ବାସ୍ତବ ବ୍ୟୁରୋ-ମଙ୍ଗଳବାର ଲେବାନାନର ରାଜଧାନୀ ବେରୁଟରେ ହୋଇଥିବା ବିସ୍ଫୋରଣରେ ୭୮ ଜଣଙ୍କର ମୃତ୍ୟୁ ହୋଇଛି । ଏହି ଘଟଣାରେ ପ୍ରାୟ ଚାରି ହଜାର ଲୋକ ମଧ୍ୟ ଆହତ ହୋଇଛନ୍ତି। ସୂଚନାନୁଯାୟୀ ସହରର ଅନେକ ଅଟ୍ଟାଳିକା ନଷ୍ଟ ହୋଇଯାଇଛି। ଲେବାନନ୍ ରାଷ୍ଟ୍ରପତି ଦୁଇ ସପ୍ତାହ ପାଇଁ ବେରୁଟରେ ଜରୁରୀକାଳୀନ ପରିସ୍ଥିତି ଲାଗୁ କରିଛନ୍ତି ।
ନ୍ୟୁଜ୍ ଏଜେନ୍ସି AFP ଅନୁଯାୟୀ, ଲେବାନନ୍ ପ୍ରଧାନମନ୍ତ୍ରୀ ହାସନ ଡିଆବ୍ କହିଛନ୍ତି ଯେ ,ସହରର ବନ୍ଦର ଅଞ୍ଚଳରେ ଏହି ବିସ୍ଫୋରଣ ଘଟିଛି । ବନ୍ଦରରେ ୨୭୫୦ ଟନ୍ ଆମୋନିଅମ୍ ନାଇଟ୍ରେଟ୍ ବିସ୍ଫୋରଣ ହୋଇଛି ।
🇱🇧 This was the biggest explosion in Lebanese history. (And Lebanon has witnessed hundreds of huge explosions!)
— Karim Emile Bitar (@karimbitar) August 4, 2020
@LamiaMoubayed and I miraculously emerged unscathed as we were going down the stairs to reach the underground parking lot at USJ on rue Huvelin, pretty close🙏 pic.twitter.com/el9QW3SJWg
ସୋସିଆଲ ମିଡିଆରେ ଲୋକମାନେ ସେୟାର କରିଥିବା ଫୁଟେଜରେ ବନ୍ଦରରୁ ଧୂଆଁ ବାହାରୁଥିବା ଦେଖିବାକୁ ମିଳିଥିଲା, ଯାହା ପରେ ଏକ ବଡ଼ ବିସ୍ଫୋରଣ ଘଟିଥିଲା ।
ନ୍ୟୁଜ୍ ଏଜେନ୍ସି AFP ଅନୁଯାୟୀ ଲେବାନନ୍ ସ୍ୱାସ୍ଥ୍ୟ ମନ୍ତ୍ରଣାଳୟ ତରଫରୁ ଏହା ସୂଚନା ଦିଆଯାଇଛି ଯେ, ୭୩ ଜଣଙ୍କ ମୃତ୍ୟୁ ହୋଇଥିବା ବେଳେ ୩୭୦୦ ରୁ ଅଧିକ ଆହତ ହୋଇଛନ୍ତି । ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ଯେ, ଆହତଙ୍କ ସଂଖ୍ୟା ଅଧିକ ହୋଇପାରେ । ଜାତିସଂଘ ମୁଖପାତ୍ର ଫରହାନ ହକ୍ କହିଛନ୍ତି ଯେ, ବିସ୍ଫୋରଣର କାରଣ ସ୍ପଷ୍ଟ ହୋଇନାହିଁ। ଜାତିସଂଘର କୌଣସି ବି କର୍ମଚାରୀଙ୍କ ଆଘାତ ସମ୍ପର୍କରେ ଏପର୍ଯ୍ୟନ୍ତ ସୂଚନା ମିଳିନାହିଁ ।
ବିସ୍ଫୋରଣର ପ୍ରଭାବ ଏତେ ଶକ୍ତିଶାଳୀ ଥିଲା କି, ପୁରା ସହରରେ ଥିବା ଗ୍ଲାସ୍ ଭାଙ୍ଗି ଯାଇଥିଲା ଏବଂ ଲୋକମାନଙ୍କୁ ରାସ୍ତା ଉପରେ ଭୟରେ ବୁଲୁଥିବା ଦେଖିବାକୁ ମିଳିଥିଲା । ଖବର ଅନୁଯାୟୀ, ଏହି ବିସ୍ଫୋରଣ ଲେବାନନର ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ମଧ୍ୟ କ୍ଷତି ଗ୍ରସ୍ତ ହୋଇଛି । ଅନେକ ଆହତ ହୋଇ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଶାନ୍ତି ମିଶନର ମୁଖ୍ୟ ତଥା ଫୋର୍ସ କମାଣ୍ଡର ମେଜର ଜେନେରାଲ ଡେଲ କଲ୍ କହିଛନ୍ତି ଯେ ଏହି କଷ୍ଟ ସମୟରେ ଆମେ ଲେବାନନର ଲୋକ ଏବଂ ସରକାରଙ୍କ ସହ ଅଛୁ। ଆମେ ପ୍ରତ୍ୟେକ କ୍ଷେତ୍ରରେ ସାହାଯ୍ୟ କରିବାକୁ ପ୍ରସ୍ତୁତ । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଫ୍ରାନ୍ସର ରାଷ୍ଟ୍ରପତି ଇମାନୁଏଲ ମାକ୍ରୋ ଟୁଇଟ୍ କରି ଲିବାନୋନ୍ ସାହାଯ୍ୟ କରିବାକୁ ପ୍ରସ୍ତାବ ଦେଇଥିଲେ ।
