କାକଟପୁର(ମାନସ ସାମଲ): ୧୦/୦୭- କାକଟପୁର ଶିକ୍ଷା ବିଭାଗ ଅଧିନରେ ଥିବା ପାଟସୁନ୍ଦରପୁର ଗ୍ରାମପଞ୍ଚାୟତ ଅନ୍ତର୍ଗତ ମହାଦେବସ୍ତ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ପ୍ରଫୁଲ୍ଲ କୁମାର ମିଶ୍ର ଦୀର୍ଘ ଦଶନ୍ଧି ଧରି ଏହି ବିଦ୍ୟାଳୟରେ କର୍ତ୍ତବ୍ୟ ନିଷ୍ଠ ଭାବରେ ଶିକ୍ଷାଦାନ କରି ଆଜି ବିଦ୍ୟାଳୟରୁ ଅବସର ନେଉଥିବା ଅବସରରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି।
ବିଦ୍ୟାଳୟର ପ୍ରଧାନ ଶିକ୍ଷକ ବିନୟ କୁମାର ଖୁଣ୍ଟିଆଙ୍କ ସଭାପତିତ୍ୱରେ ଆୟୋଜିତ ସଭାରେ ମୁଖ୍ୟ ଅତିଥି ପୁରୀ ଜିଲ୍ଲା ପରିଷଦର ପୂର୍ବତନ ଅଧ୍ୟକ୍ଷ ଜ୍ୟୋର୍ତିମୟ ଦଳାଇ, ମୁଖ୍ୟବକ୍ତା ବିଡିଏର ବଣ୍ଟନ ଅଧିକାରୀ ପ୍ରଭାତ କୁମାର ତରାଇ, ସମ୍ମାନିତ ଅତିଥି ମଣ୍ଡଳ ଅତିରିକ୍ତ ଶିକ୍ଷାଧିକାରୀ ବଂଶୀଧର ମଲ୍ଲିକ, ପୂର୍ବତନ ମଣ୍ଡଳ ସହ ଶିକ୍ଷାଧିକାରୀ ବ୍ରହ୍ମାନନ୍ଦ କାଣ୍ଡି, ପାଟସୁନ୍ଦରପୁର ଗ୍ରାମପଞ୍ଚାୟତ ସରପଞ୍ଚ ଚତୁର୍ଭୁଜ ରାଉତ, ଆଞ୍ଚଳିକ ସାଧନ କେନ୍ଦ୍ରର ସଂଯୋଜକ ଏକବାଲ ହୁସେନ ଖାଁ ପ୍ରମୁଖ ଯୋଗଦେଇଥିଲେ।
ଛାତ୍ରଛାତ୍ରୀ ବତ୍ସଳା, ଅନୁଷ୍ଠାନ ପ୍ରେମୀ, ବିଦ୍ୟାନୁରାଗୀ, ସମୟାନୁବର୍ତ୍ତୀ ଶିକ୍ଷକ ଶ୍ରୀ ମିଶ୍ରଙ୍କ ବିଦ୍ୟାଦାନ ସେବାରୁ ନିବୃତ୍ତି ଯୋଗୁଁ ଆମ ସ୍କୁଲ ଜଣେ କର୍ମବୀର ଶିକ୍ଷକଙ୍କ ଶିକ୍ଷାଦାନରୁ ଆମ ପିଲା ବଞ୍ଚିତ ହେଲେ ବୋଲି ଅବିଭାବକ ମାନେ ମତ ରଖିବା ସହିତ ତାଙ୍କର ଅବଶିଷ୍ଟ ଜୀବନ ସୁଖମୟ ହେବାପାଇଁ ମା’ମଗଂଳାଙ୍କ ନିକଟରେ ପ୍ରାଥନା କରି ଅଶ୍ରୁଳ ଚକ୍ଷୁରେ ଭଗ୍ନ ହୃଦୟରେ ଉପଢୌକନ ସହ ତାଙ୍କର ବାସଗୃହ ପତିସାହିରେ ପାଛୋଟି ଦେଇ ଆସିଥିଲେ।
