କଟକ(ବାସ୍ତବକଥା): ପବିତ୍ର ଘୋଷଯାତ୍ରା ଲାଗି ସମଗ୍ର ବିଶ୍ୱର ସମସ୍ତ ଜଗନ୍ନାଥ ପ୍ରେମୀ ଉତ୍ସୁକ ହୋଇ ଅନାଇ ରହିଥିବା ବେଳେ ଶ୍ରୀକ୍ଷେତ୍ର ପୁରୀ ଚଳଚଞ୍ଚଳ ହୋଇପଡିଛି।
ଏହି ପବିତ୍ର ରଥଯାତ୍ରା ଲାଗି ସମଗ୍ର ଓଡ଼ିଶା ର ସମସ୍ତ ଜିଲ୍ଲାମାନଙ୍କରେ ପ୍ରସ୍ତୁତି ଚାଲିଥିବା ବେଳେ କଟକ ବା କେମିତି ବାଦ୍ ପଡିବ। ଏଥିଲାଗି କଟକ ମହାନଗର ନିଗମ ପକ୍ଷରୁ କଟକ ମହାନଗର ନିଗମ ର ମେୟର ଓ କମିଶନର କଟକ ମହାନଗର ନିଗମରେ ହେବାକୁ ଥିବା ପ୍ରତିଟି ରଥଯାତ୍ରା ସ୍ଥଳ ବୁଲି ସ୍ଥିତି ଅନୁଧ୍ୟାନ କରିବା ସହ ତୁରନ୍ତ ସମାଧାନ ଓ ପଦକ୍ଷେପ ନେବାକୁ ବିଭାଗୀୟ ଅଧିକାରୀମାନଙ୍କୁ କଡା ନିର୍ଦ୍ଦେଶ ଦେଇଛନ୍ତି।
ଆଜି ଏହି ପରିପ୍ରେକ୍ଷୀରେ କଟକ ର ମେୟର ଶ୍ରୀ ସୁବାସ ସିଂ କମିଶନର ସୁଶ୍ରୀ କିରଣ ଦୀପ ସିଂ ସହୋଟା କଟକର ଓ.ଏମ୍.ପି ଛକ ସ୍ଥିତ କଟକ ୬ଷ୍ଠ ବାଟାଲିୟନ ପରିସରରେ ପ୍ରତିଷ୍ଠିତ ପ୍ରଭୁ ଶ୍ରୀ ଜଗନ୍ନାଥଙ୍କ ମନ୍ଦିର ର ପରିସ୍ଥିତି କୁ ଅନୁଧ୍ୟାନ କରିବା ସହ କିପରି ଭାବେ ରଥଯାତ୍ରା ସୁଚାରୁ ରୂପେ ସମ୍ପାଦନ ହେବ ସେହି ବିଷୟରେ ବାଟାଲିୟନର ବରିଷ୍ଠ ଅଧିକାରୀ ଙ୍କ ସହ ଆଲୋଚନା କରିଥିଲେ। ଏହି ଆଲୋଚନାରେ ମେୟର ଓ କମିଶନର ଙ୍କ ସହ ସ୍ଥାନୀୟ କର୍ପୋରେଟର ଇଂ ସୁବ୍ରତ ଘଡେ଼ଇ,ବାଟାଲିୟନ ର ଉପ-ଦୂର୍ଗପତି ଶ୍ରୀ ସ୍ୱଦେଶ କୁମାର ମହାନ୍ତି, ସହକାରୀ ଦୂର୍ଗପତି ଶ୍ରୀ ମାନ୍ଧାତା ସାଇ, ବରିଷ୍ଠ ଅଧିକାରୀ ଶ୍ରୀ କୈଳାସ ଚନ୍ଦ୍ର ସ୍ବାଇଁ, ଶ୍ରୀ ବିକ୍ରମ କିଶୋର ଦାସ, ସିପାହୀ, ହାବିଲଦାର ଓ କନେଷ୍ଟବଳ ସଂଘ ସଭାପତି ଶ୍ରୀ ବିମଳ ପାତ୍ରଙ୍କ ସହ ସଂଘ ସମ୍ପାଦକ ଓ ଅନ୍ୟାନ୍ୟ କର୍ମକର୍ତ୍ତାଗଣ ତଥା କର୍ମଚାରୀମାନେ ଉପସ୍ଥିତ ଥିଲେ।
ମେୟର ଓ କମିଶନର ଶୃଙ୍ଖଳିତ ରଥଯାତ୍ରା ଲାଗି ଖୁବ୍ ଶୀଘ୍ର ସମସ୍ତ ସୁବିଧା ସୁଯୋଗ ନିଗମ ପକ୍ଷରୁ ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି।
