ବାସ୍ତବ ବ୍ୟୁରୋ– ସୋମବାର ଉଭୟ ଭାରତ-ଚୀନ ପକ୍ଷରୁ ଦ୍ବିତୀୟ ଶୀର୍ଷ ସ୍ତରୀୟ ବୈଠକ ହୋଇଥିଲା । ପ୍ରାୟ ୧୧ଘଂଟା ଧରି ଉଭୟ ପକ୍ଷଙ୍କ ଆଲୋଚନା ପରେ ପୂର୍ବ ଲଦାଖ ସ୍ଥିତ ପାନଗଙ୍ଗ ସୋ ଅଂଚଳରୁ ସୈନ୍ୟ ଘୁଞ୍ଚିବାକୁ ସହମତି ପ୍ରକାଶ କରିଛି ଚୀନ୍ ।
ଜୁନ୍ ୧୫ରେ ଗଲୱାନ୍ ଘାଟିରେ ଚୀନ ପକ୍ଷରୁ ହୋଇଥିବା ଆକ୍ରମଣ ପୂର୍ବନିର୍ଦ୍ଧାରିତ ହୋଇଥିବା ବେଳେ ଚୀନ ସେନା ଅଯଥାରେ ହିଂସା ପ୍ରଦର୍ଶନ କରି ଏପରି କାଣ୍ଡ ରଚିଛି ବୋଲି ଅଭିଯୋଗ ଆଣିଥିଲା ଭାରତ ।
ଭାରତୀୟ ସେନା କହିଛି ଯେ, ଭାରତ-ଚୀନ୍ ମଧ୍ୟରେ ମେଜର ଜେନେରାଲ ସ୍ତରୀୟ ଆଲୋଚନା ଏକ ଆନ୍ତରିକ, ସକରାତ୍ମକ ଏବଂ ଗଠନମୂଳକ ପରିବେଶରେ ହୋଇଛି । ଉଭୟ ପକ୍ଷ ପାରସ୍ପରିକ ସମ୍ମତି ଦେଇ ଉତେଜନା ଓ କଳହରୁ ଓହରି ଯିବାକୁ ରାଜି ହୋଇଛନ୍ତି ।
