ବାସ୍ତବ ବ୍ୟୁରୋ: ଓସ୍କାର ୨୦୨୩ ପାଇଁ ଚୂଡ଼ାନ୍ତ ମନୋନୟନ ଘୋଷଣା କରାଯାଇଛି । ୩ଟି ଭାରତୀୟ ଚଳଚ୍ଚିତ୍ର ଓ ଡକ୍ୟୁମେଣ୍ଟାରିକୁ ମନୋନୟନ ମିଳିଛି ।
ମନୋନୟନ ପାଇଥିବା ଭାରତୀୟ ଚଳଚ୍ଚିତ୍ର ହେଲେ ଏସଏସ ରାଜମୌଲୀଙ୍କ ଚଳଚ୍ଚିତ୍ର ଆରଆରଆର୍, ଡକ୍ୟୁମେଣ୍ଟାରି ଚଳଚ୍ଚିତ୍ର ଅଲ ଦାଟ୍ ବ୍ରେଦସ ଓ କ୍ଷୁଦ୍ର ଡକ୍ୟୁମେଣ୍ଟାରୀ ଚଳଚ୍ଚିତ୍ର ଦି ଏଲିଫାଣ୍ଟ ହ୍ବିସ୍ପର୍ସ ।
ଭାରତୀୟ ଚଳଚ୍ଚିତ୍ର RRR ର ନାଟୁ-ନାଟୁ ଗୀତକୁ ବେଷ୍ଟ ଅରିଜିନାଲ ଗୀତ ବର୍ଗରେ ମନୋନୀତ କରାଯାଇଛି । ନିକଟରେ ନାଟୁ-ନାଟୁ ଗୀତ ଗୋଲଡେନ୍ ଗ୍ଲୋବ ପୁରସ୍କାରରେ ଶ୍ରେଷ୍ଠ ଗୀତ ବର୍ଗ ପୁରସ୍କାର ଲାଭ କରିଥିଲା । RRR ଶ୍ରେଷ୍ଠ ବିଦେଶୀ ଭାଷା ଚଳଚ୍ଚିତ୍ର ଏବଂ ନାଟୁ-ନାଟୁ କ୍ରିଟିକ୍ସଙ୍କ ପସନ୍ଦ ପୁରସ୍କାରରେ ସମ୍ମାନିତ ହୋଇଥିଲା ।
ଅନ୍ୟପକ୍ଷରେ ସୌନକ୍ ସେନଙ୍କ ଡକ୍ୟୁମେଣ୍ଟାରୀ ଅଲ ଦାଟ୍ ବ୍ରେଦସ୍ ଆହତ ପକ୍ଷୀଙ୍କ ଚିକିତ୍ସା କରୁଥିବା ଦୁଇ ବ୍ୟକ୍ତିଙ୍କ ଉପରେ ପର୍ଯ୍ୟବେଶିତ ।
ସେହିପରି କାର୍ତ୍ତିକୀ ଗୋନଜଲଭିସଙ୍କ ନିର୍ଦ୍ଦେଶିତ ଦି ଏଲିଫାଣ୍ଟ ହ୍ବିସ୍ପର୍ସ ହେଉଛି ଗୋଟିଏ ଅନାଥ ହାତୀ ଓ ତାହାର ପାଳକଙ୍କ କାହାଣୀ ଉପରେ ପର୍ଯ୍ୟବେଶିତ ।
ନିର୍ମାତାମାନେ ଟ୍ୱିର୍ଟର ହ୍ୟାଣ୍ଡେଲରେ ଖୁସି ବ୍ୟକ୍ତ କରିଛନ୍ତି। ତାଙ୍କ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଏହି ପୋଷ୍ଟକୁ ସେୟାର କରି RRR ଲେଖିଛନ୍ତି- ‘ଆମେ ଇତିହାସ ସୃଷ୍ଟି କରିଛୁ। ଆମେ ଗର୍ବିତ ଯେ ୯୫ତମ ଏକାଡେମୀ ପୁରସ୍କାର ପାଇଁ ନାଟୁ-ନାଟୁ ବେଷ୍ଟ ଅରିଜିନାଲ ଗୀତ ବର୍ଗରେ ମନୋନୀତ ।
RRR କେବଳ ବକ୍ସ ଅଫିସରେ ଏକ ସୁପର ହିଟ୍ ନୁହେଁ, ଫିଲ୍ମଟି ସମାଲୋଚକମାନଙ୍କ ଦ୍ୱାରା ମଧ୍ୟ ପ୍ରଶଂସିତ ହୋଇଥିଲା । ଏହି ଚଳଚ୍ଚିତ୍ରଟି ବିଶ୍ଵବ୍ୟାପୀ ବ୍ୟାପୀ ୧୨୦୦ କୋଟି ସଂଗ୍ରହ କରିଥିଲା । ଏଥି ସହିତ, ଏହା ବିଦେଶରେ ମଧ୍ୟ ବହୁ ଲୋକପ୍ରିୟତା ହାସଲ କରିଛି । ଏହି ଚଳଚ୍ଚିତ୍ରଟି ଆମେରିକା ଏବଂ ଜାପାନରେ ଅଧିକ ପସନ୍ଦ କରାଯାଇଥିଲା ।
