ସୋନପୁର(ଯୁଧିଷ୍ଠିର ସାହୁ): ସୁବର୍ଣ୍ଣପୁର ଜିଲ୍ଲା ବସ୍ ସଂଘ ପ୍ରାକ୍ତନ ସଭାପତି,ବୌଦ୍ଧ ସୋନପୁର ଓ ବଲାଙ୍ଗୀର ଜୋନ୍ ର ବର୍ତ୍ତମାନ ର ସଂମ୍ପାଦକ, ଜିଲ୍ଲା କ୍ରୀଡା ସଂଘ ଉପଦେଷ୍ଟା , ଜିଲ୍ଲା ଭଲିବଲ ଖେଳ ର ଉଦ୍ୟୋକ୍ତା, ତଥା ମୋନାଲିସା ବସ୍ ଓନୋର ଶ୍ରୀ ପୁରୁଷୋତ୍ତମ ପାଣିଗ୍ରାହୀ (ବୁଢ଼ା ଦାଦା) ଙ୍କ ୭୦ ବର୍ଷ ବୟସ ରେ ପରଲୋକ ଘଟିଛି l
ଗତ ୨୦ ତାରିଖ ରୁ ସମ୍ବଲପୁର ବିକାଶ ମେଡିକାଲ୍ ରେ ଗୁରୁତର ଅବସ୍ଥାରେ ସେ ଚିକିତ୍ସା ହେଉଥିଲେ ।ସେ”ବୁଢ଼ା ଦାଦା” ନାଁ ରେ ପରିଚିତ ଥିଲେ।ହେଲେ ଜୀଵନ ର ଶେଷଯାଏ ସେ କ୍ରୀଡା, ବ୍ୟବସାୟ, ଓ ସାମଜିକ ସମ୍ପର୍କ ରେ ଯୁବ ପିଢୀ ଙ୍କ ସହ ସମୟ ବିତାଉଥିଲେ। କ୍ରୀଡା ସହ ଜଡ଼ିତ ରହି ସେ ଫିଟ୍ ଥିଲେ ଓ ସବୁବେଳେ ସ୍ପୋର୍ଟି ଡ୍ରେସ୍ ପିନ୍ଧି ଯୁବ ପିଢୀ ଙ୍କୁ ଫିଟ୍ ରହିବାକୁ ପ୍ରେରଣା ଯୋଗାଉଥିଲେ ।
ସୋନପୁର ର ଭଲିବଲ୍ ଖେଳ କୁ ବଞ୍ଚାଇ ରଖି ସହର ର ପ୍ରତ୍ୟେକ ଖେଳକୁଦ ରେ ନିଜେ ଖେଳିବା ସହ ଲୋକ ଙ୍କ ସହିତ ସବୁବେଳେ ଚଳ ଚଞ୍ଚଳ ଥିଲେ l, ଜିଲ୍ଲା ବସ ସଂଘ ର ସେ ଦୀର୍ଘ ବର୍ଷ ନେତୃତ୍ୱ ନେଇଥିଲେ, ଜିଲ୍ଲା କ୍ରୀଡା ସଂଘ ର ପରାମର୍ଶ ଦାତା ଥିଲେ, ଖେଳ ପଡ଼ିଆ ରେ ବସଷ୍ଟାଣ୍ଡ୍ ରେ ଜୀଵନ ସାରା ସମୟ ବିତାଇ ଥିଲେ l ଶ୍ରୀ ଗୁଣ୍ଡିଚା ଦୁର୍ଗା ପୂଜା କମିଟି ଓ ଶ୍ରୀମଦ୍ ଭାଗବତ ପାଠାଗାର ତେନ୍ତୁଳି ଘାଟ କମିଟି ରେ ସକ୍ରିୟ ସଦସ୍ୟ ଭାବେ ତାଙ୍କ ଉଲ୍ଲେଖନୀୟ ଅବଦାନ ଥିଲା ।
ଆଜି ସୁବର୍ଣ୍ଣପୁର ଶ୍ରୀ ରାମେଶ୍ୱର ଶ୍ମଶାନ ଘାଟରେ ଶ୍ରୀ ପାଣିଗ୍ରାହୀ ଙ୍କ ଅନ୍ତିମ ସଂସ୍କାର କରାଯାଇଥିବା ବେଳେ ବିଭିନ୍ନ ଜିଲ୍ଲା ର ବସ୍ ସଂଘ କର୍ମକର୍ତା, ଜିଲ୍ଲା କ୍ରୀଡା ସଂଘ, ଭଲିବଲ୍ ସଂଘ, ଫୁଟବଲ୍ ଓ କ୍ରିକେଟ୍ ସଂଘ, ଓକିଲ ସଂଘ, ବରିଷ୍ଠ ନାଗରିକ ସଂଘ, ଶ୍ରୀ ଗୁଣ୍ଡିଚା ଦୁର୍ଗା ପୂଜା କମିଟି, କୈବର୍ତ୍ତ ସଂଘ , ଶ୍ରୀମଦ୍ ଭଗବତ ପାଠାଗାର ତେନ୍ତୁଳି ଘାଟ, ଶ୍ରମିକ ସଂଗଠନ ସମେତ ବିଭିନ୍ନ ସଂଗଠନ ର କର୍ମକର୍ତ୍ତା ଓ ସହର ର ବହୁ ବିଶିଷ୍ଟ ବ୍ୟକ୍ତି ଅନ୍ତିମ ସଂସ୍କାର ରେ ଯୋଗ ଦେଇ ଶ୍ରୀ ପାଣିଗ୍ରାହୀ ଙ୍କୁ ଅନ୍ତିମ ଦର୍ଶନ କରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।ସାନ ଭାଈ ସନତ ପାଣିଗ୍ରାହୀ ବୁଢ଼ା ଦାଦା ଙ୍କ ସଂସ୍କାର କାର୍ଯ୍ଯ ରେ ମୁଖାଗ୍ନି ଦେଇଥିଲେ।
