କଟକ(ବାସ୍ତବ କଥା):ବିଶ୍ଵସ୍ତ ସୂତ୍ରରୁ ଖବର ପାଇ କଟକ ଜିଲ୍ଲା ଅବକାରୀ ଅଧିକ୍ଷକ ଶ୍ରୀ କରୁଣା ଶଙ୍କର ତ୍ବିଓ୍ବାରୀ ଙ୍କ ନିର୍ଦ୍ଦେଶକ୍ରମେ କଟକ ଜିଲ୍ଲା ଭ୍ରାମ୍ୟମାଣ ଅବକାରୀ ବିଭାଗ ଭାରପ୍ରାପ୍ତ ଅବକାରୀ ନିରୀକ୍ଷକ ଶ୍ରୀ ଭକ୍ତବତ୍ସଳ ବର୍ମା ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ କଟକ ମହାନଗର ନିଗମ ଅନ୍ତର୍ଗତ ଜଗତପୁର ଗୋଲେଇ ଛକ ନିକଟରେ ଥିବା ଆହାର କେନ୍ଦ୍ର ନିକଟରେ ଚୋରା ହେରୋଇନ୍ ବ୍ୟବସାୟୀ କଟକ କେଶରପୁର ଅଞ୍ଚଳ ର ଶ୍ରୀ କେ.ଭେଙ୍କଟ୍ କୁ ଗିରଫ କରିବା ସହ ତା’ପାଖରେ ମହଜୁଦ ଥିବା ୭୨ ଗ୍ରାମ ଚୋରା ହେରୋଇନ୍ ଯାହାର ଆନୁମାନିକ ମୂଲ୍ୟ ପ୍ରାୟତଃ ୭,୨୦,୦୦୦/-ଟଙ୍କା ହେବ ଜବତ କରି ଓଡ଼ିଶା ଅବକାରୀ ଆଇନ ୧୯୮୫ ଧାରା ୨୧(ବି) ଏନ୍.ଡି.ପି.ଏସ୍. ଅନୁଯାୟୀ ମାମଲା ରୁଜ୍ଜୁ କରି କୋର୍ଟ ଚାଲାଣ କରିଛନ୍ତି।
ଅବକାରୀ ବିଭାଗ ର ଏହି ଚଢାଉ ରେ ନିରୀକ୍ଷକ ଶ୍ରୀ ବର୍ମା ଙ୍କ ସହ ଜିଲ୍ଲା ଭ୍ରାମ୍ୟମାଣ ଅବକାରୀ ବିଭାଗ ର ସହକାରୀ ନିରୀକ୍ଷକ ଶ୍ରୀମତୀ ନିରୁପମା ସାହୁ, ସହକାରୀ ଉପ-ନିରୀକ୍ଷକ ଶ୍ରୀ ଆଶୁତୋଷ ଜେନା, ଅବକାରୀ କନେଷ୍ଟବଳ ଶ୍ରୀ ଅଜୟ କୁମାର ଜେନା, ଶ୍ରୀ ଦେବବ୍ରତ ଓଝା, ଶ୍ରୀ ଶଙ୍କର ସିଂ, ଶ୍ରୀ ଲକ୍ଷ୍ମଣ ବେହେରା ଙ୍କ ସହ ମହିଳା ଅବକାରୀ କନେଷ୍ଟବଳ ଶ୍ରୀମତୀ ପ୍ରିୟତମା ରଥ ସାମିଲ୍ ହୋଇଥିବା ଜିଲ୍ଲା ଅବକାରୀ ବିଭାଗ ପକ୍ଷରୁ ସୂଚନା ମିଳିଛି।
