ବାସ୍ତବବ୍ୟୁରୋ:ନି.ପ୍ର (ଚୌଦ୍ୱାର) ଚୌଦ୍ୱାର ଥାନା ଅନ୍ତର୍ଗତ ଧୁମାବତୀ ଛକ ନିକଟରେ ଥିବା ଏକ ମଦ ଦୋକାନରୁ ବିପୁଳ ପରିମାଣର ମଦ ଚୋରି ହୋଇଥିବା ଥାନାରେ ଅଭିଯୋଗ ହୋଇଛି।
ଗତ ଗୁରୁବାର ସନ୍ଧ୍ୟାପରେ ଦୋକାନ ବନ୍ଦ ଥିବାର ସୁଯୋଗ ନେଇ ଚୋରମାନେ ଦୋକାନ ଘରର ମୁଖ୍ୟ ଫାଟକରେ ପଡିଥିବା ତାଲାକୁ ଭାଙ୍ଗି ଦେବା ସହିତ ଦୋକାନରେ ଲାଗିଥିବା ସିସିଟିଭିକୁ ମଧ୍ୟ ଭାଙ୍ଗି ଦେଇ ଦୋକାନରେ ଥିବା ପ୍ରାୟ ୫ ଲକ୍ଷ ଟଙ୍କାରୁ ଉର୍ଦ୍ଧ ଟଙ୍କାର ମଦ ଲୁଟି ନେଇ ଫେରାର ହୋଇଯାଇଥିବା ମଦ ଦୋକାନୀ ଚୌଦ୍ୱାର ଥାନାରେ ଲିଖିତ ଅଭିଯୋଗ କରିଛନ୍ତି।ଅଭିଯୋଗ ପାଇ ଚୌଦ୍ୱାର ପୋଲିସ ୨୩୦/୨୧ରେ ଏକ ମାମଲା ରୁଜୁ କରି ସାଇଣ୍ଟିଫିକ ଟିମ ସହିତ ଘଟଣାର ତଦନ୍ତ ଆରମ୍ଭ କରିଛି।
