କଟକ(ସଞ୍ଜୟ ଶତପଥୀ): ଓଡ଼ିଶା ହେଉଛି ଶକ୍ତି ଆରାଧନାର ଏକ ପବିତ୍ର ଭୂମି। ଏଠାରେ ଗାଁ ଗାଁରେ, ପୀଠ ପୀଠରେ ମା’ ଶକ୍ତିରୂପିଣୀ ଭାବେ ବିରାଜମାନ। ଏହି ସଂସ୍କୃତି ଓ ବିଶ୍ୱାସର ଏକ ଜୀବନ୍ତ ତଥା ଅନନ୍ୟ ଉଦାହରଣ ଦେଖିବାକୁ ମିଳେ ଯାଜପୁର ଜିଲ୍ଲା ଅନ୍ତର୍ଗତ ଜୟପୁର ଗ୍ରାମରେ, ଯେଉଁଠାରେ ପୂଜା ପାଉଛନ୍ତି ଜଗଜ୍ଜନନୀ ମା’ ମଙ୍ଗଳା। ଏହି ପୀଠ କେବଳ ଧାର୍ମିକ ଆସ୍ଥାର କେନ୍ଦ୍ର ନୁହେଁ, ବରଂ ନିସ୍ୱାର୍ଥପର ସେବା ଓ ଚିକିତ୍ସାର ଏକ ଶ୍ରଦ୍ଧାସ୍ପଦ ଆଶ୍ରୟସ୍ଥଳୀ।
ଆଧ୍ୟାତ୍ମିକତା ଓ ଆୟୁର୍ବେଦର ଅପୂର୍ବ ସମନ୍ୱୟ
ଜୟପୁର ଗ୍ରାମର ଏହି ଶକ୍ତିପୀଠରେ ମା’ ମଙ୍ଗଳାଙ୍କ ନିତ୍ୟ ପୂଜା-ଆରାଧନା କରନ୍ତି ସାଧକ ଶ୍ରୀ ଅକ୍ଷୟ କୁମାର ଗୁରୁ। ମା’ଙ୍କ ପ୍ରତି ଅପାର ଭକ୍ତି ଓ ସେବା ମନୋଭାବକୁ ପାଥେୟ କରି ସେ ଦୀର୍ଘ ଦିନରୁ ଆୟୁର୍ବେଦ ଚିକିତ୍ସା ମାଧ୍ୟମରେ ଲୋକଙ୍କ ସେବା କରିଆସୁଛନ୍ତି। ଆୟୁର୍ବେଦ, ଯାହା ଭାରତର ପ୍ରାଚୀନ ରୋଗ ନିବାରକ ବିଜ୍ଞାନ, ତାହା ଶ୍ରୀ ଗୁରୁଙ୍କ ହାତରେ ଆଧ୍ୟାତ୍ମିକ ବିଶ୍ୱାସ ସହ ମିଶି ଏକ ପ୍ରତ୍ୟକ୍ଷ ଆଶୀର୍ବାଦରେ ପରିଣତ ହୋଇଛି। ନିଜେ ଜଣେ ଆୟୁର୍ବେଦ ଚିକିତ୍ସକ ଓ ମା’ମଙ୍ଗଳାଙ୍କ ଏକନିଷ୍ଠ
ସାଧକଙ୍କ ନିଷ୍ଠା ଜଣାପଡେ ତାଙ୍କ କଥା ରୁ ଯେ “ମୁଁ କିଛି କରୁନାହିଁ, ସବୁ ମା’ ମଙ୍ଗଳାଙ୍କ ଇଚ୍ଛା ଓ କୃପା। ରୋଗୀର ଆରୋଗ୍ୟ ପଛରେ ମୋର କୌଣସି ବାହାବା ନାହିଁ, କେବଳ ମା’ଙ୍କ ଆଶୀର୍ବାଦ ହିଁ ଚିକିତ୍ସାର ପ୍ରକୃତ ଔଷଧ।”ସାଧକ ତଥା ଆୟୁର୍ବେଦ ଚିକିତ୍ସକ ଶ୍ରୀ ଅକ୍ଷୟ କୁମାର ଗୁରୁଙ୍କର
ନିଃସ୍ୱାର୍ଥପର ସେବା ଓ ନିଶବ୍ଦ ସାଧନା ହେଉଛି ଆରୋଗ୍ୟ ର ମୂଳ ରହସ୍ୟ।
