ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୩୧୦୮ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୩୬୧୪୫୦ରେ ପହଞ୍ଚିଛି । ଏଥି ମଧ୍ୟରୁ ୧୬୮୮୯ଟି ଆକ୍ଟିଭ୍ କେସ୍ ରହିଥିବା ବେଳେ ୩୪୨୫୭୦ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ଆଉ ୩ ଜଣ କରୋନା ଆକ୍ରାନ୍ତ ପ୍ରାଣ ହରାଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ୍ କରୋନାଜନିତ ମୃତ୍ୟୁ ସଂଖ୍ୟା ୧୯୩୮କୁ ବୃଦ୍ଧି ପାଇଛି ।
ଓଡିଶା ଫେରିଲା ଗ୍ୟାଙ୍ଗଷ୍ଟର ହାଇଦର୍ । ଗତକାଲି ତେଲେଙ୍ଗାନ ସଙ୍ଗାରେଡ୍ଡିରୁ ଗିରଫ ପରେ ଆଜି ଓଡ଼ିଶାରେ ଆସି ପହଞ୍ଚିଛି । ତେଲେଙ୍ଗାନାରୁ ସ୍ୱତନ୍ତ୍ର ବିମାନ ଯୋଗେ ତାକୁ ଓଡ଼ିଶା ଅଣାଯାଇଛି । ବିମାନ ବନ୍ଦରରୁ ତାକୁ ସିଧାସଳଖ କଟକ ଅଭମୁଖେ ନିଆଯିଇଥିଲା ।
୧୭ ତାରିଖରୁ ରାଜ୍ୟର ୧୦ଟି ଛତିଶଗଡ ସମୀନ୍ତ ଜିଲ୍ଲାରେ ସନ୍ଧ୍ୟା ୬ରୁ ସକାଳ ୫ ଯାଏଁ ନାଇଟ୍ କର୍ଫ୍ୟୁ ଲାଗୁ ହେବ । ସେହିପରି ଅନ୍ୟ ସବୁ ଜିଲ୍ଲାର ସହରାଞ୍ଚଳରେ ରାତି ୯ରୁ ସକାଳ ୫ ଯାଏଁ ରାତ୍ରିକାଳିନ କର୍ଫ୍ୟୁ ରହିବ । ଏହି ସମୟରେ ସାଧାରଣ ଜନତାଙ୍କ ଗତିବିଧିକୁ ବନ୍ଦ କରାଯାଇଛି । ନାଇଟ୍ କର୍ଫ୍ୟୁବେଳେ ସମସ୍ତ ଜରୁରୀକାଳୀନ ସେବା ଓ ମାଲ୍ ପରିବହନ ଜାରି ରହିବ । ଜଳଯୋଗାଣ, ସ୍ୱାସ୍ଥ୍ୟସେବା, ବିଦ୍ୟୁତ୍ ସେବା, ଏଲ୍ପିଜି ଗ୍ୟାସ ବିତରଣ, ଟେଲିକମ, ଫୁଡ୍ ଡେଲିଭରି ସଂସ୍ଥା, ଆଇଟି କମ୍ପାନି, ନିର୍ମାଣ କାର୍ଯ୍ୟ, ଶିଳ୍ପାନୁଷ୍ଠାନ ସହ ଜଡ଼ିତ କର୍ମଚାରୀମାନେ ପରିଚୟପତ୍ର ଦେଖାଇ ଯାତାୟତ କରିପାରିବେ। ରେଳ ଷ୍ଟେସନ, ବିମାନବନ୍ଦର ଓ ବସଷ୍ଟାଣ୍ଡକୁ ଯାତ୍ରୀ ନେବା ଆଣିବା ପାଇଁ ଗାଡ଼ି ଯାଇପାରିବ । ଛାପା ଓ ବୈଦ୍ୟୁତିକ ଗଣମାଧ୍ୟମ କର୍ମଚାରୀମାନେ ନାଇଟ୍ କର୍ଫ୍ୟୁବେଳେ ଯାତାୟତ କରିପାରିବେ ।
