କାକଟପୁର(ମାନସ ସାମଲ)୧୪/୦୮-ଦେଶ ସ୍ୱାଧିନତା ପ୍ରାପ୍ତିର ୭୯ ବର୍ଷ ପୂର୍ତ୍ତୀ ଅବସରରେ,ସ୍ୱାଧୀନତା ଦିବସ ପାଳନର ଅବ୍ୟବହିତ ପୂର୍ବରୁ, ଦେଶର ସ୍ୱାଧିନତା ସଂଗ୍ରାମୀ ମାନଙ୍କ ସାହାସ ଓ ବଳିଦାନକୁ ସମ୍ମାନ ଜଣାଇବା ପାଇଁ,କେନ୍ଦ୍ର ଓ ରାଜ୍ୟ ସରକାରଙ୍କ ଦ୍ୱାରା ନିଆଯାଇଥିବା କାର୍ଯ୍ୟକ୍ରମ ଘରେ ଘରେ ତ୍ରୀରଙ୍ଗା ସଚେତନତା ରାଲି ଆଜି କାକଟପୁର ବ୍ଲକରେ ଅନୁଷ୍ଠିତ ହୋଇଯାଇଛି।
ବନ୍ଦେ ମାତରଂର ଭାବନା ପ୍ରତି ସମର୍ପିତ ହୋଇ କାକଟପୁର ମଣ୍ଡଳ ଉନ୍ନୟନ ଅଧିକାରୀ ନାରାୟଣ ଦିକ୍ଷୀତିଙ୍କ ତତ୍ବାବଧାନରେ ଏକ ରାଲି ବ୍ଲକ ପରିସରରୁ ବାହାରି ବଜାର ପରିକ୍ରମା କରି ପବିତ୍ର ପ୍ରାଚୀନଦୀ ତଟରେ ଥିବା ପୌରାଣିକ ବିଶ୍ୱାମିତ୍ର ଆଶ୍ରମରେ ପହଂଚିଥିଲା।ବ୍ଲକ ସ୍ତରୀୟ ମହିଳା ସଂଗଠନର ସଭାନେତ୍ରୀ ଚାଋଲତା ଖୁଣ୍ଟିଆ ଓ ସମ୍ପାଦିକା ଲିଲିପ୍ରିୟା ସାହୁଙ୍କ ନେତୃତ୍ୱରେ ୧୬ଗୋଟି ପଂଚାୟତ ମହିଳା ସଂଗଠନର କର୍ମକର୍ତ୍ତା, ବ୍ଲକର ସମସ୍ତ କର୍ମଚାରୀ, ସାଧାରଣ ଜନତାଙ୍କ ସମେତ ପଂଚାୟତ ସମିତି ଅଧ୍ୟକ୍ଷ ଶ୍ରୀଧର ନାୟକ, ବିପିଏମ ଶୁଶ୍ରୀ ମଧୁଛନ୍ଦା ପ୍ରଧାନ ଓ ଶିକ୍ଷକ ନେତା ତ୍ରୀଲୋଚନ ବିଶ୍ୱାଳ ପ୍ରମୁଖ ଯୋଗଦେଇଥିଲେ।