ଆଜିର ଆଧୁନିକ ଯୁଗରେ ଯେଉଁଠି ଚିକିତ୍ସା ଓ ସେବା ପ୍ରଚାର-ପ୍ରସାରର ଏକ ବାହକ ପାଲଟିଛି, ସେଠାରେ ଚିକିତ୍ସକ ଶ୍ରୀ ଅକ୍ଷୟ କୁମାର ଗୁରୁ ସମ୍ପୂର୍ଣ୍ଣ ବ୍ୟତିକ୍ରମ। ସେ କେବେବି ନିଜର କିମ୍ବା ନିଜ ଚିକିତ୍ସାର ପ୍ରଚାର କରିବାକୁ ଚେଷ୍ଟା କରିନାହାଁନ୍ତି। ଆଡ଼ମ୍ବର ଓ ପ୍ରଚାରଠାରୁ ବହୁ ଦୂରରେ ରହି ସେ ନିଜକୁ ନିଶବ୍ଦ ସେବାରେ ନିୟୋଜିତ ରଖିଛନ୍ତି।ଦୂରଦୂରାନ୍ତରୁ ଆସୁଥିବା ଆସାଧ୍ୟ ରୋଗୀମାନେ ଏହି ପୀଠରୁ ଆରୋଗ୍ୟ ଲାଭ କରି ଫେରୁଛନ୍ତି। ଶହ ଶହ ଲୋକଙ୍କର ଏହି ନିରାମୟ ଅନୁଭୂତି ହିଁ ଏହି ପୀଠର ମାହାତ୍ମ୍ୟକୁ ସ୍ୱତଃ ପ୍ରକାଶ କରୁଛି।
ଜୟପୁର ଶକ୍ତିପୀଠର ମୁଖ୍ୟ ବିଶେଷତ୍ୱ ହେଉଛି ଏହା ଶକ୍ତି ପୀଠ ଭାବରେ ଏହି ଅଞ୍ଚଳରେ ପ୍ରସିଦ୍ଧି ଲାଭ କରିଛି। ଏହି ପୀଠର ଆରାଧ୍ୟା ଦେବୀ ମା’ମଙ୍ଗଳା।ପୂଜକ ଆୟୁର୍ବେଦ ଚିକିତ୍ସକ ଶ୍ରୀ ଅକ୍ଷୟ କୁମାର ଗୁରୁ। ସେବାର ମାହାତ୍ମ୍ୟ ହେଉଛି ମା’ମଙ୍ଗଳା ଙ୍କ ଆଶ୍ରିବାଦ ସହ ଆୟୁର୍ବେଦ ଚିକିତ୍ସା। ଏହି ଚିକିତ୍ସକ ଜଣକ ସମ୍ପୂର୍ଣ୍ଣ ମା’ ଙ୍କର ଆଶ୍ରିବାଦ କୁ ଆଶ୍ରା କରି ସମ୍ପୂର୍ଣ୍ଣ ରାଜ୍ୟକୁ ରୋଗମୁକ୍ତ କରିବାର ଭିକ୍ଷା ମାଗନ୍ତି।
ଏହି ଶକ୍ତିପୀଠ ଟି ଏବେ ଏକ ନିରାମୟ ଓ ବିଶ୍ୱାସର କେନ୍ଦ୍ରବିନ୍ଦୁ ପାଲଟିଯାଇଛି।ଯେତେବେଳେ କୌଣସି ରୋଗୀ ଏହି ପୀଠରୁ ସୁସ୍ଥ ହୋଇ ଫେରେ, ସେତେବେଳେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ ଆସେ ଏହି ଚିକିତ୍ସାର ରହସ୍ୟ କ’ଣ? ଏହାର ଗୋଟିଏ ସରଳ ଓ ନିଷ୍କପଟ ଉତ୍ତର ମିଳେ, “ସବୁ ସେହି ମା’ଙ୍କ କୃପା।” ସାଧକଙ୍କ ନିଷ୍ଠା, ଆୟୁର୍ବେଦର ଜଡ଼ିବୁଟି ଏବଂ ମା’ ମଙ୍ଗଳାଙ୍କ ଅପାର କରୁଣାର ସଂମିଶ୍ରଣରେ ଏଠାରେ ଅନେକ ଜଟିଳ ରୋଗର ନିରାକରଣ ସମ୍ଭବ ହୋଇପାରୁଛି।
ଜୟପୁରର ଏହି ମା’ ମଙ୍ଗଳା ପୀଠ କେବଳ ଯାଜପୁର ଜିଲ୍ଲାର ନୁହେଁ, ବରଂ ସମଗ୍ର ଓଡ଼ିଶାର ଆଧ୍ୟାତ୍ମିକ ଓ ପାରମ୍ପରିକ ଚିକିତ୍ସା ଧାରାର ଏକ ଅନନ୍ୟ ଏବଂ ପବିତ୍ର ଉଦାହରଣ। ଏହା ପ୍ରମାଣିତ କରେ ଯେ ନିଷ୍କାମ ସେବା ଓ ଅଟଳ ବିଶ୍ୱାସ ଆଗରେ ଯେକୌଣସି ବିପଦ ଓ ରୋଗ ପରାଜିତ ହେବାକୁ ବାଧ୍ୟ।
