କଟକ(ସଂଜୟ ଶତପଥୀ): କଟକ କମିଶନରେଟ୍ ପୋଲିସ୍ ଅଧୂନରେ ଥିବା କଟକ ଚାଉଳିଆଗଞ୍ଜ ଥାନା ଭାରପ୍ରାପ୍ତ ଆରକ୍ଷୀ ନିରୀକ୍ଷୀକା ଶ୍ରୀମତୀ ବିୟୁଟି ମହାନ୍ତିଙ୍କ ଆତ୍ମହତ୍ୟା ଘଟଣାକୁ କଟକ ସହରବାସୀ ଏତେ ସହଜରେ ଗ୍ରହଣ କରିପାରୁନାହାଁନ୍ତି। ସମସ୍ତ ଙ୍କ ମନରେ ଗୋଟିଏ ପ୍ରଶ୍ନ ଉଙ୍କି ମାରୁଛି ଯେ, ଯେଉଁ ସହର ରେ ପୋଲିସ୍ ସୁରକ୍ଷିତ ନୁହେଁ ତେବେ ଜନସାଧାରଣ କେମିତି ସୁରକ୍ଷିତ ରହିବେ।
ଏହି ବିଷୟରେ ଗଣମାଧ୍ୟମ ସମ୍ମୁଖରେ କଟକ କମିଶନରେଟ୍ ପୋଲିସ୍ ଡି.ସି.ପି ଶ୍ରୀ ଋଷିକେଶ ଖୂଲାରୀ ପ୍ରତିକ୍ରିୟା ରଖି କହିଛନ୍ତି ଯେ,ଶବ ବ୍ୟବଛେଦ ରିପୋର୍ଟ ଆସିଛି ଓ ଶ୍ବାସରୁଦ୍ଧ ହୋଇ ତାଙ୍କର ମୃତ୍ୟୁ ହୋଇଛି ବୋଲି ରିପୋର୍ଟରେ ସ୍ପଷ୍ଟ ହୋଇଯାଇଛି।ଏଥିରେ କୌଣସି ଫାଉଲ୍ ପ୍ଲେ ନଥିବା ଜଣାପଡିଛି । ତଥାପି ବିଶେଷଜ୍ଞଙ୍କ ମତ ନିଆଯିବ। ଭିସେରା ରିପୋର୍ଟ କୁ ଅପେକ୍ଷା କରାଯାଇଛି । ଶରୀରର ଅନ୍ୟ କୌଣସି ଆଘାତ ନାହିଁ। ମୃତ ନିରୀକ୍ଷିକାଙ୍କ ମୋବାଇଲ ଫୋନ୍ ଲକ୍ ଥିଲା। ଫରେନସିକ ବିଶେଷଜ୍ଞ ଏହାକୁ ଖୋଲି ସମସ୍ତ ତଥ୍ୟ ଦେବେ। ଦୁଇ ତିନି ଦିନ ମଧ୍ୟରେ ତଥ୍ୟ ହସ୍ତଗତ ହେବ। ଏପର୍ଯ୍ୟନ୍ତ କାହାକୁ ଅଟକ ରଖାଯାଇନାହିଁ, ତଥାପି ତଦନ୍ତ ଚାଲିଛି।
