କାକଟପୁର(ମାନସ ସାମଲ)୨୭/୦୭:କାକଟପୁର ବ୍ଲକ ମିଶନ ଶକ୍ତି ବିଭାଗରେ ନିଯୁକ୍ତି ପାଇଥିବା ବି ପି ଏମଙ୍କ ସ୍ୱେଛାଚାରିତା କାର୍ଯ୍ୟରେ ଅତିଷ୍ଠ ହୋଇ ବ୍ଲକର କେତେକ ସ୍ୱୟଂ ସହାୟିକା ଗୋଷ୍ଠି, ଆଞ୍ଚଳିକ ମଞ୍ଚ ଓ ମହାସଂଘର କର୍ମକର୍ତ୍ତାମାନେ ମଣ୍ଡଳ ଉନ୍ନୟନ ଅଧିକାରୀଙ୍କ ନିକଟରେ ଲିଖିତ ଅଭିଯୋଗ କରିବା ସହିତ ତାହାର ଏକକିତା ନକଲ ଜିଲ୍ଲାପାଳ ପୁରୀ, ମହିଳା ଶିଶୁ ବିକାଶ ତଥା ଉପମୁଖ୍ୟ ମନ୍ତ୍ରୀ ପ୍ରଭାତୀ ପରିଡା ଓ ଡାଇରେକ୍ଟର ଅଫ ମହିଳା ଶିଶୁ ବିକାଶ ବିଭାଗଙ୍କ ଅବଗତି ନିମନ୍ତେ ପ୍ରେରଣ କରିଛନ୍ତି।
ପ୍ରାପ୍ତ ସୂଚନାର ଅଭିଯୋଗ ଅନୁଯାୟୀ କୁଣ୍ଢେଇ ଗ୍ରାମପଞ୍ଚାୟତ ମହାସଂଘର ପୁର୍ନଗଠନ ନ ହୋଇ, ସାଧାରଣ ବୈଠକ ନ ଡକାଇ ବି ଏଲ୍ ସି ମ୍ୟାଡମ କାହା ପ୍ରରୋଚନାରେ ନୂତନ ଯୁଗ୍ମ ସମ୍ପାଦିକା ନିଯୁକ୍ତି କରିଛନ୍ତି।ଯଦି ଏହାର ପ୍ରତିବାଦ କରାଯାଉଛି ତେବେ ତାଙ୍କୁ ଇ ସି ସଭ୍ୟାରୁ ବାଦ ଦିଆଯାଉଛି। ସି ଆର ପି ଓ ଏମ ବି କେ ନିଯୁକ୍ତିରେ ବ୍ୟାପକ ଅନିୟମିତତା କରି ସରକାରୀ ଗାଇଡ୍ ଲାଇନକୁ ଅଣଦେଖା କରି ଉତ୍କୋଚ ନେଇ ନିଯୁକ୍ତି ଦେବା, ମା ମଂଗଳା ଆଞ୍ଚଳିକ ମଞ୍ଚର ଗୋଷ୍ଠୀ ଗୁଡିକର ସୁଧ ପ ଇସା ଫେରସ୍ତ କରାଇ ନଦେବା, କେତେକ ପଂଚାୟତର ଇ ସି ସଭ୍ୟାମାନେ ଯଦି ସି ଆର ପି ଓ ଏମ ବି କେ ଭାବରେ ନିଯୁକ୍ତି ପାଇପାରୁଛନ୍ତି, ତେବେ ଅନ୍ୟ ମାନଙ୍କ ପ୍ରତି ସେଭଳି ନିୟମକୁ ଲାଗୁ ନ କରିବା ପଛର ରହସ୍ୟ କଣ ହୋଇପାରେ ବୋଲି ସେମାନେ ପ୍ରଶ୍ନ କରିଛନ୍ତି।
ତୁରନ୍ତ କାକଟପୁର ବ୍ଲକ ମିଶନ ଶକ୍ତି ବିଭାଗରୁ ଏ ଭଳି ଅସାଧୁ କର୍ମଚାରୀଙ୍କୁ ଅପସାରଣ କରି ଆମ ମାନଙ୍କୁ ଯଦି ନ୍ୟାୟ ପ୍ରଦାନ କରା ନ ଯାଏ ତେବେ କୁଣ୍ଢେଇ ଗ୍ରାମପଞ୍ଚାୟତର ସ୍ୱୟଂ ସହାୟୀକା ଗୋଷ୍ଠିର ସଭ୍ୟା ଓ ଆଞ୍ଚଳିକ ମଞ୍ଚର ସଭ୍ୟାମାନେ ଅନିର୍ଦ୍ଧିଷ୍ଟ କାଳ ପାଇଁ ବିଡିଓଙ୍କ ଦପ୍ତର ଆଗରେ ଧାରଣାରେ ବସିବେ ବୋଲି ସୂଚାଇଛନ୍ତି।
