦନଗୁଡ଼ିକ ଇମେଲ ମାଧ୍ଯମରେ ସମ୍ପୃକ୍ତ ଆଞ୍ଚଳିକ କାର୍ଯ୍ୟାଳୟରେ ମଧ୍ୟ ଦାଖଲ କରାଯାଇ ପାରିବ। ଏହି ଯୋ ଜନାର ଲାଭ ଉଠାଇବା ପାଇଁ ଆଗ୍ରହ ଦର୍ଶାଇ ମଧ୍ଯ [email protected] ଠିକଣାରେ ଇମେଲ କରାଯାଇପାରିବ। ଆର୍ଥିକ ଆକାଉଣ୍ଟଗୁଡ଼ିକର ଅଡିଟ୍ ଜଣେ ଚାର୍ଟାର୍ଡ ଆକାଉଣ୍ଟାଣ୍ଟ ଙ୍କ ଦ୍ବାରା କରାଯିବା ଉଚିତ୍ । ଇପିଏଫ କର୍ତ୍ତୃପକ୍ଷଙ୍କ ଦ୍ବାରା ନିର୍ଦ୍ଦେଶିତ ସ୍ବତନ୍ତ୍ର/ଅନୁପାଳନ ଅଡିଟ୍ ଆବେଦନର ୩ ମାସ ମଧ୍ୟରେ ସମାପ୍ତ ହେବା ଆବଶ୍ୟକ I
ଏହି ସର୍ବକ୍ଷମା ଯୋଜନା ସଂକ୍ରାନ୍ତ ବିବରଣୀ କର୍ମଚାରୀ ଭବିଷ୍ୟନିଧ୍ ପାଣ୍ଠି ଯୋଜନା ୨୦୨୬ର ସଂଲଗ୍ନକ-ସି ରେ ଉଲ୍ଲେଖ କରାଯାଇଛି ଏବଂ ଗତ ୨୯ ଜୁନରେ ଜାରି ଗେଜେଟ୍ ବିଜ୍ଞପ୍ତିରେ ଏହାର ଉଲ୍ଲେଖ କରାଯାଇଛି । ଏହାସହିତ ସର୍କୁଲାର, ଏସଓପି ଆଦିର ବିସ୍ତୃତ ପ୍ରକ୍ରିୟା ଇପିଏଫଓ ୱେବସାଇଟରେ ଦିଆଯାଇଛି । ଇପିଏଫଓ କ୍ଷେତ୍ର କ୍ଷେତ୍ରାଧ୍କାର କ୍ଷେତ୍ରୀୟ କାର୍ଯ୍ୟାଳୟ ଆବଶ୍ୟକ ମାର୍ଗଦର୍ଶନ ପ୍ରଦାନ କରିବ ଏବଂ ପ୍ରତିଷ୍ଠାନଗୁଡ଼ିକରୁ ଆବେଦନଗୁଡ଼ିକୁ ଗ୍ରହଣ /ପ୍ରକ୍ରିୟାକରଣ କରିବ ।