ଏଏସଆଇ ଦ୍ୱାରା ପରିଚାଳିତ କୀର୍ତ୍ତିରାଜି, ସାଇଟ ଓ ମ୍ୟୁଜିଅମ ଆଜିଠୁ ମେ 15 ଯାଏଁ ବନ୍ଦ ରହିବ । କରୋନା ସଂକ୍ରମଣକୁ ଦୃଷ୍ଟିରୁ ରଖି କେନ୍ଦ୍ର ସରକାରଙ୍କ ପ୍ରତ୍ନୋତତ୍ୱ ବିଭାଗ ଏଏସଆଇ ଦ୍ୱାରା କୀର୍ତ୍ତିରାଜି ବନ୍ଦ ପାଇଁ ନିଷ୍ପତି ନିଆଯାଇଛି ।
ଆଜିଠୁ ହାଇଦ୍ରାବାଦ ଓ ହାୱଡ଼ା ମଧ୍ୟରେ ସ୍ୱତନ୍ତ୍ର ଟ୍ରେନ୍ ଚଳାଚଳ ଆରମ୍ଭ କରିବ । ରେଳ ମନ୍ତ୍ରଣାଳୟ ପକ୍ଷରୁ ଏହି ନିଷ୍ପତ୍ତି ନିଆଯାଇଛି । ହାଇଦ୍ରାବାଦ-ହାୱଡ଼ା ବିଶେଷ ଟ୍ରେନ ହାଇଦ୍ରାବାଦରୁ ୧୬ରୁ ୩୦ ତାରିଖ ମଧ୍ୟରେ ପ୍ରତିଦିନ ସକାଳ ୮ଟାରେ ହାଇଦ୍ରାବାରୁ ଛାଡ଼ିବ ।
ଆଜି ସକାଳ ପ୍ରାୟ ୪:୩୦ ସମୟରେ ଦିଲ୍ଲୀରେ ପୂର୍ବତନ ସିବିଆଇ ନିର୍ଦ୍ଦେଶକ ରଞ୍ଜିତ ସିହ୍ନାଙ୍କ ୬୮ବର୍ଷରେ ଦେହାନ୍ତ ହୋଇଛି । କରୋନା ଭାଇରସ ସମ୍ବନ୍ଧୀୟ ଜଟିଳତା ଯୋଗୁଁ ରଞ୍ଜିତ ସିହ୍ନାଙ୍କର ମୃତ୍ୟୁ ହୋଇଛି ।
ଭାରତୀୟ ରେଳବାଇ ୭୦ ପ୍ରତିଶତ ଟ୍ରେନକୁ ଚଳାଚଳ କରିବା ପାଇଁ ନିଷ୍ପତ୍ତି ନେଇଛି । ରେଳବାଇ ଆଗାମୀ ୨ ସପ୍ତାହ ମଧ୍ୟରେ ଆହୁରି ୧୩୩ଟି ଟ୍ରେନ ଚଳାଚଳ କରିବାକୁ ଯୋଜନା ପ୍ରସ୍ତୁତ କରାଯାଉଛି । ଏଥିରେ ୮୮ଟି ଗ୍ରୀଷ୍ମ ସ୍ୱତନ୍ତ୍ର ହୋଇଥିବା ବେଳେ ୪୫ଟି ପର୍ବ ପାଇଁ ।
ଚଳିତ ବର୍ଷର ଦକ୍ଷିଣ-ପଶ୍ଚିମ ମୌସୁମି ବର୍ଷା ସ୍ୱଭାବିକ ରହିବ : ଭାରତୀୟ ପାଣିପାଗ ବିଭାଗ । ଜୁନରୁ ସେପ୍ଟେମ୍ବର ମାସ ମଧ୍ୟରେ ୯୮ ପ୍ରତିଶତ ବର୍ଷା ହେବା ନେଇ ଭାରତୀୟ ପାଣିପାଗ ବିଭାଗ ଆକଳନ କରିଛନ୍ତି ।
