ବାସ୍ତବବ୍ୟୁରୋ : ଯୁକ୍ତ୨ ରେ ଖାଲି ଥିବା ୧ଲକ୍ଷ ୨୫ ହଜାର ୪୦୭ ସିଟ୍ ପୂରଣ ଲାଗି, ଆଉଥରେ ଯୁକ୍ତ୨ କଲେଜ ର କଳା, ବିଜ୍ଞାନ, ବାଣିଜ୍ୟ, ସଂସ୍କୃତ ଓ ଧନ୍ଦାମୂଳକ ପାଠ୍ୟକ୍ରମରେ ନାମଲେଖା ପ୍ରକ୍ରିୟା ଅନୁଷ୍ଠିତ ହେବ| ନଭେମ୍ବର ୫ରୁ ୧୯ ତାରିଖ ପର୍ଯ୍ୟନ୍ତ ଯୋଗ୍ୟ ଛାତ୍ରଛାତ୍ରୀ www.samsodisha.gov.in ମାଧ୍ୟମରେ ଆବେଦନ କରିପାରିବେ।
୨୩ ତାରିଖ ଅପରାହ୍ଣ ୨ଟାରେ ମେରିଟ୍ ଲିଷ୍ଟ ତଥା ମେଧା ତାଲିକା ପ୍ରକାଶ ପାଇବ ଏବଂ ୨୪ରୁ ୨୭ ତାରିଖ ମଧ୍ୟରେ ନାମଲେଖା ଅନୁଷ୍ଠିତ ହେବ। କେତେ ଛାତ୍ରଛାତ୍ରୀ ନାମ ଲେଖାଇଲେ, ସେନେଇ ୨୮ ତାରିଖ ଅପରାହ୍ଣ ୫ଟାରେ ଉଚ୍ଚ ମାଧ୍ୟମିକ ବିଦ୍ୟାଳୟ ପକ୍ଷରୁ ଇ-ସ୍ପେସ୍ରେ ଉଲ୍ଲେଖ କରାଯିବ। ଡିସେମ୍ବର ୩ରେ ସ୍ପଟ୍ ଚୟନ ମେଧା ତାଲିକା ପ୍ରକାଶ ପାଇବା ସହ ୩ ଓ ୪ରେ ଛାତ୍ରଛାତ୍ରୀ ପଞ୍ଜୀକରଣ କରିପାରିବେ ଏବଂ ୫ ତାରିଖରେ ସ୍ପଟ୍ ନାମଲେଖା ଅନୁଷ୍ଠିତ ହେବ। ୭ ତାରିଖ ସନ୍ଧ୍ୟାରେ ନାମଲେଖା ସମ୍ପର୍କିତ ତଥ୍ୟ ଯୁକ୍ତ୨ କଲେଜର ଇ-ସ୍ପେସ୍ରେ ଉପଲବ୍ଧ ହେବ|ଏହା ଉଚ୍ଚ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ବିଜ୍ଞପ୍ତିରେ ପ୍ରକାଶ କରାଯାଇଅଛି।
