ଭୁବନେଶ୍ବର(ବାସ୍ତବକଥା): ୧୦ ଦିନରେ ୪ ଥର ବଢିଲାଣି ତେଲ ଦର। ଆଗକୁ ହେବ ଆହୁରି ସାଙ୍ଘାତିକ୍ ସ୍ଥିତି। ୧୨୦ ଛୁଇଁବ ପେଟ୍ରୋଲ ଲିଟର ପିଛା ବଢିବ ୧୨ ଟଙ୍କା। ଆସନ୍ତା ୨୦ ଦିନ ଭିତରେ ପେଟ୍ରୋଲ ଓ ଡିଜେଲ ଦର ସମାନ ହେବ। ଲିଟର ପିଛା ୧୨୦ ଟଙ୍କାକୁ ବୃଦ୍ଧି ପାଇବ।ଆମେ କହୁନୁ,ଏକଥା କହିଛନ୍ତି ନିଖିଳ ପେଟ୍ରୋଲିୟ ଡିଲର ସଂଘ ସାଧାରଣ ସମ୍ପାଦକ ସଞ୍ଜୟ ଲାଠ।
ଆପଣ ଯାଣିଛନ୍ତି, ୧୦ ଦିନରେ ପେଟ୍ରୋଲ ଦର ୪ ଥର ବଢି ୧୦୯ ଟଙ୍କା ଛୁଇଁସାରିଛି। ସେହିପରି ଡିଜେଲ ଦର ୧୦୦ ଟଙ୍କା ଉପରକୁ ରହିଛି। ହେଲେ ଏହା କିଛି ନୁହେଁ, କାରଣ ଆଗକୁ ଆହୁରି ଦର ବଢିବ। ଯୁଦ୍ଧ ସ୍ଥିତି ଥିବା ପର୍ଯ୍ୟନ୍ତ ତେଲ ମହଙ୍ଗା ହେବ। ଆଉ ଏହାର ପ୍ରଭାବ ଅନ୍ୟ ସାମଗ୍ରୀ ଉପରେ ମଧ୍ୟ ପଢିବ। ଡିଜେଲ ଦର ବୃଦ୍ଧି ଦ୍ୱାରା ପରିବହନ ଦର ବଢିବ ଆଉ ଏହାର ସିଧା ପ୍ରଭାବ ପଡିବ ଖାଉଟିଙ୍କ ଉପରେ।
ଅନ୍ୟପଟେ ତେଲ ଦର ବାରମ୍ବାର ବୃଦ୍ଧି ପାଉଥିବାରୁ ଅସନ୍ତୋଷ ବ୍ୟକ୍ତ କରିଛନ୍ତି ଗ୍ରାହକ। କାରଣ ସବୁ ଅଞ୍ଚଳକୁ ପବ୍ଲିକ ଟ୍ରାନ୍ସପୋର୍ଟର ବ୍ୟବସ୍ଥା ନାହିଁ। ଗଳି କନ୍ଦିରୁ ମୁଖ୍ୟ ରାସ୍ତାକୁ ଯିବାକୁ ବିକଳ୍ପ ନାହିଁ। ତେଣୁ ବାଧ୍ୟ ହୋଇ ନିଜ ଗାଡି ବ୍ୟବହାର କରିବାକୁ ପଡୁଛି।ସରକାରଙ୍କ ଯଦି ସଠିକ୍ ନିଷ୍ପତ୍ତି ନିଅନ୍ତି ଗ୍ରାହକ ଆଶ୍ବସ୍ତ ହେବେବୋଲି ବୁଦ୍ଧିଜୀବୀ ମତବ୍ୟକ୍ତ କରନ୍ତି।
